Luke 10:2 - Ṉa Alaofua Falu 1923 1949

² Mania nia ka soree isada, Unii do ne rafo e oro mamana boo, ma toa ni ra kera ununa: mania muki gani ana Lord ana unii do eri ne rafo, fasi nia kai arasia toa ni ra ki la unii do nia ne rafo.

To'abaita Scripture NT

² Ma nia ka ba'e 'una 'eri fada, “Na uni'i doo 'e rafo ka 'oro, sui taa ma to'a ni raa kesi 'oro. Adelana bo'o, muka fo'a sana tha God na wane'inoto 'ana uni'i doo ne rafo fasi ka falea mai wane ni raa ki ura ofulana doo ne rafo nia ki.

Luke 10:2 Iomraidhean Croise

Fa Ṉu Abu ki 68:11

Arai Lo ka falea mai bae lana: kini eki na keka ’ai taloṉania si faaroṉoa eri na ṉa omea baita.

Mathui 20:1

Uria na tooa i thalo e ’uria tee wane gwauwai ana biu, ne lae i la si uusuwadia ni u boo fasi kai soetoona toa ni ra uria oolee faene nia.

Mako 13:34

E ’uria ta wane kai to ni lae la ata fanua eeta, ne akwasia biu nia, ma ka alua toa ni ra nia ki kera toa keki gwauwai, ma ka talisia si ra ki faisida sui, ma ka faaroṉoa wane ni ifini lana biu kai to kai tharai.

Mako 16:15

Ma nia ka soree isada, Muki lae i la fanua nei iano ka sui bana, muka ṉata sulia faaroṉoa lea eri isana imole ni sui.

Mako 16:20

Ma kera lae nada, keka ṉata i la fanua eki sui boo, ma tha Lord ka ra bida, ka faaṉadoa si baea eri ana bala si do ki ne lae iburi. Emeni.

Luke 9:1

Sui nia ailia mai akwala ma ro wane nia ne toleda keki ofu, ma ka falea sukwaia ma inotoa ifada fafia spirit taa ki sui bana, bia uria faamaruki lana mataia ki.

Si do Aposela ki kera ilidaki 11:19

Mania toa na kera faaseesula iada keka lae tataka si maṉa ana unii fualaṉa ne tae mai sulia tha Sitifini na ba kera lalae keka fula ana Fenisi, ma Saeporasi, ma Adioko, kesi ṉata sulia si baea isana ta toa eeta, isana talitoona Ju ki.

Si do Aposela ki kera ilidaki 13:2

Ma si maṉa na kera ra ifana ṉa Lord, ma kera abu ana faṉa la, tha Spirit Abu e sorea, Muki filia tha Banabasi ma tha Solo ifaku asi ra na nau ku ailida mai uria.

Si do Aposela ki kera ilidaki 13:4

Mania, uria na tha Spirit Abu e arasidaroa, keko sifo uri Seleusia; ma too i kula eri keko lae i la faka uri Saeporasi.

Si do Aposela ki kera ilidaki 20:28

Mania muki beta suli kamulua, ma sulia aini sifi eki sui boo, na tha Spirit Abu e alu kamulua muka nanao ania, muki tharea figua tha God, ne usia ana abuna i talaana.

Si do Aposela ki kera ilidaki 22:21

Ma nia soree isaku, Oki lae: uria ni nau kwai arasi oe oki lae da faisia si kula eri uria Jenetaele ki.

Si do Aposela ki kera ilidaki 8:4

Mania toa eki na keka lae tataka kera liu, keka ṉata sulia si baea eri.

I. Korinitha 12:28

Ma tha God e alua tei toa ana figua eri, etana aposela ki, ruana porofeta ki, ula toa ni kwaifamanatai, sui ra sukwai ki, sui faamaruki lana toa na kera matai ki, kwaiadomi la ki, tatha la inaoda, ṉata la ana ṉata la eeta ki.

I. Korinitha 15:10

Sui ana lea la tha God nau ku fula asi do nau ku fulatoona: ma lea la nia ne falea mai iaku na ṉa tonee do e ai; nau ku ulafu ana ra ne oro ka tatha ani kera sui boo: ni nau e ai neri, lea la tha God bana na ni isaku.

II. Korinitha 6:1

Ma mika ra ofu bi nia, mika ṉata kwaitakoi lau boo, mika sorea musi maruṉee ṉalia lea la tha God.

Filifae 2:21

Uria ni kera sui kera rofe uria si do kera ki i talaada, si do tha Jesus Christ ki e ai.

Filifae 2:25

Manataku se ai si ei kwai arasia bokau tha Epaforodaetasi isamulua, dooraku ma wane na ka ra ofu bi nau ma ka firu ofu bi nau, ma wane na mulu arasia mai ne ra ifaku uri kamulua ana rofe la nau;

Filifae 2:30

Sulaania fafia ra tha Christ nia karaṉia sa kai mae, ka lae karaṉia maea fasi ka faasukwaia si do na musi fulatoona u asi ra kamulua eri ifaku.

Kolose 1:29

Ma ku ulafu lau boo uria si kula eri, si maṉa ku aṉasi sulia ra lana ni nia, ne ra sukwai ani nau.

Kolose 4:12

Epafarasi, wane ani kamulua, na wane ni ra tha Christ, e thathamia kwai ṉata isamulua ’uria sa ni nia kai ṉata, me aṉasi ṉado uri kamulua ana foa la nia ki, fasi muki takwe ṉado, muki sukwai teefau asi do ki sui bana na tha God e thathamia.

I. Thesalonika 2:9

Uria na mulu manatatoona, doora kera, ra kamilia na mili ulafu ania na ba ma ra baita kamilia: na mili ra afa rodo ma afa thato, fasi e ai misi kulua fafia ta wane iamulua, si maṉa na mili ṉata sulia si faaroṉoa lea tha God isamulua.

I. Thesalonika 5:12

Ma mika ṉata kwaitakoi, mika soree isamulua, doora kera, muki thaitoomana wane eki na kera ulafu ana ra i maalutamulua, ma kera tatha inaofamulua ana ṉa Lord, ma kera faamanatai kamulua;

II. Thesalonika 3:1

Si do iisi, doora kera, muki foa uri kamilia, fasi bae lana ṉa Lord kai lae fofoa ma fasi keki faainotoa, ’uria lau boo i maalutamulua;

I. Timothi 4:10

Kulu ulafu ma kuki aṉasi, uria na kuki manatatoo ṉado uria ṉa God maruki, nia na ka faamarukia toa na fanua ni sui, ma toa na kera fitoo e faamarukida mamana boo.

II. Timothi 4:5

Ma ni oe oki inoto ana seemu asi do ki sui, oki susuu i la taa la, oki ra ana ra wane ni ṉata la sulia si faaroṉoa lea, oki ili teefau ana ra oe.

Faelimone 1:1

Polo, wane tha Jesus Christ na kera suusi nau i la lokafu, ma doorakulua na tha Timothi, isatha Faelimone, wane liliothaua kamarea na ka ra ofu bi kamarea,

Hibaru ki 3:6

Tha Christ molo mala kaluwane, ne inoto ana biu nia; ma biu eri ni kulu, mada sa kuki rau ṉado ana seeraa la kulu ma faabaita lakulua la asi do na kulu manatatoo ṉado uria, kai ṉado maakwalia ṉa susui la.

Si do na kera fatai nia 2:1

Oki keda isana angel ana figua nai Efesasi; Si do eki nia sorea na ka rau ana fiu fa bubulu eki ana aba aola nia, ma ka lae i maalutana fiu do eki tala laeta: