Mathui 16:13 - Ṉa Alaofua Falu 1923 1949

¹³ Ma si maṉa na tha Jesus e fula ana fanua kakali ki mai i Sesaria Filifae, nia ka soetoona toa nia ne toleda, ka una eri, Imole keki sorea ni tei bana ṉa Kaluwane imole?

Mathui 16:13 Iomraidhean Croise

Mathui 12:32

Ma ni tei bana na kai sorea ta si ṉata taa seena Kaluwane imole, keki manata lubea; ma ni tei bana na kai ṉata seena tha Spirit Abu, e ai kesi manata lubea, ana kada nei mena ka ai, ma kada na ni u ka ai lau boo.

Mathui 12:40

Sulia alafana na tha Jona e to sulia ulu fa thato ma ulu fa rodo i la rakena gwathasu; alafana lau boo Kaluwane imole kai to sulia ulu fa thato ma ulu fa rodo i la initoona theegano.

Mathui 12:8

Uria na Kaluwane imole e inoto ana fa boṉi mamaloa.

Mathui 13:37

Nia luuda, ka soree isada, Wane ne afusia foee do lea ki ṉa Kaluwane imole;

Mathui 13:41

Kaluwane imole kai arasia kau angel nia ki, ma keki ofua si do ki sui bana faisia tooa nia na kai faataofai, bia toa na keki ilia si do kera lufia.

Mathui 15:21

Ma tha Jesus e lae faisia kula eri, ma ka lae nana uri fanua ne to kakali ki mai i Taera ma i Saedona.

Mathui 16:27

Sulaania Kaluwane imole kai lae mai ana inotoa Maka nia bia angel nia ki; ma asi maṉa eri nia kai kwaiaraṉai nia wane ni sui bana sulia abula lada.

Mathui 16:28

Mamana ku soree isamulua, Tei wane keki to bada ana toa na keki takwe kunei, ne ai dodoloa keki thaitoomana maea, keki rikia Kaluwane imole kai lae mai ana tooa nia, sui keka bii mae.

Mathui 25:31

Lalae Kaluwane imole kai lae mai ana inotoa nia, ma angel ki sui bana bi nia, asi maṉa eri nia kai ono ana do ni ono ana inotoa nia:

Mathui 8:20

Ma tha Jesus ka soree isana, Fokisi ki adalua malau ki, ma thaaro nei mamatalea ki adalua nui ki; ma Kaluwane imole e ai ana ta si kula fasi ka reriṉania gwauna iei.

Mathui 9:6

Ma sui fasi muka thaitoomana na Kaluwane imole sukwaia ni ania i fanua nei iano uria manata lube lana abula taa la ki (nia kei bii soree isana wane na afemae e thauṉia), Tatae, ṉalia thamataia oe, ma oki lae uri biu oe.

Mako 10:45

Sulia Kaluwane imole mena e ai si fula fasi keki ra iana e ai, e fula uria ra la ifana imole, ma fale lana maṉona ana tae la faisia toa oro.

Mako 8:38

Mania ni tei bana na kai seenoni suli nau ma kai seenoni sulia bae laku maalutana unii wane nei na kera oe ma kera abula taa, Kaluwane imole kai seenoni lau boo suli nia, si maṉa na nia kai lae mai ana inotoa Maka nia bia angel abu ki.

Jone 1:51

Ma nia ka soree isana, Mamana, mamana, ku soree isamulua, Toto muki rikia thalo lo kai ifi, ma angel tha God ki keki tae kau ma keki sifo mai sulia ṉa Kaluwane imole.

Jone 12:34

Mania malului wane eri kera luua, keka una eri, Kamilia mili roṉoa ana ṉa lo na Christ ba kai to ṉado toto si sui: ma nifana ade lana oko sorea, Kaluwane imole keki tafo nia ia e ai si ei boo? Kaluwane imole eri ni tei?

Jone 3:14

Ma talafana tha Mosesi e tafoa baekwa i tolo ba i la fanua kwasi, alafana lau boo keki tafoa Kaluwane imole:

Jone 5:27

Ma nia e alu nia kai gwauwai fasi nia Wane ni Kotu lau boo, uria ni nia Kaluwane imole.

Si do Aposela ki kera ilidaki 10:38

Sulia tha Jesus, Wane i Nasaretha, na tha God e kiki nia ana gwai, ma gwai eri tha Spirit Abu ma sukwaia: ne liu fafia ili lana si do lea ki, ma ka faamarukia toa eki sui boo na tha devil e malataa anida; uria na tha God e to bi nia.

Si do Aposela ki kera ilidaki 7:56

Ma nia sorea, Rikia fasi, nau ku rikia kera ifinia thalo lo ki, ma Kaluwane imole kai takwe ana aba aola tha God.