Mathui 1:20 - Ṉa Alaofua Falu 1923 1949

²⁰ Sui si maṉa nia kai manatatoona si do eki, rikia fasi, angel tha Lord ka fula fatai isana ana moosubolea, ka una eri: Josefa, oe kaluwane tha Defeta, osi mau ana tole lana kwaimu hi Meri isamu: sulia do ne to ani nia, do atha Spirit Abu.

Mathui 1:20 Iomraidhean Croise

GENESIS 31:11

Ma angel tha God e ṉata mai isaku ana moosubolea, ka una eri, Jekofo ae: ma ni nau ku sorea, Ni nau neri.

GENESIS 46:3

Ma nia ka soreo, Ni nau tha God, ṉa God maka oe: osi mau ana sifo lamu kau uri Ijifi; sulaania i fanua eri nau kwai alu oe ṉa maka totonao ana kulee toa inoto faamau:

Fa Ṉu Abu ki 119:125

Wane ni ra oe na ni nau, falea mai si lio ni thaitoomana lana maalutana si do ki; fasi kwai thaitoomana faamamane la oe ki.

Fa Ṉu Abu ki 143:8

Adea fasi kwai roṉoa ade lea lamu i la uusuwadia, uria na ni nau ku fitoomu: adea fasi kwai thaitoomana tala ne faraku kwai lae sulia; uria na ni nau ku tafoa maṉoku uri oe.

Fa Ṉu Abu ki 94:19

Asi manata la oro faamau na i ruruuku, si lio oe ni mamasoroa ki kai faaseethathalaa maṉoku.

Mathui 1:18

Futa lana mai tha Jesus Christ e una eri: Si maṉa na kera lufia naa thainana na ni Meri ifatha Josefa, maṉa kesi abetai keroa u, kera riki nia e iana atha Spirit Abu.

Mathui 2:12

Ma uria na tha God e faaroṉo kera ana moosubolea sorea kesi oli isatha Heroda, keka oli uri fanua kera ata tala eeta.

Mathui 2:13

Ma buriana na kera lae naa, rikia fasi, angel tha Lord e fula fatai isatha Josefa i la moosubolea, ka una eri, Tatae, oko tolea kali wela nei bia thainana, oko thaka uri Ijifita, ma oki to kula eri maasia si maṉa kwai faaroṉo oe ania; uria na tha Heroda toto kai rofea kali wela nei uria thauṉi lana.

Mathui 2:19

Ma lalae tha Heroda ka mae naa, rikia fasi, angel tha Lord e fula fatai isatha Josefa i la moosubolea i Ijifita mai,

Mathui 2:22

Ma sui e roṉoa na tha Akileasi kai inoto i Judia fuliṉana maka nia tha Heroda, nia ka mau ana lae la uria fanua eri; ma uria na tha God e faaroṉoa i la moosubolea, nia ka lae uria si kula nai Galili ki,

Mathui 27:19

Si maṉa nia kai ono ana do ni ono la ana kotu, kwaina e kwaiarasi isana, ka una eri, Oko to faisia wane kokoto ena: uria na do oro e uri nau itaraena i la moosubolea sulaani nia.

Mathui 28:5

Ma angel e luuda, ka soree isana kini eki, Musi mamau: uria nau ku thaitoomana muki rofea tha Jesus, na kera fota fafia na ba.

Luke 1:19

Ma angel eri e luua, ka soree isana, Ni nau tha Gebiriela, na kwai takwe inaofatha God; ma kera arasi nau mai fasi kwa ṉata isamu, bia kwa ṉalia mai si faaroṉoa lea eki isamu.

Luke 2:4

Ma tha Josefa e tae lau boo faisia i Galili, faisia toaa susu i Nasaretha, ka lae uri Judia, uria toaa susu tha Defeta, na kera alaṉia ana Bethelihemo, uria nia wane ana kwalafa ma kulee toa tha Defeta;

Si do Aposela ki kera ilidaki 5:19

Ma sui angel tha Lord e ifinia maana lokafu eri la rodo, ka toleda kau, ka sorea,

Si do na kera fatai nia 19:7

Kuki seethathala ma kuki thalume baita ka tatha, ma kuki fare inoto ani nia: sulaania lumaa ṉa Lama e fula naa, ma kwaina e thathai maakwalia.