Mathui 18:11 - Ṉa Alaofua Falu 1923 1949

¹¹ Uria na Kaluwane imole e fula uria faamaruki lana do ne garo.

Mathui 18:11 Iomraidhean Croise

Mathui 10:6

Ma sifi ne garo ana toa tha Isirela molo muka lae isada.

Mathui 15:24

Ma nia luuda, ka sorea, Kesi arasi nau mai isana toa eeta e ai, sifi ne garo ana toa tha Isirela kera arasi nau mai isada.

Mathui 18:12

Nifenia manatamulua? so ta wane ana ta taleṉee sifi, ma tee do iada ka garo, nia si ekwa ana sikwa tafulu sifi ma sikwa sifi eki, me ai si lae i la tolo, fasi kai rofea do ne garo?

Mathui 9:12

Ma si maṉa na tha Jesus e roṉoa, nia ka sorea, Toa na kera lukatai kesi rofea doketa, talitoona boo toa na kera matai.

Luke 15:24

Uria na kaluwane nau nei e mamae, ma ka maruki lau; e aaana naa, ma keka rikia lau. Ma keka bii seethathala.

Luke 15:32

Si do e lea na kuki seethathala ma kai lea iakulua: uria na dooramu nei e mamae, ma ka maruki lau; e aaana naa, ma keka rikia lau.

Luke 19:10

Uria na Kaluwane imole e fula uria rofe lana ma faamaruki lana si do ne lalae garo.

Luke 9:56

Uria na Kaluwane imole e ai si fula uria labatai lana maṉona imole; e fula uria faamaruki lana. Ma keka lae nada uria ta toaa faekwa lau.

Jone 10:10

Wane ana bili la e ai si lae mai uria ta do lau, talitoona fasi kai bili, ma kai kwaithauṉi, ma kai labatania: ni nau ku lae mai fasi keki maruki, ma keki sukwai.

Jone 12:47

Ma mada sa ta wane ka roṉoa si ṉata nau, ma ka ai si faamamanea, nau e ai kwasi ṉata suli nia mala wane ni kotu: uria ni nau kwasi lae mai fasi kwai ṉata una eri sulia toa na fanua nei iano e ai, fasi kwa faamarukia toa na fanua nei iano.

Jone 3:17

Uria na tha God e ai si arasia mai Kaluwane nia uria fanua nei iano fasi kai ṉata mala wane ni kotu sulia toa na fanua nei iano e ai; fasi kai faamarukida bana.

I. Timothi 1:15

Si ṉata mamana neri, me farana na keki faamamanea ṉado, na tha Christ Jesus e lae mai uria fanua nei iano uria faamaruki lana toa na kera abula taa; ma ni nau wane ku abula taa ka tatha ani kera sui: