Luke 16:8 - Ṉa Alaofua Falu 1923 1949

⁸ Ma wane inoto nia e taṉoa wane eri ne ai si kokoto na kera takofale nia asi do ki, uria nia abula ana liotooa: uria na kaluwane ana kada nei ki liode too ka tatha ana kaluwane ana lalaa la ki asi do ana unii wane kera ni u boo.

To'abaita Scripture NT

⁸ “Ma wane'inoto ba ka sore'a si ba'ea ni tangolana wanenira nia ba na 'e maladolaa aludooa nia, uria na lioto'oa 'ana ma'aluta'idoolaa na ka ilia si doo 'eri. Uria na to'a 'ana fanua nai iano kera lioto'o ka tatha si manga kera ili doo ma'alutada kwailiu ka talua to'a 'ana laala'aa.

Luke 16:8 Iomraidhean Croise

GENESIS 3:1

Ana liona ne too uria lole la, wa aala sii nia e tatha ana do maruki ni sui bana i masuu ki mai, na tha Jihova God e thauwanida. Ma nia ka soree isana kini eri, Iu, tha God e una eri, mado? Kera lufi kamaroa mosi ania foee ’ai eki sui bana i la ra?

Fa Ṉu Abu ki 17:14

Faisia imole ki, ana abamu, Jihova ’ae, faisia wane na i fanua na i iano ki na do thatada ni ana to lada asi maṉa eri, na wane na rakede abusu naa ana ogogonia oe no faledaki mai: kera rikii do ana wela kera ki, ma keka akwasia oretana do lea kera ki ifana kaala wela kera ki.

Mathui 12:32

Ma ni tei bana na kai sorea ta si ṉata taa seena Kaluwane imole, keki manata lubea; ma ni tei bana na kai ṉata seena tha Spirit Abu, e ai kesi manata lubea, ana kada nei mena ka ai, ma kada na ni u ka ai lau boo.

Mathui 17:26

Tha Pita ka soree isana, Ana toa eeta ki. Tha Jesus ka soree isana, Mania kaluwane ki seeda ka laa neri.

Luke 16:10

Wane ne mamana asi do faekwa asia boo e mamana lau boo asi do oro: ma wane ne ai si kokoto asi do faekwa asia boo e ai si kokoto lau boo asi do ne oro.

Luke 16:4

Ku thaitoomana si do na kwai ilia, fasi, lalae kera lalakwatai nau faisia ra ba, keki thathagoni nau i biu kera ki.

Luke 16:7

Ma nia ka soree isata wane lau, Ma ni oe, fita si do no ṉali laṉa ania? Ma nia ka sorea, Tee talaṉee mae do ana uiti. Nia ka soree isana, Ṉalia leta oe, oki keda kwalu tafulu do.

Luke 18:6

Ma ṉa Lord ka sorea, Roṉoa fasi si do na wane ni kotu eri ne ai si kokoto e sorea.

Luke 20:34

Ma tha Jesus e luuda, ka soree isada, Toa kada nei ki keki tolekini, ma keki toowane:

Luke 20:35

Ma toa na kera sorea kera farana keki fulatoona kada lo, ma tatae la faisia toa mae, e ai kesi tolekini, me ai kesi toowane:

Jone 12:36

Si maṉa na lalaa la ni isamulua, muki fitoona lalaa la eri, fasi kamulua na kaluwane lalaa la ki. Si do eki tha Jesus ka sorea, sui ka lae nana, ka thaufuni nia faisida.

I. Korinitha 3:18

Ta wane si tala lole nia i talaana. Mada sa ta wane e manatatoona i talaana na lione too i maalutamulua i kada nei, wane eri kai oewanea, fasi liona kai too mamana boo.

Efesasi 5:8

Sulaania inao mai mulu rorodoa, ma sui si maṉa eri kamulua lalaa la ana ṉa Lord: abula lamulua kai farana baree wela ṉa lalaa la

Filifae 3:19

Toa na susui lada na keki faaaana maṉoda, na god kera na ṉa rakee imole, ma do ni faabaita la kera ni asi do na ka faaseenonida, na keki onotoona ṉado si do ana fanua nei iano ki.

I. Thesalonika 5:5

Ni kamulua sui mulu kaluwane lalaa la ki, ma kaluwane ṉa thato ki: kulu do ana gaufai e ai, ma do ana maerodo ka ai;

I. Pita 2:9

Ma ni kamulua ina lana toa na kera filidaki, kiṉa ki na muka toa ni foa la, kulee toa abu, toa ifatha God i talaana, fasi muki fatai nia lea lana ni nia ne aili kamulua mai faisia maerodo ana lalaa lana na kera kwele ania:

I. Jone 3:10

Asi kula eri kera fatai nia baree wela tha God, ma baree wela tha devil: ni tei bana ne ai si ilia kokoto la do tha God e ai, ma ni tei ne ai si liothau ana doorana.