Luke 11:32 - Ṉa Alaofua Falu 1923 1949

³² Wane ba i Ninifa ki toto keki takwe afa boṉi ana kotu baita isana unii wane nei maṉa eri, ma keki sorea kera abula taa boo: uria na kera akeletania boo manatada sulia ṉata lana tha Jona; ma rikia fasi, tee wane ne baita ka tatha atha Jona ni kunei.

To'abaita Scripture NT

³² 'Ana fa thato na tha God kai ketoa imole ki, to'a nai Ninifaa keki faatania ta'alaa kamalu'a ki, sulia kera manata oli te'efau na'a fasia garolaa kera ki si manga kera rongoa ngatalana tha Jonaa. Sui ta, wane ba'ita ka tatha ka talua tha Jonaa 'e ni kuna'i.”

Luke 11:32 Iomraidhean Croise

Mathui 12:39

Ma nia luuda, ka soree isada, Unii wane ne taa ma kai oe kai rofe uria bala si do; sui sa keki fatai nia bala ta si do isana e ai, talitoona bala tha Jona ṉa porofeta.

Mathui 12:41

Wane ba i Ninifa ki toto keki takwe afa boṉi ana kotu baita isana unii wane nei maṉa eri, ma keki sorea kera abula taa boo: uria na kera akeletania boo manatada sulia ṉata lana tha Jona; ma rikia fasi, tee wane ne baita ka tatha atha Jona ni kunei.

Luke 11:31

Kiṉa kini ba i mutana kai tatae afa boṉi ana kotu baita isana unii wane nei maṉa eri, ma kai sorea kera abula taa boo: uria nia too mai i susui lana fanua nei iano ka lae mai uria roṉo lana liotooa tha Solomona; ma rikia fasi, tee wane ne baita ka tatha atha Solomona ni kunei.

Hibaru ki 7:26

Uria na aofia ni foa ne una eri e faraka, Wane abu, ne ai si lole, ne dodoloa, ne eeta faisia toa na kera abula taa, na kera alua kai baita ka tatha ana thalo lo ki;