GENESIS 40:3 - Ṉa Alaofua Falu 1923 1949

³ Ma nia ka suusidaroa i maafera wane eri ne tatha inaona omea ni fono toi la kali nia, i la lokafu, asi kula na kera kani fafia tha Josefa iei.

GENESIS 40:3 Iomraidhean Croise

GENESIS 39:1

Ma keka talaia tha Josefa ka sifo uri Ijifi; ma tha Botifa, ṉa wane ni ra tha Fero ne tatha inaona omea ni fono toi la kali nia, ṉa wane i Ijifi, ka usia mai i abana wane eki ana kwalafaa tha Isimela na kera talaia mai ka sifo uri fanua eri.

GENESIS 39:20

Ma wane inoto tha Josefa ka rau ani nia, ka alua i la lokafu, asi kula na kera kani fafia toa na ṉa kiṉa e suusida iei: ma nia ka to bana i la lokafu eri.

GENESIS 39:22

Ma wane eri ne nanao ana lokafu ka takofalea i abana tha Josefa toa eki sui bana na kera suusida i la lokafu eri; ma atona bana ta si do na keka ilia iei, ni nia ana ne ilia.

GENESIS 39:23

Wane eri ne nanao ana lokafu ka a’i si lio uria atona bana ta si do na ni fara abana, uria na tha Jihova e to bi nia; ma si do ne ilidaki, tha Jihova e adea ka mamana.

GENESIS 40:4

Ma wane eri ne tatha inaona omea ni fono toi la kalia tha Fero ka takofaledaroa isatha Josefa, ma nia ka ra ifadaroa: ma kera suusidaroa iei sulia tei fa boṉi.

GENESIS 41:10

Tha Fero e rakeiri na ba uria ro wane ni ra nia ki, me alu nau i la lokafu i maafera wane eri ne tatha inaona omea ni fono toi la kali oe, kamarea wane eri ne nanao ana toa ni naare la: