Mathui 17:20 - Ṉa Alaofua Falu 1923 1949

²⁰ Ma tha Jesus ka soree isada, Sulaania fitala la kamulua: uria mamana ku soree isamulua, Mada sa amulua fitooa ’uria ta foee masitata, do muki soree isana gwa tolo nei, Lae faisia kula nei, oki lae uria kula loko; nia kai lae neri; ma toto ka ai boo ta si do na musi talaana ili lana.

Mathui 17:20 Iomraidhean Croise

Mathui 13:31

Ta tarifula lau nia ka faaroṉo kera ania, ka una eri, Tooa i thalo e ’uria tee foee masitata, na tee wane e ṉalia, ma ka afusia i la ra nia:

Mathui 14:29

Ma nia ka sorea, Lae mai. Ma tha Pita ka sifo faisia foorua, ma ka talau fafona amali, kai lae isatha Jesus.

Mathui 17:17

Ma tha Jesus e luua, ka sorea, Kamulua unii wane na musi fitoo ma muki lae eeta, ta fita fa boṉi lau kwai to isamulua? ta fita fa boṉi lau kwai doanita iamulua? talaia mai kunei isaku.

Mathui 17:19

Sui toa ne toleda kera fula isatha Jesus tee kera, kera sorea, Uria ta na misi talaana arasi lana?

Mathui 17:9

Ma si maṉa na kera sifo mai faisia gwa tolo eri, tha Jesus e faaroṉo kera, ka una eri, Musi faaroṉo asi do na mulu rikia isata wane, ka maasia si maṉa na Kaluwane imole e tatae naa faisia toa mae ki.

Mathui 21:21

Tha Jesus e luuda, ka soree isada, Mamana ku soree isamulua, Mada sa amulua ta fitooa, ma musi fitala, sa muka ilia talitoona si do na kera ilia ana thakwari nei e ai, do mada sa muki sorea mena isana gwa tolo nai, Keki ṉali oe ma keki u ani oe i la amali, do eri kai mamana.

Mathui 8:26

Ma nia ka soree isada, Uria ta na muki mau, toa na fitooa kamulua e faekwa? Ma si maṉa eri nia tatae, ka sorea thauthau ma amali; ma amali ka daununu asia naa.

Mako 11:22

Ma tha Jesus e luua, ka soree isada, Muki fitoona tha God.

Mako 11:23

Uria mamana ku soree isamulua, Ni tei bana na kai soree isana gwa tolo nai, Keki ṉali oe ma keki u ani oe i la amali; ma ka ai si fitala i ruruuna, kai fitoo sa do nia sorea kai mamana; nia kai rikia atona bana si do ne sorea.

Mako 4:31

E ’uria tee foee masitata, na lalae kera afusia i la theegano, ka faekwa asia boo faisia foee do ki na ni la theegano,

Mako 9:23

Tha Jesus e soree isana, Mada sa ku talaana! Kera talaana ili lana si do ki sui bana ifana wane na kai fitoo.

Luke 1:37

Uria na tha God e ai ta si do si afetai iana.

Luke 17:6

Ma ṉa Lord ka sorea, Mada sa amulua fitooa ka ’uria ta foee masitata, do muki soree isana sikamine nei, Keki lafu fa laila ani oe, ma keki fasi oe i la amali; ma do eri kai ade sulia ṉata lamulua.

Luke 18:27

Ma nia ka sorea, Si do na imole si talaana ili lana tha God e talaana.

Jone 11:40

Tha Jesus ka soree isana, Ta na ba ku soree isamu, na mada sa oko fitoo, do oki rikia inotoa tha God?

I. Korinitha 12:9

Ata wane lau fitooa, ana tee Spirit eri boo; ata wane lau kera falea si kula eri na nia kai faamarukia toa na kera matai ki, ana tee Spirit eri boo;

I. Korinitha 13:2

Ma mada sa akua ṉata la mala porofeta, ma ku thaitoomana lea maalutana si do ki sui bana ne toto thaufuni ma si do ki sui bana na kera thaitoomana; mado akua fitooa baita, fasi kwa idua gwa tolo ki mena, ma liothau la ka ai faisi nau, nau tonee do.

Hibaru ki 3:19

Mania kulu thaitoomana na kesi talaana kotho la ania uria fitala lada.