Jemesi 5:3 - Ṉa Alaofua Falu 1923 1949

³ Goloda kamulua ma silifa kamulua e bura; ma bura la eri kai faamamanea si do taa suli kamulua, ma kai akofia seemulua ’uria era. Mulu alua si mamulua ogogonia kamulua ki na mulu ofua afa boṉi iisi ki.

Jemesi 5:3 Iomraidhean Croise

GENESIS 31:48

Ma tha Lebana ka una eri, Ofu lana gwa fau nei ki na ṉa do ni faamamane la imaalutakaroa afa boṉi nei. Sulia si kula eri kera alaṉia thatana ana Galiti,

GENESIS 31:52

Ofu lana gwa fau nei ki na ṉa do ni faamamane la, ma beta nei na na do ni faamamane la, fasi nau toto kwasi tatha kau ana ofu lana gwa au nei ki, kwasi lae isamu, ma ni oe osi tatha mai ana ofu lana gwa fau nei ki ma beta nei, osi lae mai isaku, uria si ade la na kai taa.

GENESIS 49:1

Ma tha Jekofo ka ailia mai kaluwane nia ki, ka una eri, Muka ofu mai, fasi kwa faaroṉo kamulua asi do eki na toto muki fulatoona afa boṉi na ni u ki mai.

Si do Aposela ki kera ilidaki 2:17

Ma si do na kai fula mai afa boṉi iisi ki, tha God e sorea, Nau kwai kikia ta si ana Spirit nau fafia imole ki sui bana: Ma kaluwane kamulua ki ma thari kamulua ki keki ṉata mala porofeta, Ma wane bii baita kamulua ki keki rikia si na kera fatai lalaa ania, Ma arai kamulua ki keki moosubolea si moosubolea ki:

Roma 2:5

Ma sulia ruruumu ne sadi ma manatamu ne ai si akele, o alua rakeiria kai to maakwali oe afa boṉi eri ana rakeiria, maṉa na keki fatai nia si do kokoto eri na tha God na Wane ni Kotu kai sorea;

II. Timothi 2:17

Ma bae lada kai furi mala mamae: na ro wane iada na tha Haemeniasi ma tha Filetasi;

II. Pita 3:3

Uria na mulu thaitoomana totonao si do eri, afa boṉi iisi ki toa ni onioṉa la keki lae mai fafia onioṉa la kera, ma keki abula sulia si thathami la taa kera ki,

Si do na kera fatai nia 17:16

Ma tafulu susukee do ba ki no rikia na ba, ma do maruki eri ne kwasi, keki rikia sesele eri kai taa, ma keki adea kai mutaia ani nia ma kai talu, ma keki ania seena, ma keki naare teefau ania i la era.

Si do na kera fatai nia 20:15

Ma ni tei bana na kesi fulatoona thatana kesi keda i la buka ana marukia, keka naṉa ani nia asi kula eri ne fuṉu ana era.

Si do na kera fatai nia 21:8

Ma toa ana mau la, ma toa ana fitala la, ma toa ni mamagu la anida, ma toa ni thauwane la, ma toa ni oe la, ma toa ni ra la ana sukwaia spirit taa ki, ma toa na kera foa ana god eeta ki, ma toa ni lole la ki sui bana, keki fulatoona si do kera ki asi kula ne ’uria gwa kafo baita me fuṉu ana era ma do thasuna ka makwafifi; ruana fa maea neri.