Mathui 19:21 - Ṉa Alaofua Falu 1923 1949

²¹ Tha Jesus ka soree isana, Mada so thathamia oki lea bonaa, lae, oki usi asi do no rikidaki, ma oki fale ana toa na kesi rikii do, ma toto oki rikia ogogonia i thalo: ma lae mai, oki lae iburiaku.

Mathui 19:21 Iomraidhean Croise

GENESIS 17:1

Ma si maṉa na sikwa tafulu fa ṉali ma sikwa fa ṉali e sui atha Aberamo, tha Jihova ka fula fatai isatha Aberamo, ka soree isana, Ni nau ṉa God Rigita ka Tatha; oki lae inaofana maaku, ma abula lamu kai oolo teefau.

GENESIS 6:9

Si ade la ne ita mai atha Noa nai nia: tha Noa ṉa wane kokoto, ma si ade la ne ita mai ani nia si ade la oolo ki: tha Noa ka lae ofu bia tha God.

Fa Ṉu Abu ki 37:37

Lio teiṉei uria wane abula lane oolo teefau, rikia fasi wane kokoto: uria na gwauna tala wane eri na ṉa enenoa.

Mathui 16:24

Sui tha Jesus ka soree isana toa nia ne toleda, Mada sa ta wane kai thathamii lae iburiaku, nia kai sorea nia dora ani nia i talaana, kai ṉalia ’ai rarafolo nia, ma kai lae iburiaku.

Mathui 19:20

Wane bii baita eri ka soree isana, Si do eki sui bana ku adede sulia ita na ku faekwa: si ta ne ai u faisi nau?

Mathui 19:22

Ma si maṉa na wane bii baita eri e roṉoa si ṉata eri, nia ka lae ana liodila: uria nia rikia do oro.

Mathui 19:28

Ma tha Jesus ka soree isada, Mamana ku soree isamulua, na toa na mulu lae iburiaku, ana futa falu la asi maṉa na Kaluwane imole kai ono ana do ni ono la nia ana inotoa, kamulua lau boo muka ono ana tafulu fa do ni ono la ma ro fa do, muki wane ni kotu ki ana tafulu kulee toa ma ro kulee toa Isirela.

Mathui 4:19

Ma nia ka soree isada, Moki lae mai iburiaku, kwai tole kamaroa ana de lana imole.

Mathui 5:48

Mania muka lea bonaa, ’uria na Maka kamulua ne ni mei thalo e lea bonaa.

Mathui 8:22

Ma tha Jesus ka soree isana, Lae mai iburiaku; ma oki akwasia toa mae ki keki alua wane kera ne mae.

Mathui 9:9

Ma si maṉa na tha Jesus e tatha faisia kula eri, nia rikia tee nonii wane, kera alaṉia ana tha Mathiu, kai ono asi kula ni ṉali lana takisi ki: ma nia ka soree isana, Lae mai iburiaku. Ma nia tatae, ka lae iburiana.

Mako 10:21

Sui tha Jesus e bubuṉia, ka liothau ania, ma ka soree isana, Tee do e ai u faisi oe: lae, oki usi ana ta si ta noko rikia, ma oki fale ana toa na kesi rikii do, ma toto oki rikia ogogonia i thalo: ma lae mai, ṉalia ’ai rarafolo eri, oki lae iburiaku.

Mako 2:14

Ma si maṉa nia kai tatha, nia rikia tha Lifae kaluwane tha Alafeasi kai ono asi kula ni ṉali lana takisi ki, ma nia ka soree isana, Lae mai iburiaku. Ma nia tatae ka lae iburiana.

Mako 8:34

Ma buriana ne ailia mai toa eki bia toa nia ne toleda isana, nia ka soree isada, Ni tei bana na kai thathamii lae iburiaku, kai sorea nia dora ani nia i talaana, kai ṉalia ’ai rarafolo nia, ma kai lae iburiaku.

Luke 12:33

Muki usi asi do na mulu alua, ma muki tona faledo ifana toa na kesi rikii do; muki thauwai nia wai ni alumalefo ifamulua na toto si lafu, ṉa ogogonia i thalo lo ki mai na toto si sui, si kula na wane na kai bili si fula karaṉia, ma fufuru si labatania.

Luke 14:33

Mania kai una eri lau boo, ni tei bana iamulua ne ai si luka teefau asi do ne rikidaki, nau sa kwa tole nia e ai.

Luke 16:9

Ma nau ku soree isamulua, Muki ilia si do ana inotoa ne ai si kokoto fasi keki ado bi kamulua fafia; fasi, lalae e sui, keki thathagoni kamulua i la biui maku ki na kai to tatha.

Luke 18:22

Ma si maṉa na tha Jesus e roṉoa si do eki, nia ka soree isana, Tee do e ai u faisi oe: oki usi asi do oe ki sui boo no rikidaki, ma oki toliṉia faisia toa na kesi rikii do, ma toto oki rikia ogogonia i thalo: ma lae mai, oki lae iburiaku.

Luke 5:27

Ma iburiana si do eki nia e lae kau, ka rikia tee wane ni ṉali lana takisi ki, thatana tha Lifae, kai ono asi kula ni ṉali lana takisi, ma ka soree isana, Lae mai iburiaku.

Luke 6:40

Wane na kera tolea e ai is inoto ana wane ni kwaifamanatai nia: ma wane ni sui bana ne thaitoomana lea naa si do ki kai ’uria wane ni kwaifamanatai nia.

Luke 9:23

Ma nia ka soree isadalua sui, Mada sa ta wane kai thathamii lae iburiaku, nia kai sorea nia dora ani nia i talaana, kai ṉalia ’ai rarafolo nia ta fa boṉi si ei, ma kai lae iburiaku.

Jone 10:27

Sifi nau ki kera roṉoa liṉana ṉata laku, ma nau ku thaitoomada, ma kere lae iburiaku:

Jone 12:26

Mada sa ta wane ka ra ifaku, nia kai lae mai iburiaku; ma si kula nau kwai to iei, kula eri lau boo wane ni ra nau kai to iei: mada sa ta wane ka ra ifaku, nia na Maka nau kai fare baita ania.

Si do Aposela ki kera ilidaki 2:45

Ma kera usi asi do na kera rikidaki ma si do kera ki, keka toliṉia faisia toa eki sui boo, sulaania rofe la na atona bana ta wane ka rofe ania.

Hibaru ki 10:34

Uria na mulu tatatakomia toa eki na kera kani fafida, ma si maṉa na kera lagua si do kamulua ki mulu seethathala ania, sulaania mulu thaitoomana amulua do lea ka tatha na muka rikia, ma do na kai to ladoa.