Jemesi 1:12 - Ṉa Alaofua Falu 1923 1949

¹² Lea iana, wane na kai susuu ana ilitooa: uria na lalae kera thaitoomana naa kokoto lana, nia kai bii ṉalia do ni eregwau la ana marukia, na ṉa Lord e alaṉai nia ana toa na keka liothau ani nia.

Jemesi 1:12 Iomraidhean Croise

GENESIS 22:1

Ma lalae mai, buriana si do eki, tha God e ilitoona tha Aberahamo, ka soree isana, Aberahamo ae: ma nia ka una eri, Rikia fasi, ni nau neri.

Nehemiah 1:5

Ku una eri, Nau ku nata kwaitakoi kau isamu, Jihova ae, God na i thalo lo, God inoto ka tatha ne kwaifamaui, nia neri na ka ade sulia alaofua ne kania na ba, ma tatakomia nia uria toa eki na keka liothau iana ma keka betaa si ṉataa fifi nia ki:

Fa Ṉu Abu ki 11:5

Tha Jihova ka ilitoona wane kokoto: wane taa molo, ma wane ne thathamia ṉado kwaisuuwai la, e rikia ka taa faamau iana uria.

Fa Ṉu Abu ki 119:67

Si maṉa ba na taa la e a’i si thauṉi nau u, nau ku lalae garo; ma sui si maṉa eri kwai roo sulia bae lamu.

Fa Ṉu Abu ki 119:71

Do e lea ifaku na nau ku toto ana taa la; fasi kwa thaitoomana maalutana si ade la no gwaludaki.

Fa Ṉu Abu ki 119:75

Jihova ae, ro si do ku thaitoomana nai nia, si ṉataa fifi oolo oe ki e kokoto, ma ana abula lamu ne mamana o adea taa la ka thauṉi nau na ba.

Fa Ṉu Abu ki 5:11

Toa eki molo na kera takofale kera iamu keki seethathala; keki suuni ṉado ana ele la, uria no thufida: toa eki lau boo na kera thathamia thatamu keki seethathala ani oe.

Fa Ṉu Abu ki 94:12

Lea iana, wane eri no kwaea, Jihova ae, no kwaifamanatai isana ana lo oe;

Mathui 10:22

Ma toto toa ni sui bana keki riki kamulua ka taa inunufana thataku: ma wane na kai susuu ka fula ana ṉa susui la, wane eri keki faamaruki nia.

Mathui 25:34

Sui Kiṉa eri kai soree isana toa ibali aba aola nia, Lae mai, toa na Maka nau e falea lea la ifamulua, muki to ana tooa na kera thauwai nia maakwali kamulua too mai ana boa lana fanua nei iano:

Luke 6:22

Lea iamulua, si maṉa na imole keki riki kamulua ka taa, ma keki lalakwatai kamulua faisi kera, ma keki tamani taa seemulua, ma keki lalakwa ana thatamulua ’uria do taa, inunufana Kaluwane imole.

Roma 5:4

Ma si lio ni susuu la kai ṉalia mai si lio ana thaitoomana lana si do ne ilitoodaki sui naa; ma si lio eri kai ṉalia mai manatatoo ṉado la uria si do ne lea:

Roma 8:28

Ma kulu thaitoomana na si do ki sui bana ka ra ofu uria lea la ifana toa na kera liothau atha God, toa eki na kera ailida mai sulia si do manatana e thathamii ilia.

I. Korinitha 2:9

Ma ’uria si do na kera keda, Si do na maana imole si rikidaki, ma aliṉana si roṉoa. Na ruruuna imole si lalomatoona, Si do ki sui bana na tha God e thathaia maakwalia toa na kera liothau ani nia.

I. Korinitha 8:3

Ma mada sa ta wane e liothau atha God, tha God e thaitoomana wane eri.

I. Korinitha 9:25

Ma ni tei na kai susuu fasi si nia kai tatha i la lalaba la ki kai inoto ana seena asi do ki sui bana. Ma toa eki kera ilia fasi keki ṉalia do ni eregwau la na toto kai taa; ni kulu molo fasi kuki ṉalia do ne toto si taa.

II. Timothi 2:15

Oki aṉasi fasi oki fatai oe isatha God wane na nia kai ala fafi oe, wane ni ra na maamu si asia uria ra oe, noki ukali lea asi baea mamana eri.

II. Timothi 4:8

Ita asi maṉa eri ka lae alaa, kera alua naa do ni eregwau la ana kokoto la maakwali nau, na ṉa Lord, na Wane ni Kotu kokoto, kai falea ifaku afa boṉi eri: ma talifili nau e ai, kai falea lau boo ifana toa eki sui boo na kera liothau ana maṉo lana mai.

Hibaru ki 10:32

Ma muki onotoona fa boni ba inao ki, si maṉa na, buriana mulu to naa i la lalaa la, mulu susuu na ba ana firu la baita bia taa la na mulu toto anidaki;

Hibaru ki 11:17

Ana fitooa tha Aberahamo, si maṉa na kera ilitoona, e falea tha Aesaka ana do ni foa la: iu wane eri ne ṉalia alaṉaia eki kai falea tee fa kaluwane nia;

Hibaru ki 12:5

Ma mulu lio dora asi ṉata eri, ne ṉata bi kamulua mala kaluwane ki, Kaluwane nau ae, osi fare faekwa ana kwae la ana faaoolo la tha Lord, Ma osi mamaketho si maṉa nia kai ṉatafi oe;

Hibaru ki 6:15

Mania, buriana ne susuu ka tau, e fulatoona alaṉaia eri.

Jemesi 2:5

Muki roṉoa fasi, doora liliothaua nau ki; ta na sa tha God e filia toa na kesi rikii do i fanua nei iano, keki rikii do ana fitooa, ma keki fulatoona tooa eri ne alaṉai nia ana toa na keki liothau ani nia, mado?

Jemesi 5:11

Rikia fasi, kulu sorea kai lea iada, toa eki na kera susuu asi do ki: mulu roṉoa si lio ni susuu la tha Joba, ma mulu rikia gwauna tha Lord, na tha Lord ka fuṉu asi lio ni mamasoro la, ma ka kwaitatakomi.

I. Pita 3:14

Ma mada sa muka to ana taa la uria kokoto la, kai lea iamulua: ma musi mamau ana mau lada, mado i la ruruumulua si tataa;

I. Pita 4:13

Ma uria na mulu ṉalia tei si ana taa la tha Christ ki, muki seethathala ania; fasi asi maṉa na toto keki fatai nia lau boo inotoa nia, muki bii seethathala ana seethathala la ne baita ka tatha.

I. Pita 4:14

Mada sa keka ṉata taa uri kamulua uria thatana tha Christ, kai lea iamulua; uria na Spirit ana inotoa na ṉa Spirit tha God ka to fafi kamulua: ṉi kera keka ṉata taa i seena, ma ni kamulua muka fare inoto ani nia.

I. Pita 5:10

Ma tha God ana lea la ni sui bana, ne aili kamulua mai atha Christ Jesus uria inotoa nia ne to tatha, buriana na mulu toto ana taa la ana kasi maṉa seseka, talani nia kai faasukwai teefau ani kamulua, kai faatakwe kamulua, kai faaṉado kamulua

I. Pita 5:4

Ma sui lalae kera fatai nia naa Wane Inoto ni toi la kalia aini sifi, muki ṉalia do ni eregwau la ana inotoa na ka ai si dele.

I. Jone 4:19

Kulu liothau, uria ne liothau ani kulu totonao.

Si do na kera fatai nia 2:10

Osi mau ana taa la eki na toto oki to ania: rikia fasi, e ai si tau na tha devil kai suia tai toa iamulua uri la lokafu, fasi keki ilitoomulua; ma muki to ana taa la sulia tafulu fa boṉi. Oki to mamana boo uria maea, kwai falea do ni eregwau ana marukia ifamu.

Si do na kera fatai nia 3:19

Nau ku sorea toa eki sui bana na nau ku liothau anida, ma ku kwaeda ana faaoolo lada: mania oki seemabe, ma oki akeletania manatamu.

Si do na kera fatai nia 3:21

Wane na si nia kai tatha, nau kwai falea si kula eri ifana kai ono bi nau ana do ni ono la nau ana inotoa, ’uria lau boo si nau e tatha, ma ni nau ku ono bia Maka nau ana do ni ono la nia ana inotoa.