GENESIS 26:4 - Ṉa Alaofua Falu 1923 1949

⁴ Ma ni nau kwai adea kwalafaa oe kai oro alaa, alafana fa bubulu lo i thalo ki mai, ma kwai falea fanua nei ki sui bana ifana kwalafaa oe ki; ma ana kwalafaa oe keki alua lea la ifana ina lana toa eki sui bana na ni fanua na i iano;

GENESIS 26:4 Iomraidhean Croise

GENESIS 13:16

Ma ni nau kwai adea na kwalafamu keki ’uria gegeona theegano: mada sa ta wane ka thaitoomana teemai lana gegeona theegano, kai teemai nia lau boo kwalafamu.

GENESIS 15:18

Afa boṉi eri boo tha Jihova e kania alaofua bia tha Aberamo, ka una eri, Ifana kwalafamu ku falea naa fanua nei, ka thafali mai ana kafo na ka lio uri Ijifi, lalae ka fula ana kafo baita eri, na kafo thatana Iupetisi:

GENESIS 15:5

Ma nia ka talaia mai thara, ka una eri, Lio fasi si maṉa eri uri thalo lo, oko teemai nia fa bubulu lo ki, soki thaitoomana teemai lada la: ma nia ka una eri isana, Kwalafamu keki oro ’uria fa bubulu eki.

GENESIS 18:18

Uria na tha Aberahamo ṉa maka totonao mamana boo ana kulee toa baita ma ka rigita, ma ani nia keki alua lea la ifana kulee toa eki sui bana na ni fanua na i iano.

GENESIS 26:24

Ma tha Jihova ka fula fatai isana afa rodo eri boo, ka una eri, Ni nau God maka oe na tha Aberahamo: osi mau, uria ni nau kwai to bi oe, kwai alua lea la fafi oe, kwai adea kwalafaa oe kai oro alaa inunufana wane ni ra nau na tha Aberahamo.

GENESIS 28:14

Ma kwalafamu keki ’uria gegeona theegano, ma oki lae tathaa uri bali su lana thato, ma ibali tae lana, ma uri notoa ma uri mutana: ma ani oe ma ana kwalafamu keki alua lea la fafia ina lana toa eki sui bana na ni fanua na i iano.

GENESIS 28:3

Ma tha God ne Sukwai ka Tatha kai alua lea la fafi oe, kai adea na kwalafamu kai oro faamau ka lae alaa, fasi ina lana toa oro ki keki ita mai ani oe;

GENESIS 35:12

Ma fanua eri na nau ku falea naa ifatha Aberahamo ma tha Aesiki, kwai falea boo ifamu; ma ifana kwalafamu na keki to bada iburiamu kwai falea boo fanua eri.

GENESIS 47:27

Ma kwalafaa tha Isirela keka to bada i la fanua i Ijifi, la bali fanua i Goseni; ma keka rikii do iei, keka tae, keka oro faamau ka lae alaa.

Fa Ṉu Abu ki 72:17

Thatana kai ṉado toto si sui; thatana kai to ṉado bana ’uria lau boo thato lo: ma keki alua lea la ifana wane ki ani nia; kulee toa eki sui bana keki alaṉi nia ana wane ne lea iana.

Si do Aposela ki kera ilidaki 3:25

Kamulua na kwalafana porofeta eki, ma amulua alaofua eri na tha God e kania bia maka kamulua ba inao ki, si maṉa ne soree isatha Aberahamo na ba, Ma kulee toa ni sui bana nai fanua nai iano kai lea iada sulia kwalafamu.

Galesia 3:16

Sui tha Aberahamo ana kera ṉata sulia si alaṉaia eki ifana, ma ifana kwalafana. E ai si sorea, Ifana kwalafana ki, ’uria sa wane oro ki; ma ’uria sa sulia tee nonii wane, Ma ifana kwalafamu, ma kwalafa eri na tha Christ.

Galesia 3:8

Ma kekeda la abu eri, ne thaitoomana totonao na tha God kai ala fafia kokoto la Jenetaele ki uria fitooa, e ṉata totonao sulia si faaroṉoa lea isatha Aberahamo, ka una eri, Keki alua lea la ifana kulee toa ni sui bana ani oe.

Hibaru ki 11:2

Uria na asi do eri maka nai nao ki kilu fulatoona na kera faamamanea si do lea na kera thaitoomana sulida.