Jone 16:3 - Ṉa Alaofua Falu 1923 1949

³ Ma si do eki toto keki ilia iamulua, uria na kera dora ana ṉa Maka, ma ni nau.

Jone 16:3 Iomraidhean Croise

Luke 10:22

Si do ki sui bana Maka nau e falea naa ifaku: me ai ta wane si thaitoomana ṉa Kaluwane, talitoona ṉa Maka e thaitoomana; me ai ta wane si thaitoomana ṉa Maka, talitoona ṉa Kaluwane e thaitoomana, bia ni tei bana na ṉa Kaluwane e thathamia kai fatai nia isana.

Jone 15:21

Ma si do eki sui bana lalae keki ilia iamulua inunufana thataku, uria na kesi thaitoomana nia ne arasi nau mai.

Jone 15:23

Wane na kai riki nau ka taa kai rikia Maka nau ka taa lau boo.

Jone 17:25

Maka kokoto ae, fanua nei iano e ai si thaitoomamu; nau ku thaitoomamu; ma toa nei ki kera thaitoomana no arasi nau mai;

Jone 17:3

Ma marukia tatha eri nai nia, na keki thaitoomamu God na talitoomu o mamana, bia keki thaitoomana tha Jesus Christ, no arasi nia mai.

Jone 8:19

Mania kera soree isana, Ma Maka oe nifei? Tha Jesus e luuda, ka una eri, Mulu dora ani nau, ma muka dora lau boo ana Maka nau: mada sa mulu thaitoomaku, muka thaitoomana lau boo Maka nau.

Jone 8:55

Ma mulu dora ani nia: ni nau ku thaitoomana; ma mada sa kwa sorea, E ai kwasi thaitoomana, nau kwai ’uri kamulua, wane kwai lole: sui nau ku thaitoomana boo, ma kwai ade sulia bae lana.

Si do Aposela ki kera ilidaki 3:17

Ma si maṉa eri, doora kera, nau ku thaitoomana mulu ilia si do eri uria na mulu dora ana maalutana, ma wane gwauwai kamulua ki kera dora lau bada ana maalutana.

I. Korinitha 2:8

Si do ne ai ta imole ana wane gwauwai i kada nei ki si thaitoomana: uria na mada sa kera thaitoomana bada, kesi fota fafia ṉa Lord, ne inoto ka tatha, ana ’ai rarafolo:

II. Thesalonika 1:8

Ana era na kai lamalama, si maṉa na nia toto kai duua abula taa la kera ki ana toa na kesi thaitoomana tha God, ma toa na kesi ade sulia si faaroṉoa lea Lord kulu tha Jesus Christ:

I. Timothi 1:13

Nau wane ku fafaretoliṉia mena tha God totonao, ku tona ililamatai nia toa ki, ku thathasi naunau: ma sui kera doanita iaku, sulaania si maṉa na ku fitala u kwasi thaitoomana maalutana si do nau ku ilia;

I. Jone 2:23

Ni tei bana na ka sorea e dora bana ana ṉa Kaluwane, wane eri e ai ana ṉa Maka: wane na ka faamamanea ṉa Kaluwane ana ṉa Maka ni lau boo.

I. Jone 3:1

Muki rikia fasi liothau la baita eri na ṉa Maka e liothau iakulua ania, na keki alaṉi kulu ana wela tha God ki: mania fanua nei iano ka ai si thaitoomakulua, uria ne ai si thaitoomana ni nia.

I. Jone 4:8

Wane ne ai si liothau e ai si thaitoomana tha God; uria na tha God na ṉa liothau la.

I. Jone 5:20

Ma kulu thaitoomana na Kaluwane tha God e fula naa, me falea manata lea la ifakulua, fasi kuka thaitoomana ni nia ne mamana, ma kulu to ani nia ne mamana, ana Kaluwane nia tha Jesus Christ. Ṉa God mamana neri, ma marukia tatha.