Luke 6:6 - Ṉa Alaofua Falu 1923 1949

⁶ Ma lalae mai ta fa boṉi mamaloa lau, nia ka kotho i la biu ni ofu la, ka kwaifamanatai: ma tee wane ka ni kula eri, na aba aola nia e mae.

To'abaita Scripture NT

⁶ Ma 'ana te'e fa Sabat la'u bo'o, tha Jisas 'e lae laa na te'e bi'u ni fo'a ma ka to'o doo 'i kula 'eri. Ma te'e wane na 'aba a'ola nia 'e mae 'e nii la'u bo'o kula 'eri.

Luke 6:6 Iomraidhean Croise

Mathui 4:23

Ma tha Jesus e liliufia i la Galili ka sui, ka kwaifamanatai la biu ni ofu la kera ki, ma ka ṉata sulia faaroṉoa lea ana ṉa tooa, ma ka faamarukia toa na si do oro ki e thauṉida bia toa na kera matai ana mataia oro ki bana i maalutana toa eri.

Luke 13:10

Ma nia kai kwaifamanatai i la ta biu ana biu ni ofu la ki afa boṉi mamaloa.

Luke 14:3

Ma tha Jesus e luuda, ka soree isana toa ni kwaifamanatai ana ṉa lo bia Farisi ki, ka una eri, Kera alamatania faamaruki lana imole afa boṉi mamaloa?

Luke 4:16

Ma nia ka fula i Nasaretha, fanua ne toto iei ka baita: ma ’uria biraṉana naa, nia ka kotho i la biu ni ofu la afa boṉi mamaloa, ma ka takwe fasi kai teemai.

Luke 4:31

Ma nia ka sifo uri Kapaneama, tee toaa susu i Galili, ma kai kwaifamanatai isada afa boṉi mamaloa ki:

Luke 6:1

Ma lalae mai ana ruana fa boṉi mamaloa iburiana fa boṉi mamaloa totonao eri, nia kai tatha i la oolee aialo; ma toa nia ne toleda keka inia fuṉii aialo eki, ma keka ania, keki akatha ana abada.

Luke 6:5

Ma nia ka soree isada, Kaluwane imole e inoto lau boo ana fa boṉi mamaloa.

Jone 5:3

Ma toa oro kera teo mai la ooba eki, ana toa na kera matai, toa maade rodo, toa aaeda ka katu, toa afemae e thauṉida, keka maasia si maṉa kafo sa kai isuisu.

Jone 9:16

Mania tei toa ana Farisi ki kera sorea, Wane nei e ai si ita mai atha God, uria ne ai si faaabua fa boṉi mamaloa. Sui tei toa lau kera sorea, Wane ne abula taa kai ili ufita ana bala si do una eki? Ma kera to kwailiu ana ro si lio.