Luke 15:2 - Ṉa Alaofua Falu 1923 1949

² Ma Farisi ki bia wane ni kekeda ki keka ubulutai nia, keka una eri, Wane nei kai thathagonia toa na kera abula taa, ma kai faṉa bida.

To'abaita Scripture NT

² Sui na Farasi ki ma wane ni to'odoo ki 'ana biibirangaa keka 'uu'ubulu 'una 'eri, “Wane ne'e 'e thathagonia to'a abula ta'a ki ma ka fanga biida.”

Luke 15:2 Iomraidhean Croise

Mathui 11:19

Kaluwane imole e fula, ka faṉa ma ka kuu, ma keka sorea, Rikia fasi, wane kai fafaṉa kwasi, ma kai kuu ṉado ana waene, wane ne ado bia wane na kera ṉalia takisi ki bia toa kera abula taa! Ma liotooa, wela nia ki kera faamamanea na nia e kokoto.

Mathui 9:11

Ma si maṉa na Farisi ki kera rikia, keka soree isana toa nia ne toleda, Uria ta na Wane ni kwaifamanatai kamulua kai faṉa bia wane na kera ṉalia takisi ki, ma toa na kera abula taa?

Luke 15:3

Ma nia ka ṉata asi tarifula eri isada, ka una eri,

Luke 19:7

Ma si maṉa na kera rikia, kera sui boo keka uubulu taa, keka una eri, Nia e lae kai to si ana bia wane ne abula taa.

Luke 5:30

Ma wane ni kekeda kera ki bia Farisi ki keka uubulu taa uria toa nia ne toleda, keka una eri, Uria ta na muki faṉa ma muki kuu bia wane ni ṉali lana takisi ki ma toa na kera abula taa?

Luke 7:34

Kaluwane imole e fula, ka faṉa ma ka kuu; ma muki sorea, Rikia fasi, wane kai fafaṉa kwasi, ma kai kuu ṉado ana waene, wane ne ado bia wane ni ṉali lana takisi ki bia toa na kera abula taa!

Luke 7:39

Ma si maṉa na Farisi eri ne sorea nia ka lae mai e rikia, nia ka ṉata i manatana, ka una eri, Wane nei, mada sa nia ṉa porofeta, do nia ka thaitoomana ai nei ma ka thaitoomana to lana kini nei ne sua nia, uria nia ai ne abula taa.

Si do Aposela ki kera ilidaki 11:3

Keka una eri, O kotho isana wane kesi kwai kalidaki, mo faṉa bi kera.

Galesia 2:12

Uria si maṉa na tei toa na kera toto isatha Jemesi kesi fula u mai, nia faṉa ana bia Jenetaele ki: ma buriana na keri fula mai, e oli ma ka to eeta faisida, uria ne mau ana toa eki ana kwai kakali la.

I. Timothi 1:15

Si ṉata mamana neri, me farana na keki faamamanea ṉado, na tha Christ Jesus e lae mai uria fanua nei iano uria faamaruki lana toa na kera abula taa; ma ni nau wane ku abula taa ka tatha ani kera sui: