GENESIS 4:7 - Ṉa Alaofua Falu 1923 1949

⁷ Mado so abula lea, keki ala fafi oe, mado? mada sa abula lamu e a’i si lea, do ifana abula taa la ka teo bana i maana olofolo. Ma do eri kai thathami oe, ma oki inoto iana.

GENESIS 4:7 Iomraidhean Croise

GENESIS 19:21

Ma nia ka soree isana, Lio fasi, nau ku ade naa sulia bae lamu asi kula eri lau boo, na nau kwasi ogea toaa susu nei no ṉata mai suusia taa la faisia na ba.

GENESIS 3:16

Sui nia ka soree isana kini eri, Nau kwai alua taa la ma fi‐wela la na kai thauṉi oe kai oro alaa faamau; ana liodila la oki tharea wela oe ki; ma oki thathamia kwaimu, ma ni nia kai inoto iamu.

Si do Aposela ki kera ilidaki 10:35

Ma ana kulee toa ni sui bana wane ne mau ani nia, ma kai ilia si do kokoto, nia kai ala fafia.

Roma 12:1

Mania ku ṉata kwaitakoi, ku soree isamulua, doora kera, uria si do ba ki na tha God e tatakomi kulu ania, muki falea seemulua na do ni foa la ne maruki, do abu, na tha God kai ala fafia, si ra na manatamulua kai sorea e kokoto neri.

Roma 14:18

Uria wane na kai ra ifatha Christ asi do eki kai faalea tha God, ma wane ki keki ala fafi nia.

Roma 15:16

Kwa wane ni ra tha Jesus Christ uria Jenetaele ki, kwa ra asi faaroṉoa lea tha God, fasi fale lana Jenetaele ki ’uria do ni foa la keki ala fafia, uria na tha Spirit Abu e faaabua.

Roma 6:12

Mania musi alamatania abula taa la si inoto fafia seemulua na toto kai mae, fasi muki ade sulia si thathami la taa nia ki:

Roma 6:16

Musi thaitoomana si kula eri neri, wane na muki fale kamulua ifana ana toa ni ra la ki ana ade la sulia, kamulua na toa ni ra la ana wane eri na mulu ade suli nia; mado ana abula taa la ifana maea, mado ana ade la sulia si ṉata ifana kokoto la?

Efesasi 1:6

Ana taṉo lana inotoa lea la nia, ne ala fafi kulu ania ana Wane liliothaua nia:

I. Timothi 5:4

Ma mada sa ta gwa oru e welaa mado ana wela wela nia ki, keki too totonao uria fatai lana lea la isana toa kera ki, ma keki duua ifana maka kera ki ma thainada ki: uria na si do na tha God e rikia ka lea ma ka ala fafia neri.

Hibaru ki 11:4

Ana fitooa tha Ebela e falea do ni foa la lea ka tatha ana do tha Kena ifatha God, do ne adea na kera faamamanea si do kera thaitoomana suli nia na nia e kokoto, uria na tha God e faamamanea si do ne thaitoomana sulia si do nia tona faledaki: ma asi do eri wane eri kai ṉata boro sa ka mae mena.

Jemesi 1:15

Sui thathami la taa eri, si maṉa na e to ana wela, kai kwalafia abula taa la: ma abula taa la eri, lalae e dara, kai kwalafia maea.

I. Pita 2:5

Ni kamulua lau boo, mala fau maruki‐ki, keki ofu kamulua muki tae ana biu tha Spirit, fasi muki toa ni foa la abu ki, na muki falea do ni foa la tha Spirit ki, na tha God kai ala fafia atha Jesus Christ.