GENESIS 1:5 - Ṉa Alaofua Falu 1923 1949

⁵ Ma tha God e alaṉia thatana lalaa la eri ana Fa Thato, ma maerodo eri e alaṉia ana Fa Rodo. Ma fanua ka rodo, sui ka dani, etana fa boṉi neri.

GENESIS 1:5 Iomraidhean Croise

GENESIS 1:13

Ma fanua ka rodo, sui ka dani; ula fa boṉi neri.

GENESIS 1:19

Ma fanua ka rodo, sui ka dani; faina fa boṉi neri.

GENESIS 1:23

Ma fanua ka rodo, sui ka dani; limana fa boṉi neri.

GENESIS 1:31

Ma tha God e rikia si do ki sui bana ne thauwanida, ma rikia fasi, ka lea faamau. Ma fanua ka rodo, sui ka dani; ona fa boṉi neri.

GENESIS 1:8

Ma si kula eri ne rerebaa faamau tha God e alaṉia thatana ana Thalo Lo. Ma fanua ka rodo, sui ka dani; ruana fa boṉi neri.

GENESIS 8:22

Afa boṉi eki na fanua na i iano kai to bana sulia, si maṉa ni afusi lana foee do ki ma si maṉa na unii do eki kai rafo naa, ma si maṉa ana gwagwaria ma si maṉa thato ka thatofifi, ma unii thato ma unii gwagwaria, ma si maṉa fanua kai dani ma si maṉa fanua kai rodo, do eki sa kai sui e a’i ka dodoloa.

Fa Ṉu Abu ki 104:20

O thauwai nia maerodo, fanua kai rodo naa: si maṉa na do maruki i masuu ki mai keki aṉo mai neri.

Fa Ṉu Abu ki 19:2

Fa thato lo ka ṉata kau uria fa thato fu, ma fa rodo lo ka fatai nia isana fa rodo fu si do ne thaitoomana naa.

Fa Ṉu Abu ki 65:8

Toa eki lau boo na kera to bada ana susui lana fanua na i iano keka mau ana do eki na ka fatai oe isada: o faaseethathalaa si kula eki ana tae lana thato ma si kula ana su lana.

Fa Ṉu Abu ki 74:16

Fa thato na ṉa do oe, fa rodo na ṉa do oe lau boo: ni oe neri no thathaia lalaa la ma thato lo.

I. Korinitha 3:13

Kamulua sui, ta wane si ei boo, keki fatai nia si ra kamulua: uria na fa boṉi eri kai fatai nia, sulaania keki fatai nia fa boṉi eri ana era; ma era eri i talaana kai ilitoona ra ta wane sa ka lea mado e ai.

Efesasi 5:13

Ma si maṉa na kera rikia si do ki sui bana e lea mado e ai, lalaa la eri kai fatai nia: uria si do na ka tala fatai nia si do ki sui bana na ṉa lalaa la.

I. Thesalonika 5:5

Ni kamulua sui mulu kaluwane lalaa la ki, ma kaluwane ṉa thato ki: kulu do ana gaufai e ai, ma do ana maerodo ka ai;