Jemesi 2:6 - Ṉa Alaofua Falu 1923 1949

⁶ Ma ni kamulua mulu fare faekwa ana wane ne ai si rikii do. Musi thaitoomana na toa eki na kera rikii do kera malataa ani kamulua, ma talani kera kera aba kamulua muki lae inaona do ni ono la wane ni kotu ki?

Jemesi 2:6 Iomraidhean Croise

Fa Ṉu Abu ki 10:10

Nia agwaoro, ka lolosi, ma toa ne a’i ada ta kwaiadomi la keka asi kera iano sulia omea sukwai nia.

Fa Ṉu Abu ki 10:14

O rikia naa; sulaania oko lio uria si ade la ne taa ma si lio i malau, fasi oki duua ana abamu: wane ne a’i ana ta adomi la ka takofale nia iamu; ni oe o adomia wela inamae.

Fa Ṉu Abu ki 10:2

Ana fafakao lana wane taa, nia ka tari fofoa buriana wane inamae; keki katu ana manata taa la eki na kera tala manataia.

Fa Ṉu Abu ki 10:8

Nia ka ono bana asi kula ne u teoa iei la toaa faekwa ki: asi kula thaufuni ki nia kai thauṉia toa na kesi abula taa ana ta si do: asi maṉa imole si riki nia, maana ka lio tete uria labatai lana toa ne a’i ada ta wane ni adomi lada la.

Fa Ṉu Abu ki 12:5

Sulia labatai lana toa inamae ki, sulia kwa’i baita lana toa ana rofe la, ni nau kwai makee tae kau, tha Jihova e sorea; nau kwai alua asi kula ni marukia wane eri na kera faabaita kera italaada fafi nia.

Fa Ṉu Abu ki 14:6

Kamulua mulu faaseenoni asi do na wane inamae kai onotoona, uria na tha Jihova si kula nia kai thaka uria.

Jone 8:49

Tha Jesus e luuda, ka una eri, E ai ta spirit taa si ni iaku; ma nau ku fare baita ana Maka nau, ma ni kamulua muka fare faekwa iaku.

Si do Aposela ki kera ilidaki 13:50

Ma sui Ju ki kera faasurake ana kini inoto na kera faabaita tha God ki, ma wane inoto ki ana toaa susu eri, keka areda uria tona ilamatai lana tha Polo ma tha Banabasi, keka taridaroa i thara faisia oli lana fanua kera.

Si do Aposela ki kera ilidaki 17:6

Ma si maṉa na kesi fulatoodaroa, keka aba tha Jasono ma tei toa ana baree wai doorana, keka aluda inaofana wane gwauwai ki ana toaa susu eri, keka ’ai, keka una eri, Toa ba na kera kefusia fanua nei iano kera fula lau boo i kunei;

Si do Aposela ki kera ilidaki 18:12

Ma si maṉa na toa i Roma kera alua tha Galio kai inoto ana Akaia, Ju ki kera tae ana tee si lio, keka firu bia tha Polo, keka talaia inaona do ni ono la wane ni kotu eri,

Si do Aposela ki kera ilidaki 8:3

Ma tha Solo e labatania ṉa figua, ka kotho i maafera kera ki sui bana, ka aba wane ki ma kini ki ma ka suusida i la lokafu.

I. Korinitha 11:22

Ma ṉa ta neri? e ai amulua tai maafera fasi muka faṉa ma muka kuu iei? mado mulu fare faekwa ana figua tha God, ma muka faaseenoni ana toa na kesi rikii do? Ta si ta na kwai soree isamulua? kwai taṉo kamulua maana si do eri? E ai kwasi taṉo kamulua ania.

Jemesi 2:3

Ma muka fare baita ana wane ana tooni seelea eri, muka soree isana, Oko ono kunei asi kula ne lea; ma muka soree isana wane eri ne ai si rikii do, Oko takwe loko, mado oki ono bamua i fara do ni alu lana aaeku i fafona;

Jemesi 5:4

Rikia fasi, foli lana wane ni ra ki na kera kasia oolee do kamulua ki, na mulu lufia faisida ana abula dodora la, ka gagafu: ma gagafu la toa eki na kera kasia na ba e kotho i aliṉana tha Lord ana Omea Baita ki.

Jemesi 5:6

Mulu sorea kwae lana wane kokoto, mulu thauṉi nia; wane eri e ai si suusi kamulua faisi nia.