Mathui 11:5 - Ṉa Alaofua Falu 1923 1949

⁵ Toa maade rodo keki lio naa, toa aede katu keki lae, toa uru e thauṉida keki faafaluda; toa aliṉade bani keki roṉo, ma toa mae keki tataeda, ma toa na kesi rikii do keki ṉata sulia faaroṉoa lea isada.

Mathui 11:5 Iomraidhean Croise

Fa Ṉu Abu ki 146:8

Tha Jihova ka ifinia maana wane eki maade boko; tha Jihova ka tafoa iaa toa na kera agwaoro iano; tha Jihova ka liothau ana toa kokoto ki;

Fa Ṉu Abu ki 22:26

Toa na kera abula marabibi toto keki faṉa ada, keki abusu: toa na kera rofe uria tha Jihova keki taṉoa thatana: maṉomulua kai maruki toto si sui.

Mathui 10:8

Faamarukia toa kera matai, faafalua toa na uru e thauṉida, tataea toa kera mae, arasia spirit taa ki: mulu tona ṉali, muki tona fale.

Mathui 11:4

Tha Jesus e luuda, ka soree isada, Lae amaroa, moka faaroṉoa tha Jone asi do moki roṉodaki ma si do moki rikidaki:

Mathui 12:13

Sui nia ka soree isana wane eri, Tekwasia abamu. Ma nia ka tekwasia; ma abana ka lea lau bana, ’uria ruana aba nia.

Mathui 21:14

Ma toa maade rodo bia toa aede katu kera fula isana i la biu eri: ma nia ka faamarukida.

Mathui 5:3

Lea iada, toa na kesi rikii do i spirit kera ki: uria na do kera ni naa tooa i thalo.

Mathui 9:30

Ma maada ka laa. Ma tha Jesus ka bae fifi asia isada, ka una eri, Ada ta wane ka roroṉoa.

Mako 7:37

Ma kera tona ka faamau asia naa, keka una eri, Nia ilia si do ki sui bana ka lea: nia kai adea toa na aliṉade bani keka roṉo, ma toa fokode ato keka bae.

Mako 9:25

Si maṉa na tha Jesus e rikia malului wane kera fita, keka figu, nia ka sorea spirit taa eri, ka una eri isana, Oe spirit fokomu e ato ma aliṉamu ka bani, ni nau ku ṉata fifi isamu, oko kotho i maa faisia, ma osi to lau ani nia.

Luke 4:18

Spirit tha Lord ni fafi nau, Uria nia e gwai nau uria ṉata la sulia si faaroṉoa lea isana toa na kesi rikii do: Nia e arasi nau mai uria faamaruki lana toa liode dila faamau, Uria ’ai kwaitalofi la ana to laa la isana toa na omea e lauda, Ma ade lana imole maane rodo ka lio, Uria faaseelaa lana toa na kera kwae tataria anida,

Jone 10:25

Tha Jesus ka luuda, ka una eri, Ku faaroṉo kamulua naa, sui musi fitoo: ra ba ki na nau ku ilia ana thatana Maka nau, keka faamamane nau.

Jone 10:38

Sui mada sa ku ilia boo, musi fitooku mena, muki fitoona si ra eki: fasi muki thaitoomana ma muki faamamanea na ṉa Maka ni ani nau, ma ni nau ku ni ani nia.

Jone 2:23

Ma si maṉa nia e ni Jerusalema ana tathafafi la ba, si maṉa ana fafaṉa eri, toa oro kera fitoona thatana, uria na kera rikia bala si do ne ilidaki,

Jone 3:2

Wane eri e fula isatha Jesus afa rodo, ka soree isana, Rabae ae, kamilia mili thaitoomana ni oe wane ni kwaifamanatai na tha God e arasi oe mai: uria na ta wane sa ka ilia bala si do noki ilidaki e ai, mada sa tha God e ai si ni isana.

Jone 5:36

Ma faamamane la na kera faamamane nau ania asi do kera thaitoomana, e baita ka tatha ana faamamane la tha Jone: uria na si ra ki na ṉa Maka e falea ifaku sa kwai ilia, si ra eki boo na nau kwai ilia bakua, ka faamamane nau, na ṉa Maka e arasi nau mai.

Jone 9:7

Ma ka soree isana, Lae, oki sisiu amua i lala gwa osi i Siloama (ma toolaṉai lana si ṉata eri, Kera arasia). Mania ka lae, ka sisiu, me oli lau mai, ka lio naa.

Si do Aposela ki kera ilidaki 2:22

Kamulua wane Isirela ki, muki roṉoa si baea eri: Tha Jesus, Wane i Nasaretha, Wane na tha God e ala fafia inaofamulua asi ra baita ki ma do ni kwele la ania ki ma bala si do ki, na tha God e ilia ana abana i maalutamulua, ’uria si do na mulu tala thaitoomana;

Jemesi 2:5

Muki roṉoa fasi, doora liliothaua nau ki; ta na sa tha God e filia toa na kesi rikii do i fanua nei iano, keki rikii do ana fitooa, ma keki fulatoona tooa eri ne alaṉai nia ana toa na keki liothau ani nia, mado?