GENESIS 16:8 - Ṉa Alaofua Falu 1923 1949

⁸ Ma nia ka una eri, Hega ae, kini ni ra ni Serai, si kula ifei no lae mai faisia? mo thathamii lae urifei? Ma kini eri ka sorea, Nau ku thaka mai faisia maana gwaulii ei nau, na ni Serai.

GENESIS 16:8 Iomraidhean Croise

GENESIS 16:1

Ma ni Serai, kwaina tha Aberamo, e a’i si thare‐wela ifana: ma ana tee thari ni ra, na thari i Ijifi, thatana ni Hega.

GENESIS 16:4

Ma nia ka ofu bia ni Hega, ma kini eri ka iana: ma kini eri ka riki nia ne iana naa, ka lio uria gwaulii ei nia, ka faare faekwa ania.

GENESIS 16:9

Ma angel tha Jihova ka soree isana, Oli kau isana gwaulii ei oe, ma oki roo suli nia ifara abana.

GENESIS 21:17

Ma tha God ka roṉoa liṉana ṉata lana wela wane eri, ma angel tha God ka ’ai thatana ni Hega faisia i thalo lo, ka una eri isana, Hega ae, si ta ne uri oe? osi mamau; uria na tha God e roṉoa naa liṉana ṉata lana wela wane nei asi kula ne to mai iei.

GENESIS 3:9

Ma tha Jihova God ka ’ai thatana tha Adam, ka una eri isana, O ni ifei?

GENESIS 4:10

Ma nia ka sorea, Si ta no ilia neri? liṉana ṉata lana ’abuna thasimu ka ’ai thataku faisia theegano.