Luke 4:18 - Ṉa Alaofua Falu 1923 1949

¹⁸ Spirit tha Lord ni fafi nau, Uria nia e gwai nau uria ṉata la sulia si faaroṉoa lea isana toa na kesi rikii do: Nia e arasi nau mai uria faamaruki lana toa liode dila faamau, Uria ’ai kwaitalofi la ana to laa la isana toa na omea e lauda, Ma ade lana imole maane rodo ka lio, Uria faaseelaa lana toa na kera kwae tataria anida,

To'abaita Scripture NT

¹⁸ “Na Ano'edoo tha God 'e ni bii nau, sulia 'e fili nau fasi kwa ngata sulia si Fa'arongoa le'a fana imole baro ki. Ma ni nia ka fale nau mai ura fa'atalolana tofe'e toolaa fana to'a na ma'alimae 'e ooroda. Ma imole maada 'e rodo keki lio la'u. Ma ni nau kwai tafalangania imole ki na kera too 'i faara 'afeta'ia ba'ita.

Luke 4:18 Iomraidhean Croise

GENESIS 3:15

Ma nau kwai alua maalimae la imaalutamaroa kini eri, ma imaalutana kwalafamu ma kwalafana; ni nia kai thau mala ana gwaumu, ma ni oe oki thau mala ana bora aena.

Fa Ṉu Abu ki 102:20

Fasi kai roṉoa kwa’i baita lana wane i la lokafu; kai lubea toa eki na kera aluda sa keki mae.

Fa Ṉu Abu ki 147:3

Nia ka faamarukia toa na ruruude ’uria se maga; ka binua maala kera ki.

Fa Ṉu Abu ki 2:2

Kiṉa ana fanua na i iano ki kera thathaia firu la, ma wane gwauwai ki kera ofu, keka furia ṉataa uria firu la bia tha Jihova ma bia wane nia ne gwaia asi gwai, keka una eri,

Fa Ṉu Abu ki 2:6

Una ena mena, nau ku gwaia naa kiṉa nau i gwauna fa ua abu nau na Saeono.

Fa Ṉu Abu ki 34:18

Tha Jihova e ni karaṉia toa eki na liode dila faamau; ka faamarukia toa eki spirit kera ki akele faisia abula taa lada.

Fa Ṉu Abu ki 45:7

O liothau ana kokoto la, mo rikia abula la asi do kera lufia ka taa: mania tha God, na God oe, e kiki oe asi gwai ana seethathala la, oki tatha inaona toa na kera to ofu bi oe.

Fa Ṉu Abu ki 51:17

Do ni foa la tha God ki na ṉa spirit imole ’uria se maga: rurui imole ne ’uria se maga ma kera kwae tataria ania, God ae, ni oe soki faare faekwa ania e a’i.

Mathui 11:5

Toa maade rodo keki lio naa, toa aede katu keki lae, toa uru e thauṉida keki faafaluda; toa aliṉade bani keki roṉo, ma toa mae keki tataeda, ma toa na kesi rikii do keki ṉata sulia faaroṉoa lea isada.

Mathui 12:18

Rikia fasi, wane ni ra nau na nau ku filia; Wane liliothaua nau ne lea i ruruuku uri nia: Kwai alua Spirit nau fafi nia, Ma nia kai faaroṉoa Jenetaele ki ana kotu kokoto.

Mathui 12:20

Ue mememea nia sa ka oea e ai, Ma kwethu ne thasu nia si kwaemaelia, Kai to maasia si maṉa nia kai falea kau kotu kokoto fasi si nia kai tatha.

Mathui 4:16

Toa na kera oono i la maerodo Keka rikia lalaa la baita, Ma toa na kera oono i la fanua ana nuna maea, Lalaa la ka laa mai ifada.

Mathui 5:3

Lea iada, toa na kesi rikii do i spirit kera ki: uria na do kera ni naa tooa i thalo.

Luke 4:17

Ma keka falea buka tha Aisaia ṉa porofeta ifana. Ma si maṉa ne egwea naa buka eri, ka fulatoona si kula na kera keda,

Luke 6:20

Ma nia tafoa maana ka lio uria toa nia ne toleda, ma ka sorea, Lea iamulua, toa na musi rikii do: uria na do kamulua ni naa tooa tha God.

Luke 7:22

Sui tha Jesus e luuda, ka soree isada, Lae amaroa, moka faaroṉoa tha Jone asi do moro rikidaki ma si do moro roṉodaki; toa maade rodo keki lio, toa aede katu keki lae, toa uru e thauṉida keka faafaluda, toa aliṉade bani keki roṉo, toa mae keka tataeda, toa na kesi rikii do keka ṉata sulia si faaroṉoa lea isada.

Jone 1:41

Nia fulatoona totonao doorana bi nia na tha Saimona, ka soree isana, Kamarea mere fulatoona Mesaia eri (ma toolaṉai lana thata eri, ṉa Christ).

Jone 12:46

Nau ku lae mai ṉa lalaa la i la fanua nei iano, fasi ni tei bana na kai fitooku ka ai si to i la maerodo.

Jone 3:34

Uria na wane na tha God e arasia mai kai ṉata asi baea tha God ki: uria si maṉa ne falea tha Spirit e ai si fale faekwa ania.

Si do Aposela ki kera ilidaki 10:38

Sulia tha Jesus, Wane i Nasaretha, na tha God e kiki nia ana gwai, ma gwai eri tha Spirit Abu ma sukwaia: ne liu fafia ili lana si do lea ki, ma ka faamarukia toa eki sui boo na tha devil e malataa anida; uria na tha God e to bi nia.

Si do Aposela ki kera ilidaki 26:18

Fasi oki ifinia maada, kikui akele faisia maerodo uria ṉa lalaa la, ma faisia sukwaia tha Satan isatha God, fasi keki manata lubea abula taa la kilua ki, ma kikui ṉalia si do na kikui fulatoona i maalutana toa na kera faaabuda ana fitoona laku la.

Si do Aposela ki kera ilidaki 4:26

Kiṉa ana fanua nei iano ki kera thathaia firu la, Ma wane gwauwai ki kera ofu mai, Uria firu la bia tha Lord, ma bia Christ nia:

Si do Aposela ki kera ilidaki 4:27

Sulaania e mamana ana firu la bia Wela abu oe tha Jesus, no kiki nia ana gwai, tha Heroda bia tha Podiasi Paelate, bia Jenetaele ki ma kulee toa Isirela ki, kera ofu bomai,

Kolose 1:13

Nia ne faamaruki kulu faisia sukwaia ana maerodo, me lamatalakulua kuka to ana tooa Kaluwane liliothaua nia;

Jemesi 2:5

Muki roṉoa fasi, doora liliothaua nau ki; ta na sa tha God e filia toa na kesi rikii do i fanua nei iano, keki rikii do ana fitooa, ma keki fulatoona tooa eri ne alaṉai nia ana toa na keki liothau ani nia, mado?

I. Pita 2:9

Ma ni kamulua ina lana toa na kera filidaki, kiṉa ki na muka toa ni foa la, kulee toa abu, toa ifatha God i talaana, fasi muki fatai nia lea lana ni nia ne aili kamulua mai faisia maerodo ana lalaa lana na kera kwele ania: