Luke 16:16 - Ṉa Alaofua Falu 1923 1949

¹⁶ Na lo bia porofeta ba ki kera toto ka fula asi maṉa na tha Jone ka fula: too asi maṉa eri keka ṉata sulia si faaroṉoa lea ana tooa tha God, ma wane ni sui keki kwaisuuwai, keki lae iei.

To'abaita Scripture NT

¹⁶ “Na biibirangaa tha Mosis 'e falea ki bia si ba'ea ki na Profet ki, 'e lae mai ka fula 'ana Jon tha babtis. Sui ka 'ita mai si manga 'eri, na fa'arongoa le'a sulia na 'inotoa tha God keka ngata mai sulia, ma imole ki sui keka suusu'u ura kotholaa 'i ei.

Luke 16:16 Iomraidhean Croise

Mathui 10:7

Ma si maṉa na muki lae, muki ṉata una eri, Tooa i thalo e ni karafi naa.

Mathui 15:11

Si do na kai liu i la fokona e ai na kai faasua wane; si do na kai tatha mai faisia fokona, si do eri kai faasua wane.

Mathui 21:32

Uria tha Jone e fula isamulua ana tala ni kokoto la, me ai musi faamamanea: wane eki na kera ṉalia takisi ki bia sesele eki kera faamamanea: ma ni kamulua, si maṉa na mulu rikia, iburiana mena musi akeletania manatamulua, fasi mado e ai muki faamamanea.

Mathui 3:2

Kei una eri, Muki akeletania manatamulua; uria na tooa i thalo ni karafi naa.

Mathui 4:17

Too asi maṉa eri tha Jesus thafalia kai ṉata, ma ka una eri, Muka akeletania manatamulua; uria na tooa i thalo ni karafi naa.

Mathui 4:23

Ma tha Jesus e liliufia i la Galili ka sui, ka kwaifamanatai la biu ni ofu la kera ki, ma ka ṉata sulia faaroṉoa lea ana ṉa tooa, ma ka faamarukia toa na si do oro ki e thauṉida bia toa na kera matai ana mataia oro ki bana i maalutana toa eri.

Mako 1:14

Sui buriana na kera alua tha Jone i la lokafu, tha Jesus ka fula i Galili, ka ṉata sulia faaroṉoa lea ana tooa tha God,

Mako 1:45

Ma nia lae kau, ka bii faaroṉo faladoa ania, ma ka ’ai taloṉania do eri la fanue, adedea tha Jesus ka dora ania lae fatai la i la toaa susu, ka to bana i thara mai la fanua kwasi ki: ma keka lae mai isana faisia fanua eki sui bana.

Luke 10:11

Gegeona theegano eri mena ana toaa susu kamulua, ne raofia aaemilia, miki usua ana faamamane la suli kamulua: una ena muki thaitoomana lea si do eri, na tooa tha God e fula karaṉi kamulua.

Luke 10:9

Ma muki faamarukia toa na kera matai kula eri, ma muki soree isada, Tooa tha God e fula naa karaṉi kamulua.

Luke 16:29

Tha Aberahamo ka soree isana, Adalua tha Mosesi bia porofeta ba ki; keki roṉoa ṉata lada.

Luke 16:31

Ma nia ka soree isana, Mada sa kesi roṉoa tha Mosesi bia porofeta ba ki, sa keka bulasia ruruuda ka ai lau boo, mada sa ta wane ka tatae faisia toa mae ki.

Luke 9:2

Ma nia ka arasida kau uria ṉata la sulia tooa tha God, ma faamaruki lana toa matai ki.

Jone 1:45

Tha Filifi ka fulatoona tha Nathaniala, ma ka soree isana, Kamilia mili fulatoona wane eri, na tha Mosesi ana ṉa lo, ma porofeta ba ki, kera kekeda sulia, nia na tha Jesus wane i Nasaretha, kaluwane tha Josefa.

Jone 11:48

Mada sa kuki to faisi nia una eri, imole ni sui keki fitoona: ma toa i Roma toto keki lae mai, keki ṉalia fanua kulu ma kulee toa kulu lau boo faisi kulu.

Jone 12:19

Mania Farisi ki kera ṉata kwailiu bi kera i talaada, keka una eri, Muki rikia na muki ilia ta si si mamana neri: lio fasi, toa na fanua ni sui kera lae iburiana.

Jone 5:4

Uria tee angel kai sisifo mai ana tee si mana uri la gwa osi eri, kai igiigia kafo: sui ni tei bana na kai sifo totonao uri la kafo eri iburiana na kera igiigia, keka faamarukia faisia atona bana ta mataia ne thauṉi uia.]

Si do Aposela ki kera ilidaki 3:18

Sui taa la ba ki na tha God e fatai nia ana fokona porofeta nia ki sui bana, na Christ ba kai to ania, e adea ka mamana asi kula eri.