Luke 6:23 - Ṉa Alaofua Falu 1923 1949

²³ Muka seethathala afa boṉi eri, ma muki thaka alaa ana seethathala la: uria rikia fasi, kwaiara kamulua e baita mai thalo: uria na maka kera ki kera ade una eri lau boo ana porofeta ba ki.

To'abaita Scripture NT

²³ Muka se'ethaathala ma muka wa'e si manga doo 'eki 'e fuli, sulia na kwaiaraa ba'ita 'e ma'akwali kamalu'a na'a 'i thalo. Sulia kooko'o kera ki kera ilia la'u bo'o doo 'eki 'ana profet ki 'i na'o mai.

Luke 6:23 Iomraidhean Croise

Nehemiah 9:26

Una ena mena, keka ade faisia bae lamu, keka firu bi oe, ma lo oe keka nana ania iburiada, ma keka thauṉia porofeta oe ki na kilu faamamanea si do taa na kilu thaitoomana suli kera, sa mado e a’i kiku akeletanida uri oe, ma keka faailu oe asi ade la oro ne faarakeiri.

Fa Ṉu Abu ki 58:11

Adedea imole ki keki una eri, Kwaiaraa kera kai to mamana boo ifana toa kokoto ki: God na kai ṉata oolo ka to mamana boo i fanua na i iano.

Mathui 5:12

Muka seethathala, ma muka thalume ka baita ka tatha: sulia kwaiara kamulua e baita mai thalo lo: uria na kera tona ilamatai una eri ana porofeta inao ki mei.

Luke 1:41

Ma lalae mai, si maṉa ni Elisabetha e roṉoa aratai la ni Meri, wela ka thaka alaa i la rakena; ma ni Elisabetha kera faafuṉua atha Spirit Abu;

Luke 1:44

Uria rikia fasi, si maṉa na liṉana aratai la oe e fula i aliṉaku, wela ka thaka alaa i rakeku uria nia seethathala.

Luke 6:35

Muki liothau ana maalimae kamulua ki, ma muki abula lea, ma muki falea si do na keki duua, musi onotoona lau ṉali lana ta si do i maana; ma kwaiara kamulua kai baita, ma ni kamulua kaluwane Nia ne Inoto ka tatha ki: uria nia kai ade lea ifana toa na kesi sore lea bia toa na kera taa.

Si do Aposela ki kera ilidaki 14:10

Sui ka bae baita, ka una eri, Oki takwe ia ana aaemu. Ma nia thaka alaa, ka lae.

Si do Aposela ki kera ilidaki 3:8

Ma nia e thaka alaa, ka takwe, ka bii lae; me kotho bi keroa i la biu baita tha God, ka lae, ma ka thaka alaa, ma ka taṉoa tha God.

Si do Aposela ki kera ilidaki 5:41

Mania kera lae faisia ofu la eri ana seethathala la, uria na manatana tha God e thaitoomana na kera farana to la ana fare faekwa la uria Thatana.

Roma 5:3

Ma ana talitoona bana si do eri e ai, kulu seethathala ana taa la eki lau boo na kulu to ania: uria na kulu thaitoomana to la ana taa la kai ṉalia mai si lio ni susuu la;

II. Korinitha 12:10

Mania nau ku seethathala uria feda la, uria fare faekwa la ki, uria rofe la ki, uria tona ilamatai la ki, uria fualaṉa ki, inunufatha Christ: sulaania si maṉa nau ku feda, si maṉa ku sukwai neri.

Kolose 1:24

Nau na ku seethathala i maalutana taa la eki na nau ku to ania uri kamulua, ma kwai faafuṉua ana seeku si do ne ai si fuṉu u ana taa la eki na tha Christ e to ania uria seena, na ṉa figua;

II. Timothi 2:12

Mada sa kuka susuu, toto kuki inoto lau boo bi nia: mada sa kuka sorea kulu dora bakulua iana, nia toto kai sorea e dora lau bana iakulua:

Hibaru ki 11:26

Manatana na ṉata taa la na kera ṉata taa ania uria tha Christ do nia rikii do ania ka tatha ana ogogonia i Ijifita ki: sulaania e lio uria kwaiara eri.

Hibaru ki 11:6

Ma fitooa ka ai faisia, do afetai ka tatha sa ka lea iana uria imole: uria na wane na kai lae mai isatha God kai fitoo, e ai si ei boo, na nia kai to bana, ma kai falea ṉado kwaiara ifana toa eri na kera rofe buriana.

Jemesi 1:2

Manatamulua na do muki seethathala faamau ania, doora kera, si maṉa na muki tatha ana ilitooa oro ki;

I. Pita 4:13

Ma uria na mulu ṉalia tei si ana taa la tha Christ ki, muki seethathala ania; fasi asi maṉa na toto keki fatai nia lau boo inotoa nia, muki bii seethathala ana seethathala la ne baita ka tatha.

Si do na kera fatai nia 2:17

Wane na ana aliṉa, kai roṉoa si do na tha Spirit kai soree isana figua ki. Wane na si nia kai tatha, nau kwai falea sina mana thaufuni lana eri iana, ma nau kwai falea tee fau kwakwaoa ifana, ma tee thata falu na kera keda fafia fau eri, ne ai ta imole lau si thaitoomana, talitoona boo wane eri na kai ṉalia.

Si do na kera fatai nia 2:26

Ma wane na si nia kai tatha, ma kai ilia ṉado si ra nau ki ka fula ana ṉa susui la, nau kwai falea si kula eri ifana kai gwauwai ana tatha la inaona kulee toa eki:

Si do na kera fatai nia 2:7

Wane na ana aliṉa, kai roṉoa si do na tha Spirit kai soree isana figua ki. Wane na si nia kai tatha, kwai falea si kula eri ifana kai ania foana ’ai ana marukia, na ni maalutana fanua lea tha God.

Si do na kera fatai nia 21:7

Wane na si nia kai tatha kai fulatoona si do ki sui boo; ma ni nau na God nia, ma ni nia na kaluwane nau.

Si do na kera fatai nia 3:12

Wane na si nia kai tatha, nau kwai alu nia ana betana biu baita God nau, ma nia sa ka kotho lau faisia e ai: ma nau kwai keda thatana God nau i fafona, ma thatana toaa susu God nau, Jerusalema falu neri, na toto kai sifo mai i thalo faisia God nau, ma thata falu nau i talaaku.

Si do na kera fatai nia 3:5

Wane na si nia kai tatha keki tooni nia ana tooni kwakwaoa ki; ma nau e ai dodoloa kwa usua thatana faisia ṉa buka ana marukia, ma nau kwai faamamanea thatana inaofana Maka nau, ma inaofana angel nia ki.