Luke 12:42 - Ṉa Alaofua Falu 1923 1949

⁴² Ma ṉa Lord ka sorea, Mania nifenia wane eri na kera takofalea asi do ki, ne mamana ma liona ka too, na wane inoto nia kai alu nia kai gwauwai ana toa na biu nia, fasi kai falea moriṉa kera asi maṉa ni fale lana?

To'abaita Scripture NT

⁴² Nga Lord 'e lu'ua ka sore'a, “Nga wanenira na 'e raa mamana maka kokota na wane'inoto kai alu nia ura liolaa sulia wanenira nia ki, ura falelana si moringa 'ana fangalaa kera ki 'ana si manga ni fangalaa.

Luke 12:42 Iomraidhean Croise

Mathui 13:52

Ma nia ka soree isada, Mania wane eri ana wane ni kekeda ki na kera tolea ana tooa i thalo e ’uria ta wane gwauwai ana biu, ne ṉalia mai si do falu ki bia do u ki naa ana ogogonia nia.

Mathui 20:8

Ma toto e thaulafia naa, wane inoto ana oolee faene eri ka soree isana wane nia ne takofalea asi do, Ailia mai toa ni ra ba ki, ma oko falea usi lada ifada, thafalia ana wane ne fula iburi ka fula ana wane ne fula inao.

Luke 12:43

Lea iana, wane ni ra eri, na wane inoto nia lalae e fula kai rikia kai ade una eri.

Luke 7:13

Ma si maṉa na ṉa Lord e riki nia, nia ka tatakomi nia, ma ka soree isana, Osi aṉiṉi.

Luke 7:19

Ma tha Jone e ailia ro wane ana toa nia ne toleda, ka arasida isatha Jesus, ka una eri, Oe na wane ba na kai lae mai, mado miki lio uria ta wane eeta?

Si do Aposela ki kera ilidaki 20:28

Mania muki beta suli kamulua, ma sulia aini sifi eki sui boo, na tha Spirit Abu e alu kamulua muka nanao ania, muki tharea figua tha God, ne usia ana abuna i talaana.

I. Timothi 3:15

Ma sui mada sa kwai to tau u, fasi oki thaitoomana abula la ne kokoto ana imole i lala biu tha God, na figua ṉa God maruki, betana mamana la eri ma si do ne takwe i fafona.

I. Timothi 5:17

Muki fare baita faamau ana toa ulunao na kera ana lea ana ra tha God, ma toa eki u boo na kera ra asi baea eri ma ana kwaifamanataia.

II. Timothi 4:2

Oko ṉata sulia si baea eri; oki fifarao uria asi maṉa na kera maakwalia, ma asi maṉa na kesi maakwalia lau boo: oki faaseenoni kera, oki soreda, oki ṉata isada, asi lio ni doanita tatha la ma ana kwaifamanataia.

Taetasi 1:7

Sulaania wane nanao kai dodoloa e ai si ei boo, ’uria wane na kera takofale nia asi do tha God ki; wane ni susuu la lau bana asi do nia thathamia i talaana e ai, wane ne rakeiri fofoa ka ai, e ai si kuu baita ana waene, e ai si firu ana abana, e ai si ogogoni ana malefo ne faataali kia;

Hibaru ki 13:17

Muki ade sulia ṉata lana toa na kera tatha inaomulua, ma muki roo sulida: sulaania keka fono toi kakalia maṉomulua, mala toa na keki soetoomulua ani kera, e ai si ei boo; fasi keki luua soetoona la eri ana seethathala la, ma ana liodila ka ai: uria na do e ai si adomi kamulua neri.

Hibaru ki 13:7

Muki onotoona toa eki na kera tatatha inaomulua, na kera ṉata sulia bae lana tha God isamulua; ma muki lio uria fitooa kera muki ade ’uria, uria na muki manatatoona gwauna abula lada.

Hibaru ki 3:5

Ma tha Mosesi fetei e mamana i biu nia ni sui bana mala wane ni ra, uri faamamane lana si do eki ne to bana fasi keka ṉata sulia iburi;

I. Pita 4:10

Ana ṉali la na mulu ṉalia asi do na kera falea ifamulua, ta wane sulia ṉali la nia ma ta wane sulia ṉali la nia, muki adomi kamulua kwailiu, mala toa fitoo na kera takofaleda asi lea la eeta tha God ki sui bana;