Luke 7:19 - Ṉa Alaofua Falu 1923 1949

¹⁹ Ma tha Jone e ailia ro wane ana toa nia ne toleda, ka arasida isatha Jesus, ka una eri, Oe na wane ba na kai lae mai, mado miki lio uria ta wane eeta?

To'abaita Scripture NT

¹⁹ ma ka fale keero'a keka lae sana tha Lord, ma keka soeto'ona keka 'una 'eri, “mani 'oe na'a na wane ba kai fula mai, mada a'i miki ma'asia 'amali'a ta wane 'ee'eta?”

Luke 7:19 Iomraidhean Croise

GENESIS 22:18

Ma kulee toa ni sui bana na i fanua na i iano, kai lea iada sulia kwalafamu, uria no ade naa sulia ṉata laku.

GENESIS 3:15

Ma nau kwai alua maalimae la imaalutamaroa kini eri, ma imaalutana kwalafamu ma kwalafana; ni nia kai thau mala ana gwaumu, ma ni oe oki thau mala ana bora aena.

GENESIS 49:10

Si ’ei ana inotoa nia kei e’i si sui faisia tha Juda, mado kubau nanaona wane faisia imaalutana ro ’ae nia ki; kai to bana maasia si maṉa na tha Saelo toto kai fula mai; ma kulee toa eki sui bana keki roo sulia bae lana.

Mako 6:7

Ma nia ailia mai akwala ma ro wane eki isana, ma ka bii arasida too ro wane iada; ma ka falea sukwaia iada fafia spirit taa ki;

Luke 10:1

Iburiana si do eki ṉa Lord e alua ta fiu akwala lau, ma ka arasida, too ro wane, keka lae inaona maana uria toaa susu eki sui boo ma si kula eki sui boo, na nia toto kai lae uria.

Luke 11:1

Ma lalae mai, si maṉa nia kai foa ana tee si kula, lalae e sui, tee nonii wane ana aini toa nia ne toleda e soree isana, Lord, oki to’oa foa la isamilia, ’uria lau boo na tha Jone e to’oa isana toa nia ne toleda.

Luke 11:39

Ma ṉa Lord ka soree isana, Si ade la ni kamulua Farisi ki muki ilia maṉa eri, muki faafalua seena titiu ma labeṉa; ma i la ruruumulua e fuṉu ana laulau la ma taa la.

Luke 12:42

Ma ṉa Lord ka sorea, Mania nifenia wane eri na kera takofalea asi do ki, ne mamana ma liona ka too, na wane inoto nia kai alu nia kai gwauwai ana toa na biu nia, fasi kai falea moriṉa kera asi maṉa ni fale lana?

Luke 13:15

Mania ṉa Lord e luu nia, ka sorea, Oe wane o olodola, ta na sa kamulua sui, ta wane si ei, afa boṉi mamaloa muki lukea buloka kamulua mado ase kamulua faisia si kula ni faṉa, ma muki talaia uria faakuufai lana, mado?

Luke 17:5

Ma aposela ki kera soree isana ṉa Lord, Oki safua fitooa kamilia.

Luke 17:6

Ma ṉa Lord ka sorea, Mada sa amulua fitooa ka ’uria ta foee masitata, do muki soree isana sikamine nei, Keki lafu fa laila ani oe, ma keki fasi oe i la amali; ma do eri kai ade sulia ṉata lamulua.

Luke 18:6

Ma ṉa Lord ka sorea, Roṉoa fasi si do na wane ni kotu eri ne ai si kokoto e sorea.

Luke 19:8

Ma tha Sakiasi e takwe, ka soree isana ṉa Lord, Rikia fasi, Lord, ta bali ana do nau ki kwai falea ifana toa na kesi rikii do; ma mada sa nau ku ṉalia ta si do ata wane ana banigaura la, kwai oli fafia ana fai si do.

Luke 22:61

Ma ṉa Lord e akele, ka lio uria tha Pita. Ma tha Pita ka onotoona bae lana ṉa Lord, na nia soree isana, Si maṉa na kukua e ai si ’ai u, ni oe ulu fa sore lana oki sorea o dora bamu iaku.

Luke 24:34

Keka una eri, Na Lord e tatae mamana boo, me fula fatai isatha Saimona.

Luke 7:13

Ma si maṉa na ṉa Lord e riki nia, nia ka tatakomi nia, ma ka soree isana, Osi aṉiṉi.

Luke 7:20

Si maṉa na wane eki kero fula isana, keko sorea, Wane ni babataesi na tha Jone e arasi kamarea isamu, e una eri, Oe na wane ba na kai lae mai, mado miki lio uria ta wane eeta?

Jone 11:2

Meri eri ba e gwaia ṉa Lord ana gwai ba, ma ka usua aaena ana ifuna, na waiwaena nia na tha Lasarasi e matai.

Jone 4:1

Mania si maṉa na ṉa Lord e thaitoomana na Farisi ki kera roṉoa naa na toa na tha Jesus ka toleda ma ka babataesida kera oro ka tatha ana toa tha Jone ki

Jone 4:25

Kini eri e soree isana, Nau ku thaitoomana Mesaia toto kai fula (na kera alaṉia ana ṉa Christ): e fula sui, kai bii fatai nia si do ki sui bana isakulua.

Jone 6:23

(Una ena mena, tei foorua ita i Taebiriasi ka tatha karaṉia si kula ba na kera ania bisikete ba ki iei buriana na ṉa Lord e sore lea):

Si do na kera fatai nia 11:3

Ma nau kwai faasukwaia ro wane nau ki ni faamamane lana si do kera thaitoomana suli nau, ma keki ṉata mala porofeta sulia tee tooni fa boṉi ma ro taleṉee fa boṉi ma ono tafulu fa boṉi, fafia tooni keroa ne rarasieila ki.