GENESIS 12:3 - Ṉa Alaofua Falu 1923 1949

³ Ma nau kwai alua lea la ifana toa eki na kera alua lea la ifamu, kwai alua taa la fani tei ne alua taa la fafi oe: ma ani oe keki alua lea la ifana ina lana toa eki sui bana na ni fanua na i iano.

GENESIS 12:3 Iomraidhean Croise

GENESIS 18:18

Uria na tha Aberahamo ṉa maka totonao mamana boo ana kulee toa baita ma ka rigita, ma ani nia keki alua lea la ifana kulee toa eki sui bana na ni fanua na i iano.

GENESIS 18:19

Uria nau ku thaitoomana ni nia na wane na kai ṉata fifi isana kwalafana ma toa na i maafera nia iburiana, ma keki lae nada sulia tala tha Jihova, keki ilia kokoto la ma oolo la; fasi tha Jihova kai adea kai mamana fafia tha Aberahamo si ade la eri ne ṉata sulia na ba suli nia.

GENESIS 22:18

Ma kulee toa ni sui bana na i fanua na i iano, kai lea iada sulia kwalafamu, uria no ade naa sulia ṉata laku.

GENESIS 24:35

Ma tha Jihova e falea lea la baita ifana wane inoto nau; ma nia ka inoto faamau si maṉa eri: ma tha God e falea feree sifi ifana, ma aini buloka, ma si silifa, ma si golu, ma wane ni ra ki, ma kini ni ra ki, ma kamela ki, ma ase ki.

GENESIS 25:11

Ma lalae mai, buriana mae lana tha Aberahamo, tha God ka falea lea la ifana kaluwane nia na tha Aesiki; ma tha Aesiki ka to bana isana malaui kafo eri i Bia‐lahai‐roi.

GENESIS 26:29

Fasi ni oe osi ilia ta si do ne taa uri kamilia, alafana ni kamilia misi sua oe, misi ilia ta si do ne taa iamu, talitoona bana si do ne lea, ma mili arasi oe o lae ana enenoa: si maṉa eri ni oe wane na tha Jihova e alua lea la fafi oe.

GENESIS 26:4

Ma ni nau kwai adea kwalafaa oe kai oro alaa, alafana fa bubulu lo i thalo ki mai, ma kwai falea fanua nei ki sui bana ifana kwalafaa oe ki; ma ana kwalafaa oe keki alua lea la ifana ina lana toa eki sui bana na ni fanua na i iano;

GENESIS 27:29

Ina lana toa ki keki ra ifamu, ma kulee toa keki agwaoro iano isamu: oki inoto fafia dooramu kera, ma kaluwane thainamu ki keki agwaoro iano isamu: taa la kai to fafia ni tei na kai alua taa la fafi oe, ma lea la kai to fafia ni tei na kai alua lea la fafi oe.

GENESIS 28:14

Ma kwalafamu keki ’uria gegeona theegano, ma oki lae tathaa uri bali su lana thato, ma ibali tae lana, ma uri notoa ma uri mutana: ma ani oe ma ana kwalafamu keki alua lea la fafia ina lana toa eki sui bana na ni fanua na i iano.

GENESIS 30:27

Ma tha Lebana ka soree isana, Mado so riki nau ka lea, nau ku thathamia oki to si amua isaku: uria ni nau ku thaitoomana filoa na tha Jihova e alua lea la fafi nau inunufamu.

GENESIS 30:30

Uria na si do no rikidaki e ununa bana si maṉa kwasi fula u mai, ma si maṉa eri e baita alaa, ka oro faamau; ma ita asi maṉa ni nau ku fula na ba, tha Jihova ka alua lea la fafi oe: ma si maṉa eri kwai beta sulia toa i maafera nau italaaku iaṉita?

GENESIS 39:5

Ma lalae mai, ita asi maṉa eri ne alu nia ka nanao i maafera nia, ma asi do ne rikidaki ka sui bana, tha Jihova ka alua lea la fafia maafera wane eri i Ijifi inunufatha Josefa; ma lea la tha Jihova e to fafia si do ne rikidaki ka sui bana, i maafera ma i la ra.

Fa Ṉu Abu ki 72:17

Thatana kai ṉado toto si sui; thatana kai to ṉado bana ’uria lau boo thato lo: ma keki alua lea la ifana wane ki ani nia; kulee toa eki sui bana keki alaṉi nia ana wane ne lea iana.

Mathui 25:40

Ma Kiṉa eri kai luuda, kai soree isada, Mamana ku soree isamulua, Uria na mulu ilia ata wane ne faekwa asia ana dooraku nei ki, do mulu ilia ani nau.

Mathui 25:45

Sui nia kai luuda, ka una eri, Mamana ku soree isamulua, Uria na musi ilia ata wane ne faekwa asia ana wane nei ki, e ai musi ilia ani nau.

Luke 24:27

Me thafalia atha Mosesi ma porofeta ba ki sui bana, ka inifita si do ki isadaroa ana kekeda la abu eki sui boo suli nia.

Roma 4:11

Ma nia ṉalia fafuilala, na kwai kakali la neri, si do ana faaṉado lana kokoto la eri ana fitooa ne fitoo ania si maṉa ne ai kesi kwai kali nia u: fasi nia maka ana toa eki sui boo na kera fitoo, toa na kesi kwai kalida mena, fasi keki alua kokoto la fani kera lau boo;

I. Korinitha 1:30

Ma ni kamulua mulu ita mai ani nia atha Christ Jesus, na kera alu nia kai liotooa ifakulua ita mai atha God, ma kokoto la ma faaabu la, ma tae la faisikulu:

Galesia 3:16

Sui tha Aberahamo ana kera ṉata sulia si alaṉaia eki ifana, ma ifana kwalafana. E ai si sorea, Ifana kwalafana ki, ’uria sa wane oro ki; ma ’uria sa sulia tee nonii wane, Ma ifana kwalafamu, ma kwalafa eri na tha Christ.

Galesia 3:28

E ai ta Ju si ni kunei ma ka ai ta wane i Girisi, e ai ta wane na kai tona ra ma ka ai ta wane na kai tona to, e ai ta do wane ma ka ai ta do kini: uria ni kamulua sui tee see do atha Christ Jesus.

Galesia 3:8

Ma kekeda la abu eri, ne thaitoomana totonao na tha God kai ala fafia kokoto la Jenetaele ki uria fitooa, e ṉata totonao sulia si faaroṉoa lea isatha Aberahamo, ka una eri, Keki alua lea la ifana kulee toa ni sui bana ani oe.

Efesasi 1:3

Taṉo nia ne God na Lord kulu tha Jesus Christ ma Maka nia, ne alua lea la tha Spirit ka sui bana kai to fafi kulu asi do ṉa thalo ki atha Christ:

Kolose 3:11

Kula ne ai ta wane i Girisi ma ka ai ta Ju, e ai ta kwai kakali la ma ka ai ta toa kesi kwai kalida, e ai ta wane ṉata lane eeta, ma ka ai ta Sithiana, e ai ta wane na kai tona ra, ma ka ai ta wane na kai tona to: tha Christ na ṉa do ki sui bana, ma ka ni ana toa eki sui boo.

Si do na kera fatai nia 7:9

Buriana si do eki nau ku lio, ma rikia fasi, malului imole, na eta eta ka dora, ana toa ana fanua eeta ki sui bana, ma kulee toa ki sui boo ma ina lana toa ki sui boo ma toa ana ṉata la eeta ki sui bana, keki takwe inaofana do ni ono la eri ana inotoa ma inaofana ṉa Lama, fafia tooni kwakwaoa ki, ma rena niu ki ni abada;