Mathui 10:28 - Ṉa Alaofua Falu 1923 1949

²⁸ Ma musi mau ana toa na keki thauṉia seena imole, ma sui kesi talaana thauṉi lana si maṉo: muki mau molo ani nia ne talaana labatai lana si maṉo bia seena imole i la hell.

Mathui 10:28 Iomraidhean Croise

Fa Ṉu Abu ki 119:120

Seeku ka leleba uria mau la ku mau ania iamu; ma nau ku mau faamau asi ṉataa fifi oolo oe ki.

Mathui 10:26

Mania musi mau anida: uria ne ai ta si do kera thu agwa fafia, na toto kesi fatai nia; me ai ta si do kera thaufunia, na toto kesi thaitoomana.

Mathui 25:46

Ma toa eki keki lae kau ana kwae la na kai to tatha: ma toa na kera kokoto keki to ana marukia tatha.

Mathui 5:22

Ma ni nau ku soree isamulua, Ni tei na kai tona rakeiri uria doorana kai to karaṉia kotu; ma ni tei bana na kai soree isana doorana, O wane oewanea, kai to karaṉia ofu la; ma ni tei bana na kai sorea, O wane oewanea bonaa, kai to karaṉia hell ana era.

Jone 5:29

Ma keki kotho i maa; toa na kera ilia si do ne lea, keki tatae ana marukia: ma toa na kera ilia si do ne taa, keki tatae ana kotu la.

Si do Aposela ki kera ilidaki 21:13

Sui tha Polo e luu kamilia, Ta na muki ilia, na muki aṉi ma muki adea lioku kai dila faamau? sulaania nau ku fifarao talitoona fasi keki kani fafi nau e ai, fasi kwai mae lau boo i Jerusalema uria thatana tha Lord Jesus.

Hibaru ki 10:31

Do ni kwaifamaui na imole kai asi nia i abana ṉa God maruki.

Hibaru ki 11:35

Kini ki kera ṉalia ana tatae la ina lada na kera mae ki naa: ma tei toa lau kera kwae fifi iada, ma kesi thathamii ilia si do na kai suusida faisia; fasi keki fulatoona tatae la ne lea ka tatha:

Jemesi 4:12

Tee nia boo ka alua ṉa lo ma ka Wane ni Kotu, ni nia ne sukwai fasi kai kwaifaamaruki ma ka kwailabatai: ma ni oe ni tei fasi oki ṉata mala wane ni kotu sulia wane oe?

I. Pita 3:14

Ma mada sa muka to ana taa la uria kokoto la, kai lea iamulua: ma musi mamau ana mau lada, mado i la ruruumulua si tataa;

Si do na kera fatai nia 2:10

Osi mau ana taa la eki na toto oki to ania: rikia fasi, e ai si tau na tha devil kai suia tai toa iamulua uri la lokafu, fasi keki ilitoomulua; ma muki to ana taa la sulia tafulu fa boṉi. Oki to mamana boo uria maea, kwai falea do ni eregwau ana marukia ifamu.