GENESIS 28:3 - Ṉa Alaofua Falu 1923 1949

³ Ma tha God ne Sukwai ka Tatha kai alua lea la fafi oe, kai adea na kwalafamu kai oro faamau ka lae alaa, fasi ina lana toa oro ki keki ita mai ani oe;

GENESIS 28:3 Iomraidhean Croise

GENESIS 1:28

Ma tha God e alua lea la ka to fafidaroa, ma tha God ka una eri isadaroa, Kwalafamaroa keki oro faamau ka lae alaa, ma muki fuṉu i fanua na i iano, muki alua kai roo suli kamulua: muki inoto fafia gwa i’a eki la amali, ma fafia thaaro i mamatalea ki, ma fafia do maruki eki sui boo na keki isu ifafona fanua na i iano.

GENESIS 13:16

Ma ni nau kwai adea na kwalafamu keki ’uria gegeona theegano: mada sa ta wane ka thaitoomana teemai lana gegeona theegano, kai teemai nia lau boo kwalafamu.

GENESIS 17:20

Ma sulia tha Isimela, nau ku roṉoa naa foa la oe ba: rikia fasi, nau ku alua naa lea la fafi nia, kwai adea kwalafana keki oro, keki oro faamau ka lae alaa; nia kai kwalafia tee akwala ma ro wane gwauwai ki, ma nau kwai adea kulee toa ne inoto faamau kai thafali mai ani nia.

GENESIS 24:60

Ma kera alua lea la fafia ni Ribeka, keka soree isana, Waiwaena kamilia na ni oe, oki kwalafia tee tooni kudui imole, ma kwalafaa oe keki ana ana maethakaa toa eki na kera rikida ka taa.

GENESIS 26:24

Ma tha Jihova ka fula fatai isana afa rodo eri boo, ka una eri, Ni nau God maka oe na tha Aberahamo: osi mau, uria ni nau kwai to bi oe, kwai alua lea la fafi oe, kwai adea kwalafaa oe kai oro alaa inunufana wane ni ra nau na tha Aberahamo.

GENESIS 26:4

Ma ni nau kwai adea kwalafaa oe kai oro alaa, alafana fa bubulu lo i thalo ki mai, ma kwai falea fanua nei ki sui bana ifana kwalafaa oe ki; ma ana kwalafaa oe keki alua lea la ifana ina lana toa eki sui bana na ni fanua na i iano;

GENESIS 27:33

Ma tha Aesiki ka leleba ana leleba la baita, ka una eri, Ni tei? nifei nia wane eri ne basia mai do i masuu, me ṉalia mai ifaku, ma nau ku ania naa siina do eri sui bana si maṉa osi fula u mai, ku alua naa lea la fafi nia? iu, ma lea la kai to mamana boo fafi nia.

GENESIS 35:11

Ma tha God ka una eri isana, Ni nau ṉa God Sukwai ka Tatha: kwalafamu keki oro faamau ka lae alaa; kulee toa ma aini kulee toa ki keki ita mai ani oe, ma kiṉa ki keki ita mai i matoṉamu;

GENESIS 41:52

Ma thatana kaluwane buri nia e alaṉia atha Ifiremu: Uria na tha God e adea nau kwa fuṉu ana foeedo ki la fanua ku toto ana taa la iei.

GENESIS 43:14

Ma nau ku thathamia na tha God ne Sukwai ka Tatha kai adea na muki fulatoona tatakomi la inaofana wane eri, fasi kai arasia mai dooramulua ba ma tha Benijamini. Mada sa wela nau ki keka mae faisi nau, kwai inamae bonaa.

GENESIS 48:3

Ma tha Jekofo ka soree isatha Josefa, Tha God ne Sukwai ka Tatha e fula fatai mai isaku i Lasa i la fanua i Kenana, ka alua lea la fafi nau na ba,

GENESIS 48:4

Ka soree isaku, Rikia fasi, ni nau kwai adea kwalafamu keki oro alaa, kwai adea na kulee toa oro ki keki ita mai ani oe; ma nau kwai falea fanua nei ifana kwalafamu iburiamu, ṉa fanua kera u boo toto si sui.

GENESIS 49:25

Ana God maka oe neri, na kai adomi oe; ana God ne Sukwai ka Tatha, na kai alua lea la fafi oe asi do lea ita ki mai thalo lo, ma si do lea ki na i matakwa ne teo ifara, si do lea na i uumana kini ki, ma rakeda:

GENESIS 9:1

Ma tha God ka alua lea la fafia tha Noa ma kaluwane nia ki, ka una eri isada, Kwalafamulua keki oro faamau ka lae alaa, ma muki faafuṉua fanua na i iano.

Fa Ṉu Abu ki 127:1

Mada sa tha Jihova e a’i ne kasibiu, toa eki na keka kasia biu eri keka tonee ra bada asi ra ne a’i si kwaiadomi: mada sa tha Jihova e a’i neri ne fono toi kakalia toaa susu, wane ni fono toi la kai tonee tharai bana.

Fa Ṉu Abu ki 127:3

Lio fasi, baree wela ta wane na ṉa do tha Jihova ana kai falea ifana: ma foana rakee kini na ṉa kwaiaraa ita mai ani nia.

II. Korinitha 6:18

Ma nau kwai Maka kamulua, Ma ni kamulua kaluwane nau ki ma thari nau ki, tha Lord ne sukwai ka tatha e sorea.

Si do na kera fatai nia 21:22

Ma nau e ai kwasi rikia ta biu baita tha God iei: uria na biu baita tha God ana toaa susu eri na tha Lord God ne Sukwai ka tatha, ma ṉa Lama.