Luke 5:32 - Ṉa Alaofua Falu 1923 1949

³² E ai kwasi fula uria aili lana toa na kera kokoto, ku fula uria aili lana toa na kera abula taa uria manata akele la.

To'abaita Scripture NT

³² Nau kwasi lae mai ura 'aililana imole kokota, nau ku lae mai ura imole abula ta'a ki ura keki manata akela.”

Luke 5:32 Iomraidhean Croise

Mathui 18:10

Muki lio ada muka fare faekwa ana ta wela ana kali wela nei ki; uria ku soree isamulua, I thalo lo angel kera ki keki rikia ṉado maana Maka nau ne ni mei thalo.

Mathui 9:13

Ma sui lae, muki thaitoomana fasi maalutana si ṉata eri, Ku thathamia tatakomi la, do ni foa la e ai: sulia e ai kwasi fula uria aili lana toa na kera kokoto, ku fula uria aili lana toa na kera abula taa uria manata akele la.

Mako 15:10

Uria ne thaitoomana wane inoto ni foa ki kera fale nia uria bana manatade uga isana.

Mako 15:7

Ma tee wane, thatana tha Barabasi, kera kania bia toa na kera firu bia toa i Roma, toa eri kera thauwane ana firua eri.

Mako 2:17

Si maṉa na tha Jesus e roṉoa, nia ka soree isada, Toa na kera lukatai kesi rofea doketa, talitoona boo toa na kera matai: e ai kwasi fula uria aili lana toa kera kokoto; ku fula uria aili lana toa na kera abula taa uria manata akele la.

Luke 15:10

Una eri lau boo, nau ku soree isamulua, seethathala la ni inaofana angel tha God ki fafia tee wane ne abubula taa ne akeletania manatana.

Luke 15:7

Nau ku soree isamulua, una eri lau boo seethathala la kai ni thalo lo fafia tee wane ne abubula taa ne akeletania manatana, kai tatha ana sikwa akwalee imole ma sikwa imole kokoto ki, ne ai ada ta si do fasi keki akeletania manatada faisia.

Luke 19:10

Uria na Kaluwane imole e fula uria rofe lana ma faamaruki lana si do ne lalae garo.

Luke 24:47

Bia keka ṉata sulia manata akele la ma doanita la ana abula taa la ki ana thatana i maalutana kulee toa ni sui, keka thafalia mai i Jerusalema.

Luke 5:31

Ma tha Jesus e luuda, ka soree isada, Toa na kera lukatai kesi rofea doketa; talitoona boo toa na kera matai.

Luke 5:33

Ma keka soree isana, Uria ta na toa na tha Jone e toleda kera abu ana faṉa la asi maṉa oro, ma keka foa; bia toa na Farisi ki kera toleda keka ade una eri; ma toa oe ki noki toleda keki faṉa ma keki kuu?

Si do Aposela ki kera ilidaki 17:30

Mania si maṉa ba asi lio ni dora la ani nia ki tha God e doanita ania; ma sui si maṉa eri nia soree isana imole ki sui, ta si kula si ei, keka akeletania manatada:

Si do Aposela ki kera ilidaki 2:38

Ma tha Pita e soree isada, Muki akeletania manatamulua, ma keki babataesi kamulua, ta wane iamulua si ei, ana thatana tha Jesus Christ uria doanita la ana abula taa la kamulua ki; ma muki bii ṉalia si do na kera tona falea na tha Spirit Abu.

Si do Aposela ki kera ilidaki 20:21

Ku faamamanea isana Ju ki ma toa i Girisi lau boo si do nau ku thaitoomana sulia manata akele la uria tha God, ma fitooa uria Lord kulu tha Jesus Christ.

Si do Aposela ki kera ilidaki 3:19

Mania muki akeletania manatamulua, ma muki akele buri, fasi keki usua abula taa la kamulua ki, fasi maana si do eri si maṉa ana faalea lakulua la ki kai thafali mai asi kula na ni inaofatha Lord;

Si do Aposela ki kera ilidaki 3:26

Ma ni kamulua totonao, tha God, buriana ne tataea Kaluwane nia tha Jesus, e arasi nia mai isamulua fasi kai falea lea la ifamulua, ana bulasi lamulua la, ta imole iamulua si ei boo, faisia abula taa la kamulua ki.

Si do Aposela ki kera ilidaki 5:31

Ni nia tha God e faabaita ana aba aola nia, Wane Inoto ma Wane ni Kwaifaamaruki, fasi kai falea manata akele la ana Isirela, ma manata lube la ana abula taa la ki.

II. Pita 3:9

Tha Lord e ai si lalakwee ili fofoa asi do ne alaṉai nia, ’uria si do na tei imole keki sorea; nia doanita iakulua ka tau, e ai si thathamia ta imole kai sui, e thathamia kera sui boo keki akeletania manatada.