GENESIS 21:2 - Ṉa Alaofua Falu 1923 1949

² Uria ni Sera ka iana, ka tharea tee fa kaluwane ifatha Aberahamo asi maṉa ne arai naa, asi maṉa eri na kera gwalua naa, na tha God e faaroṉo nia mania.

GENESIS 21:2 Iomraidhean Croise

GENESIS 17:19

Ma tha God ka una eri, Kwaimu na ni Sera kai tharea ta wela wane ifamu mamana boo; ma oki alaṉia thatana atha Aesiki: ma nau kwai kania alaofua nau eri kai nado ifana, na alaofua na kai toto si sui, bi nia ma bia kwalafana iburiana.

GENESIS 17:21

Ma sui alaofua nau eri kwai kania kai ṉado bia tha Aesiki ṉa wane na ni Sera kai tharea ifamu asi maṉa eri na kera gwalua naa afa ṉali lo mai.

GENESIS 18:10

Ma ṉi nia ka una eri isana, Kwai oli lau mai isamu, mamana boo, asi maṉa ne farana kini nei; ma, lio fasi, kwaimu na ni Sera kai tharea kaluwane nia. Ma ni Sera, ka roṉoa ṉata lana i maana olofolo ana biui‐maku eri ne ni mai buriana.

GENESIS 18:14

Ta si do ka afetai atha Jihova? Lalae fula asi maṉa nau ku gwalua na ba, kwai oli lau mai isamu asi maṉa ne farana kini nei, ma ni Sera kai tharea kaluwane nia.

Luke 1:36

Ma rikia fasi, ina lamu na ni Elisabetha ka to lau boo ana kaluwane i kukue lana: ma madami nei ona naa madami nia neri, ai na kera alaṉia ana abaato.

Si do Aposela ki kera ilidaki 7:8

Ma nia falea alaofua eri ana kwai kakali la ifana: ma sui tha Aberahamo e tharea tha Aisaka, ma ka kwai kali ani nia ana kwaula fa boṉi; ma tha Aisaka e tharea tha Jekofo, ma tha Jekofo e tharea tee akwalee maka ma ro maka ba inao ki.

Roma 9:9

Uria si baea ana alaṉaia neri, Asi maṉa una eri lau boo afa ṉali lo mai nau kwai lae mai, ma ni Sera kai tharea ta wela wane.

Galesia 4:22

Uria na kera keda, na tha Aberahamo e alua ro kaluwane ki, tee wela iadaroa kini ni ra e tharea, ma tee wela kini inoto.

Hibaru ki 11:11

Ana fitooa ni Sera mena, talani nia, kera faasukwai nia fasi kai to ana wela si maṉa ne waro naa, sulaania manatana na nia ne alaṉai nia e mamana: