Jemesi 4:8 - Ṉa Alaofua Falu 1923 1949

⁸ Muki idu karaṉia tha God, ma ni nia kai idu karaṉi kamulua. Faafalua ro aba kamulua ki, toa na mulu abula taa; ma faathathaulia ruruumulua, kamulua toa amulua ro si lio.

Jemesi 4:8 Iomraidhean Croise

GENESIS 18:23

Ma tha Aberahamo ka idu karaṉi nia, ka una eri, Oki thau labatai ṉia lau boo toa kokoto ki bia toa taa ki, mado?

Fa Ṉu Abu ki 119:113

Nau ku rikia ka taa toa eki ada ro si lio; lo oe na ku liothau ania.

Fa Ṉu Abu ki 145:18

Tha Jihova ni karaṉia toa eki sui boo na keka ’ai thatana, toa eki sui boo neri na keka ’ai thatana asi lio ne mamana.

Fa Ṉu Abu ki 18:20

Tha Jihova e kwaiaraṉai nau sulia abula kokoto la nau; e falea mai si do ne duua ro aba nau ki ne faalu.

Fa Ṉu Abu ki 24:4

Wane nei na ro aba nia ki e faalu, ma ruruune thathauliaa; wane ne a’i si tafoa maṉona uria si do ne a’i si kwaiadomi, me a’i si othi ni lole la.

Fa Ṉu Abu ki 26:6

Nau kwai taua ro aba nau ki asi lio ne faalu; mania kwai bii lae kakalia fulii era ni foa la oe, Jihova ae:

Fa Ṉu Abu ki 51:10

Oko thauwai nia do faalu i la ruruuku, God ae; oko adea spirit nau kai kokoto lau bana.

Fa Ṉu Abu ki 73:13

E mamana boo nau ku tonee faafaalua ruruuku, ku tona taua ro aba nau ki asi lio ne faalu;

Fa Ṉu Abu ki 73:28

Ma ni nau, e lea boo iaku kwai idu karaṉia tha God: nau ku takofale nau sui naa iana Arai Lo na tha God, fasi kwai uunu sulia si ra oe ki sui bana.

Mathui 12:33

Mado e ai muki reroa ṉa ’ai kai lea, bia foana kai lea; mado muki reroa ’ai eri kai taa, bia foana kai taa: uria kera thaitoomana ’ai ana foana.

Mathui 15:2

Uria ta na toa oe noki toleda keki ade eeta faisia ṉata lana ulunao ki? uria na kesi taua abada maṉa keki ania berede.

Mathui 27:24

Si maṉa na tha Paelate e rikia na si nia si tatha, ma ṉalu la kai bii too, nia ṉalia kafo, ma ka taua ro aba nia ki inaofana malului wane eri, ka una eri, Nau ku ai ana abuna wane kokoto nei: kamulua muki baelia.

Si do Aposela ki kera ilidaki 15:9

Ma nia e ai si adea ’uria sa kera eeta faisi kulu, ka faafalua ruruuda ana fitooa.

II. Korinitha 7:1

Mania uria na alaṉaia eki ifakulua, toa liliothaua nau ki, kuki faafalu kulu faisia si do ki sui bana na kai faataalia seekulua ma spirit kulu, kuki faaabu teefau ani kulu ana mau la atha God.

I. Timothi 2:8

Mania ku thathamia wane ki keki foa ta kula si ei, keki tafoa abada ka dodoloa, rakeiria ma oli susuu la ki kei ei faisida.

Hibaru ki 10:22

Kuki idu karaṉi mai fafia ruruukulua ne mamana, ana fitooa baita faamau, fafia ruruukulua na kera taṉasia si lio ne taa faisia, ma seekulua na kera taua asi kafo thathaulia:

Hibaru ki 7:19

(Sulaania ṉa lo e ai si faasukwai teefau ana ta si do), ma kera bii ṉalia mai do lea ka tatha na kulu manatatoo ṉado uria, si do na kulu idu karaṉia tha God ania neri.

Jemesi 1:8

Wane ana ro si lio, ne ai si ṉado ana abula lana sui bana.

Jemesi 3:17

Ma liotooa eri ne ita mai ia kai thathaulia totonao, sui kai eno, kai abula thathaore, kai thathamii falea si do na keki gania, kai fuṉu ana tatakomia ma asi foee do lea ki, oli susuua ka ai faisia, olodola la ka ai faisia.

I. Pita 1:22

Uria na mulu faafalua maṉomulua si maṉa na mulu ade sulia mamana la eri atha Spirit ana liothau la na kesi lole ania uria baree wai doorana eki, ruruumulua kai seemabe ana liothau kwailiu la iamulua:

I. Pita 3:21

Ma kafo eri ana tarifula mamana kai faamaruki kamulua si maṉa eri lau boo, na babataesi la neri, tau lana seena imole faisia si do na ka faataalia e ai, ṉa rofe la uria si lio ne lea uria tha God, ana tatae lana tha Jesus Christ;

I. Jone 3:3

Ma ni tei na ka manatatoo ṉado uria si do eri ani nia kai faafalu nia i talaana, ’uria lau boo ni nia e falu.