Luke 11:2 - Ṉa Alaofua Falu 1923 1949

² Ma nia ka soree isada, Si maṉa na muki foa muka sorea, Maka kamilia no ni thalo, Keki faaabua thatamu. Tooa oe kai lae mai. Keki ilia si do no thathamidaki iano kai ’uria lau boo i thalo.

To'abaita Scripture NT

² Tha Jisas ka ba'e sore'a 'i sada, “Si manga muki fo'a, muka sore'a, “ ‘Maka 'ae, imole ki sui keka fa'aba'itaa 'ada thatamu na 'e abu. 'Inotoa 'oe kai lae mai.

Luke 11:2 Iomraidhean Croise

Fa Ṉu Abu ki 103:20

Taṉoa fasi tha Jihova, kamulua na angel nia ki, na muka sukwai ka tatha, na muka ade sulia si ṉataa fifi nia ki, ma muka fafuroṉoa liṉana ṉata lana.

Fa Ṉu Abu ki 108:5

Keki faare inoto fasi iamu, God ae, oko fane iaa fafia thalo lo ki: ma inotoa baita oe ka fane iaa fafia fanua na i iano ni sui boo.

Fa Ṉu Abu ki 11:4

Tha Jihova ka to i lala biu nia ne abu, tha Jihova neri, na do ni ono la nia ana inotoa ni thalo lo; maana ka lio mai, ro fifiru nia ki kai ilitoona wela imole ki.

Fa Ṉu Abu ki 57:11

Faare baita la iamu, God ae, kai fane da iaa ka tatha ana thalo lo ki; inotoa baita oe kai fane da iaa ka tatha ana fanua na i iano ni sui bana.

Mathui 10:32

Mania ni tei bana na kai faamamane nau inaofana imole, nia lau boo kwai faamamane nia inaofana Maka nau ne ni mei thalo.

Mathui 3:2

Kei una eri, Muki akeletania manatamulua; uria na tooa i thalo ni karafi naa.

Mathui 5:16

Una eri lau boo lalaa la na ka ni ani kamulua kei laa inaona imole, fasi keka rikia ra lea kamulua ki, ma keki taṉoa Maka kamulua ne ni mei thalo.

Luke 11:1

Ma lalae mai, si maṉa nia kai foa ana tee si kula, lalae e sui, tee nonii wane ana aini toa nia ne toleda e soree isana, Lord, oki to’oa foa la isamilia, ’uria lau boo na tha Jone e to’oa isana toa nia ne toleda.

Roma 1:7

Isana toa nai Roma ki sui bana, na tha God e liothau ani kamulua, toa abu ne aili kamulua mai: Lea la iamulua ma enenoa ita mai atha God na Maka kulu ma tha Lord Jesus Christ.

Roma 8:15

Uria ne ai musi ṉalia lau spirit ne suuwai kamulua muka tona ra, na do ana mau la; mulu ṉalia boo tha Spirit ana thathagoni lamulua la isana muki kaluwane nia ki, tha Spirit ne adea na kuka ’ai una eri, Aba, Maka ae.

I. Korinitha 1:3

Lea la iamulua ma enenoa ita atha God na Maka kulu ma atha Lord Jesus Christ

II. Korinitha 1:2

Lea la iamulua ma enenoa ita atha God na Maka kulu ma atha Lord Jesus Christ.

Galesia 1:4

Ne alamatai nia uria abula taa la kulu ki, fasi kai faamaruki kulu faisia si maṉa eri ne taa, sulia si do nia e thathamia ne God kulu ma Maka kulu:

Efesasi 1:2

Lea la iamulua ma enenoa ita mai atha God na Maka kulu ma tha Lord Jesus Christ.

Filifae 1:2

Lea la iamulua ma enenoa ita atha God na Maka kulu ma tha Lord Jesus Christ.

Filifae 4:20

Ma keki fare inoto ana God kulu na ṉa Maka kulu toto si sui. Emeni.

Kolose 1:2

Isana toa abu eki ma baree wai doorana mamana eki atha Christ nai Kolose: Lea la iamulua ma enenoa ita atha God na Maka kulu ma tha Lord Jesus Christ.

I. Thesalonika 1:1

Tha Polo, ma tha Silafenasi, ma tha Timothiasi, isana figua toa nai Thesalonika atha God na Maka ma tha Lord Jesus Christ: Lea la iamulua ma enenoa ita atha God na Maka kulu ma tha Lord Jesus Christ.

I. Thesalonika 1:3

Uria na mili manatatoona, ta si maṉa si ei, ra kamulua ana fitooa ma ulafu la kamulua ana liothau la ma si lio ni susuu la na mulu manatatoo ṉado ania uria si do ki ana Lord kulu tha Jesus Christ, inaofana God kulu na ṉa Maka kulu;

II. Thesalonika 2:16

Ma Lord kulu tha Jesus Christ talani nia, ma tha God na Maka kulu ne liothau ani kulu me faainamaruki kulu ana inamaruki la na kai to tatha me falea si do lea na kulu manatatoo ṉado uria ana lea la,

Si do na kera fatai nia 11:15

Ma fiuna angel ka ufia buṉu; ma si ṉata la baita ki ka fula mai i thalo iburiana, na keka una eri, Ṉa tooa fanua nei iano ni naa ifana Lord kia, ma Christ nia: ma nia kai inoto ka tatha toto si sui.

Si do na kera fatai nia 15:4

Tei kera na kesi mau iamu, Lord, ma kesi fare inoto ana thatamu? sulaania tee oe o abu; uria na toa ana fanua eeta ki sui bana keki lae mai ma keki to inaofamu keki faabaita oe; sulaania kera fatai nia si abula la kokoto oe ki.

Si do na kera fatai nia 19:6

Ma nau ku roṉoa si do ne ’uria liṉana ṉata lana malului wane, ma ’uria kuru lana kafo oro ki, ma ’uria liṉana kukururua faamau, ne una eri, Haliluia: uria na tha Lord God, ne Sukwai ka tatha, ka inoto ka tatha.

Si do na kera fatai nia 20:4

Ma nau ku rikia do ni ono la ana inotoa ki, ma kera ono ania, ma kera alua toa eki kiku wane ni kotu ki: ma nau ku rikia anona toa eki na kera sigilia gwaudalua uria si do na kilu faamamanea sulia tha Jesus, ma uria bae lana tha God, ma toa eki ne ai kesi faabaita do maruki eri ne kwasi, mado nuna, ma kesi alamatanida keki gera si do nia eri i maa darada ma i abada; ma kiku maruki lau, kiku inoto ka tatha bia tha Christ sulia tee tooni fa ṉali.