GENESIS 2:5 - Ṉa Alaofua Falu 1923 1949

⁵ Me gwalua ’ai eki sui bana i masuu si maṉa ne a’i si ni u bana i theegano, ma kaala lolo eki sui boo si maṉa ne a’i si tae u mai: uria na tha Jihova God e a’i si falea u mai dani na kai arunia fanua, me a’i ta wane si to bana sa kai ’ilia theegano.

GENESIS 2:5 Iomraidhean Croise

GENESIS 2:6

Ma sui si datha ka tae iaa faisia fanua ne i iano, ka faagwinaa maana theegano ka sui boo.

GENESIS 3:23

Sulia si kula eri tha Jihova God ka arasi nia ka lae nana faisia ra eri i Itena, kai ’ilia theegano eri ne ita mai ania.

GENESIS 4:12

Ita asi maṉa eri ka lae alaa, si maṉa oki ’ilia theegano, theegano eri ka a’i si falea sukwaia nia ifamu; ni oe ṉa wane ni thaka ka toto bana ma wane liliu i fanua na i iano.

GENESIS 4:2

Ma ruana ka tharea thasina wane eri, tha Efolo neri. Ma tha Efolo ṉa wane ni fono toi la kalia sifi; tha Kena molo, wane ni ’ili lana theegano.

Fa Ṉu Abu ki 104:14

Nia ka adea si lolo kai tagwasu ifana katele ki, ma kaala lolo ni ania ki na si do ni ra ki ifana imole; fasi imole eri kai ṉalia mai si faṉa ne tae mai faisia theegano:

Fa Ṉu Abu ki 135:7

Nia ka faataea si datha faisia si kula eki ni da faamau i la fanua na i iano; ka thauwai nia maanu ifana dani; ka talaia mai thauthau faisia si kula ni alu lana ogogonia nia ki.

Mathui 5:45

Fasi ṉa Maka kamulua ne ni mai thalo, wela nia ki na ni kamulua: uria nia kai adea thato nia kei tae ana toa na kera taa bia toa na kera lea, ma kai falea mai dani ana toa na kera kokoto bia toa na kesi kokoto.

Hibaru ki 6:7

Uria na si gano ne kuufia si dani na ka aaruṉia asi maṉa oro ki, sui ka bii faataea kala lolo ni ania na ka faalea toa eki na kera ilia si gano eri ifada, si gano na kai ṉalia lea la atha God neri: