Luke 15:22 - Ṉa Alaofua Falu 1923 1949

²² Ma maka nia ka soree isana wane ni ra nia ki, Ṉalia mai tooni ne lea ka tatha, muki faatooni nia ania; ma muka alua ta kome ana abana ma butu ki ana aaena:

To'abaita Scripture NT

²² “Sui ma maka nia ka sore'a sana wanenira nia ki, ‘'Eli'eli! Ngalia mai na to'oni tekwa baa na 'e le'a ka tatha ma moko fa'ato'oni nia 'ania. Alua na ringi 'i 'abana ma sadolo 'i 'ae na.

Luke 15:22 Iomraidhean Croise

GENESIS 41:42

Ma tha Fero ka tanusia kome nia faisia abana, ka alua i abana tha Josefa, ka lauṉia ana tooni ki asi maku kwakwaoa ne lea, ka alua nailii golu kakalia luana;

Fa Ṉu Abu ki 132:16

Nau kwai faatoonia lau boo wane ni foa nia ki ana marukia ni nau kwai faamarukida ania: ma toa abu nia ki keki suuni ana seethathala la.

Fa Ṉu Abu ki 132:9

Wane ni foa oe ki keki tooni fasi ana kokoto la; ma toa abu oe ki keki suuni ana seethathala la.

Fa Ṉu Abu ki 18:33

E alua aaeku kai ’uria aaena dia kini ki: ka alu nau ku takwe asi kula nau i gwauna dioṉolia.

Fa Ṉu Abu ki 45:13

Thari kiṉa nei ka inoto faamau i maafera: tooni nia ki kera tairaoa bia si golu.

Luke 15:21

Ma kaluwane eri ka soree isana, Maka ae, nau ku abula taa ana thalo, ma ku abula taa ani oe: me ai kwasi farana naa sa keki alaṉi nau ana kaluwane oe.

Luke 15:23

Ma muka tolea mai kalee buloka ne gwagwarurutaa, muka kwaia, kuki ania, kuka seethathala:

Roma 13:14

Muki tooni fafia seemulua atha Lord Jesus Christ, ma musi beta ta si do maakwalia see imole, ifana si thathami la taa nia ki.

Roma 3:22

Kokoto la ne ita mai atha God ana fitoona lana tha Jesus Christ neri, ifana toa eki sui boo na kera fitoo; uria ne ai kesi eeta kwailiu;

Roma 8:15

Uria ne ai musi ṉalia lau spirit ne suuwai kamulua muka tona ra, na do ana mau la; mulu ṉalia boo tha Spirit ana thathagoni lamulua la isana muki kaluwane nia ki, tha Spirit ne adea na kuka ’ai una eri, Aba, Maka ae.

Galesia 3:27

Sulaania kamulua sui bana, toa na kera babataesi kamulua ana thatana tha Christ, mulu tooni kamulua naa atha Christ.

Efesasi 6:15

Na mulu toonia aaemulua ana to thathai la asi faaroṉoa lea ana enenoa;

Si do na kera fatai nia 19:8

Ma si kula eri kera falea ifana, nia kai tooni asi maku kwakwaoa ne lea, ne iriroa me dodoloa: sulaania si maku lea eri na si do kokoto na toa abu kera ilidaki.

Si do na kera fatai nia 2:17

Wane na ana aliṉa, kai roṉoa si do na tha Spirit kai soree isana figua ki. Wane na si nia kai tatha, nau kwai falea sina mana thaufuni lana eri iana, ma nau kwai falea tee fau kwakwaoa ifana, ma tee thata falu na kera keda fafia fau eri, ne ai ta imole lau si thaitoomana, talitoona boo wane eri na kai ṉalia.

Si do na kera fatai nia 3:18

Nau ku soree isamu oki usia si goloda nau na kera faafalua i la era, fasi oki rikii do; ma tooni kwakwaoa ki, fasi oki tooni ania, ma kesi faaseenoni ani oe si maṉa keki fatai oe no talu; ma si gwai ana maana imole fasi oki gwaia maamu, oki rikia fanua.

Si do na kera fatai nia 6:11

Ma kera falea imole u boo iadalua tooni kwakwaoa nia, ta imole si ei boo; ma kera soree isada, keki mamalo fasi ta kasi maṉa faekwa, maakwalia si maṉa na toa ni ra ofu la bida ma doorada kera, na toto keki thauṉida ’uria lau boo ni kera, keki fula mai.

Si do na kera fatai nia 7:9

Buriana si do eki nau ku lio, ma rikia fasi, malului imole, na eta eta ka dora, ana toa ana fanua eeta ki sui bana, ma kulee toa ki sui boo ma ina lana toa ki sui boo ma toa ana ṉata la eeta ki sui bana, keki takwe inaofana do ni ono la eri ana inotoa ma inaofana ṉa Lama, fafia tooni kwakwaoa ki, ma rena niu ki ni abada;