Mathui 12:42 - Ṉa Alaofua Falu 1923 1949

⁴² Kiṉa kini ba i mutana kai tatae afa boṉi ana kotu baita isana unii wane nei maṉa eri, ma kai sorea kera abula taa boo: uria nia too mai i susui lana fanua nei iano ka lae mai uria roṉo lana liotooa tha Solomona; ma rikia fasi, tee wane ne baita ka tatha atha Solomona ni kunei.

Mathui 12:42 Iomraidhean Croise

Mathui 12:41

Wane ba i Ninifa ki toto keki takwe afa boṉi ana kotu baita isana unii wane nei maṉa eri, ma keki sorea kera abula taa boo: uria na kera akeletania boo manatada sulia ṉata lana tha Jona; ma rikia fasi, tee wane ne baita ka tatha atha Jona ni kunei.

Mathui 12:6

Ma nau ku soree isamulua, Tee wane ne baita ka tatha ana biu eri ni kunei.

Mathui 17:5

Si maṉa na nia kai ṉata u bana, rikia fasi, si datha iriroa ka nunufida: ma rikia fasi, liṉana si ṉata la e too mai la datha eri, ka una eri, Kaluwane liliothaua nau fu nia, e lea iaku uri nia; muki roṉoa ṉata lana.

Mathui 3:17

Ma lio fasi, liṉana tee ṉata la too mai thalo lo ki, ka una eri, Kaluwane liliothaua nau funia; e lea iaku uri nia.

Jone 1:14

Ma ṉa Baea eri ka imole, ma ka to i maalutamilia (ma mili rikia inotoa nia mala inotoa tee fa Kaluwane ṉa Maka, na nia e arasia mai), e fuṉu ana lea la ma mamana la.

Jone 1:18

E ai ta wane si rikia tha God ana ta si maṉa: tee fa Kaluwane eri, na ni ruruuna ṉa Maka, nia e fatai nia.