Luke 3:11 - Ṉa Alaofua Falu 1923 1949

¹¹ Nia luuda, ka soree isada, Wane ne ana ta ro tooni lalo, kai fale ani nia ne ai ana ta do; ma wane ne ana faṉa, kai ade una eri.

To'abaita Scripture NT

¹¹ Ma nia 'e lu'uda ka 'una 'eri, “Tei bana na too 'ana ta roo si maku, 'oki falea ruana fana ta wane na si too 'ana ta si doo. Ma laalae ta wane na 'e too 'ana fanga, 'oki tolingia bia ta wane na a'i si too 'ana ta si fanga.”

Luke 3:11 Iomraidhean Croise

Mathui 25:40

Ma Kiṉa eri kai luuda, kai soree isada, Mamana ku soree isamulua, Uria na mulu ilia ata wane ne faekwa asia ana dooraku nei ki, do mulu ilia ani nau.

Luke 11:41

Ma sui muki tona fale asi do na mulu rikidaki; ma rikia fasi, si do ki sui bana e falu ifamulua.

Luke 18:22

Ma si maṉa na tha Jesus e roṉoa si do eki, nia ka soree isana, Tee do e ai u faisi oe: oki usi asi do oe ki sui boo no rikidaki, ma oki toliṉia faisia toa na kesi rikii do, ma toto oki rikia ogogonia i thalo: ma lae mai, oki lae iburiaku.

Luke 19:8

Ma tha Sakiasi e takwe, ka soree isana ṉa Lord, Rikia fasi, Lord, ta bali ana do nau ki kwai falea ifana toa na kesi rikii do; ma mada sa nau ku ṉalia ta si do ata wane ana banigaura la, kwai oli fafia ana fai si do.

Jone 13:29

Uria na tei toa manatade una eri, sa uria na tha Judasi wai malefo eri ni isana, na tha Jesus e soree isana, Oki usia si do na kuki rofedaki ana fafaṉa; mado, kai falea ta si do ana toa na kesi rikii do ki.

Si do Aposela ki kera ilidaki 10:2

Wane eri e faabaita tha God, ma ka mau ani nia bia toa eki sui boo ana maafera nia, wane ne tona fale baita ana toa na kesi rikii do, ma ka foa ṉado ana thatana tha God.

Si do Aposela ki kera ilidaki 10:31

Ma ka sorea, Koneliasi ae, kera roṉoa foa la oe, ma si do ba no tona faledaki tha God e rikia ka manataia.

Si do Aposela ki kera ilidaki 10:4

Ma nia lio tete uri nia, ka aanu, ma ka sorea, Ta neri, Lord? Ma nia soree isana, Foa la oe ba ki ma si do ba no tona faledaki e tae naa inaofatha God fasi keki manatai oe ania.

Efesasi 4:28

Wane ne bibili sa ka bili lau e ai: kai ulafu boo, kai ra ana abana asi do ne lea, fasi kai rikii do uria fale la ifana wane ne to ana rofe la.

I. Timothi 6:17

Oki faaroṉoa toa na kera rikii do i kada nei, kesi fare baita ani kera i talaada, me kesi lio uria do na keka rikidaki ne ai si to ṉado isada, keki manatatoo ṉado uria ṉa God maruki, na kai fale baita iakulua asi do ki sui bana fasi kuki seethathala ania;

I. Timothi 6:18

Oki faaroṉoda keki ilia si do ne lea, keki rikii do asi ra lea ki, keki thathai ana ukali lana si do kera ki, keki thathamii tona fale la;

Hibaru ki 6:10

Uria na tha God e ai si abula kekeo fasi kai lio dora asi ra kamulua ma ulafu la kamulua ba ana liothau la na mulu fatai nia uria thatana, asi kula, eri na mulu rara mai ifana toa abu eki ka fula asi maṉa eri.

Jemesi 1:27

Si lio thathaulia ma dodoloa ana manata baita la atha God, inaofana God kulu na Maka kulu nai nia, wane lae kai makelea wela na maka kera e mae ma gwa oru ki maṉa ne taa iada, kai beta suli nia fasi fanua nei iano ka ai si sua nia.

Jemesi 2:14

Si ta na kai kwaiadomi, doora kera, mada sa ta wane ka sorea ana fitooa, ma si ra ki ka ai faisi nia? fitooa eri kai sukwai fasi kai faamaruki nia?

I. Jone 3:17

Ma ni tei bana ne rikii do asi do ana fanua nei iano ki, ma ka rikia doorana ka to ana rofe la, ma ka fonoa tatakomia nia faisia, nifana ade lana na liothau la tha God ka to ana wane eri?

I. Jone 4:20

Mada sa ta wane ka sorea, Nau ku liothau atha God, ma ka rikia doorana ka taa, wane eri kai lole: sulaania wane ne ai si liothau ana doorana ne rikia naa, nifana ade lana fasi kai liothau atha God ne ai si rikia?