GENESIS 24:3 - Ṉa Alaofua Falu 1923 1949

³ Ma ni nau kwai faaothi oe ana thatana tha Jihova, ṉa God i thalo lo ma God i fanua na i iano, e a’i osi folia ta kini ifana kaluwane nau ana thari Kenanaete ki, na nau kwai to imaalutada nania:

GENESIS 24:3 Iomraidhean Croise

GENESIS 14:19

Ma wane eri ka alua lea la fafi nia, ka una eri, Lea la kai to fafia tha Aberamo, do ita mai atha God ne Inoto ka Tatha, na do nia ki u boo na thalo lo ma fanua na i iano:

GENESIS 14:22

Ma tha Aberamo ka soree isana kiṉa eri i Sodoma, Nau ku tafoa naa abaku, ku alaṉai atha Jihova, ṉa God ne Inoto ka Tatha, na do nia ki u boo na thalo lo ma fanua na i iano,

GENESIS 21:23

Mania, othi fasi kunei isaku ana thatana tha God nosi abula ana lole la uri nau, mado uria kaluwane nau, mado uria kaluwane kaluwane nau: talafana abula laku ana adeleaa iamu, alafana lau boo abula lamu kai lea uri nau, ma uria fanua nei no to ni laea iei.

GENESIS 24:7

Tha Jihova, ṉa God i thalo lo, ne talai nau mai faisia maafera maka nau, ma fanua ina laku kera, nia ne ṉata mai isaku, ma ka othi isaku, be una eri, Ifana kwalafamu kwai falea fanua nei; ni nia kai arasia angel nia na kai tatha inaomu, ma oki tolea mai ta kini ifana kaluwane nau faisia fanua eri.

GENESIS 27:46

Mai ni Ribeka ka soree isatha Aesiki, Nau ku feda naa ana to laku sulia ro kini eki na thari tha Hete ki: mada sa tha Jekofo kai tole kini ana thari tha Hete ki, na keki ’uria ro kini nei ki ana thari fanua nei ki, kai ufita fasi to laku kai lea lau?

GENESIS 28:1

Ma tha Aesiki ka ailia mai tha Jekofo, ka alua lea la fafi nia, ka ṉata fifi isana, ka soree isana, Ada oko tole kini ana thari na i Kenana ki.

GENESIS 28:8

Ma tha Iso e rikia na maka nia na tha Aesiki e rikia thari na i Kenana ki ka a’i si ala fafida;

GENESIS 34:9

Ma muki kwaimaani lea bi kamilia ana foli‐kini la; muka falea thari kamulua ki ifamilia, ma muka tolea thari kamilia ki ifamulua.

GENESIS 38:2

Ma i kula eri tha Juda e rikia thari tee nonii wane i Kenana, thatana na tha Sua; ma nia ka folia thari eri ka ofu bi nia.

GENESIS 47:31

Ma nia ka sorea, Othi fasi isaku: ma nia ka othi isana. Ma tha Isirela ka rau ana gwauna thamataia eri, ka agwaoro iano.

GENESIS 50:25

Ma tha Josefa e faaothia kwalafaa tha Isirela, ka una eri, Tha God kai thai mamana boo suli kamulua, ma muki tae fafia ogiku faisia fanua nei.

GENESIS 6:2

Kaluwane tha God ki keka rikia thari imole ki riki lade lea; ma keka tole kini ana thari eki sui bana na kera filida.

GENESIS 6:4

Wane tekwa faamau ki na keka baita faamau kera to bada i fanua ne i iano afa boṉi eki; ma iburi mai lau boo, si maṉa na kaluwane tha God ki kera ofu bia thari imole ki, ma kini eki ka thare wela ifada, wela eki na ṉa wane rigita ki na kera toto u mai inao, na wane thatade talo ki.

Nehemiah 13:25

Ma nau ku ṉata ni firua bida, ku alua taa la fafi kera, ku kwakwaea tei wane iada, ku lafua ifuda faisida, ku suuwanida keka othi ana thatana tha God, ku una eri, E a’i dodoloa muka falea thari kamulua ki ifana kaluwane kera ki; e a’i dodoloa muka tolea thari kera ki ifana kaluwane kamulua ki, mado fani kamulua italaamulua.

Nehemiah 9:6

Tha Jihova na ni oe, talifili oe italaamu; o thauwai nia thalo lo ma fanua eki fafia thalo lo ki, bia omea baita kera ki sui bona, fanua na i iano ma si do ki sui boo na ni fafona, amali eki ma si do ki sui boo na ni laala, ma ni oe neri noko lio sulaania si do eki sui bana; ma omea baita i thalo lo keka faare baita iamu.

Fa Ṉu Abu ki 115:15

Lea la ka to fafi kamulua ita mai atha Jihova ne thauwai nia thalo lo ma fanua na i iano.

Fa Ṉu Abu ki 136:26

Sore lea fasi ifana ṉa God i thalo lo: uria na tatakomia nia ka toto si sui.

I. Korinitha 7:39

Ai ila ai kai to ṉado isana kwaina si maṉa na wane eri kai maruki bana; sui mada sa kwaina ka mae, nia tona to fasi kai toowane bia ni tei ne thathamia; ma ana ṉa Lord na kai ilia.

Hibaru ki 6:16

Sulaania wane ki fetei kera othi ana thatana do ne baita ka tatha: ma asi do ki sui bana na kera oli susuu fafia othi la kai faasuia firu la.