GENESIS 1:1 - Ṉa Alaofua Falu 1923 1949

¹ Ana thafali lana si do ki tha God e thauwai nia thalo lo ma fanua ne i iano.

GENESIS 1:1 Iomraidhean Croise

Nehemiah 9:6

Tha Jihova na ni oe, talifili oe italaamu; o thauwai nia thalo lo ma fanua eki fafia thalo lo ki, bia omea baita kera ki sui bona, fanua na i iano ma si do ki sui boo na ni fafona, amali eki ma si do ki sui boo na ni laala, ma ni oe neri noko lio sulaania si do eki sui bana; ma omea baita i thalo lo keka faare baita iamu.

Fa Ṉu Abu ki 102:25

Ni oe o boaa fanua na i iano u mai inao; ma thalo lo ki o ra ania ana ro aba oe ki.

Fa Ṉu Abu ki 104:24

Jihova ae, ra oe e oro eeta kwailiu! ana liotooa oe o thauwai nia si do eki sui bana: fanua na i iano ka funu ana inotoa oe.

Fa Ṉu Abu ki 104:30

O arasia mai Spirit oe, nia ka thauwanida: ma oko faafaalua lau maana fanua na i iano.

Fa Ṉu Abu ki 115:15

Lea la ka to fafi kamulua ita mai atha Jihova ne thauwai nia thalo lo ma fanua na i iano.

Fa Ṉu Abu ki 121:2

Adomi laku ka lae mai atha Jihova, ne thauwai nia thalo lo ma fanua na i iano.

Fa Ṉu Abu ki 124:8

Adomi lakulua la ni ana thatana tha Jihova, ne thauwai nia thalo lo ma fanua na i iano.

Fa Ṉu Abu ki 134:3

Tha Jihova kai alua lea la fafi oe ita mai Saeono; ni nia neri ne thauwai nia thalo lo ma fanua na i iano.

Fa Ṉu Abu ki 136:5

Ani nia ne thauwai nia thalo lo ki sulia liotooa nia: uria na tatakomia nia ka toto si sui.

Fa Ṉu Abu ki 146:6

Ne thauwai nia thalo lo ma fanua na i iano, amali, ma si do eki sui bana na ni iei; nia na kai abula toto si sui asi abula la ne mamana:

Fa Ṉu Abu ki 33:6

Tha Jihova e thauwai nia thalo lo ki ana bae lana; ma omea baita ni sui bana e ni ania ana ufi lana fokona.

Fa Ṉu Abu ki 33:9

Uria na ni nia e bae, ma kera bii ade sulia bae lana; ni nia e ṉata fifi, ma fanua na i iano ka takwe ṉado bana.

Fa Ṉu Abu ki 8:3

Si maṉa ni nau ku manatatoona thalo lo oe, no thauwanidaki ana tafe kukuu oe ki, madami ma bubulu lo no aludaki ka ṉado;

Fa Ṉu Abu ki 8:4

Na ta ne ni ana imole, fasi oki onotoona? ma kaluwane imole, fasi oki thai suli nia?

Fa Ṉu Abu ki 90:2

Asi maṉa na gwa tolo lo ki e a’i kesi futa u mai, asi maṉa ba nosi thauwai nia u theegano ma fanua na i iano, o toto asi maṉa u mai inao, lalae ka fula asi maṉa ni u ki mai ka toto si sui, tha God na ni oe.

Fa Ṉu Abu ki 96:5

Uria na god eki sui bana ana ina lana toa eki na ṉa nunui do ki: tha Jihova ana e thauwai nia thalo lo ki.

Mathui 11:25

Asi maṉa eri tha Jesus e luua, ka sorea, Nau ku sore lea iamu, Maka ae, Lord ana thalo lo ma fanua nei iano, uria na thaufunia si do eki faisia toa liode too ma toa manatade kali, mo fatai nia isana wela aabu ki:

Mako 13:19

Uria na afa boṉi eki unii fualaṉa toto kai fula, si do una eri e ai si fula u too ana thafali lana thauwaia na tha God e thauwai nia ka fula asi maṉa eri, ma sa ka fula lau e ai.

Si do Aposela ki kera ilidaki 14:15

Keko una eri, Thaa wane ae, uria ta na mulu ade una eri? Kamarea imole ki ’uri kamulua lau boo, na mere ṉalia mai si faaroṉoa lea ifamulua, fasi muki akele faisia si do eki ne ai si kwaiadomi uria ṉa God maruki, ne thauwai nia thalo lo ma fanua nei iano ma ṉa amali, ma si do ki sui bana ana do eki:

Si do Aposela ki kera ilidaki 17:24

Ṉa God ne thauwai nia fanua nei iano bia si do ne ni iei ki sui bana, uria ne Lord ana thalo lo ma fanua nei iano, e ai si to ana biu na kera thauwanidaki ana abee imole;

Si do Aposela ki kera ilidaki 4:24

Ma ni kera, si maṉa na kera roṉoa, keka ṉata lalaa uria tha God ana tee si lio, keka sorea, Lord, oe God no thauwai nia ṉa thalo ma fanua nei iano ma ṉa amali, ma si do ki sui bana nai kula eki:

Roma 11:36

Uria si do ki sui bana ita mai ani nia, ma ka uri nia, ma ani nia. Keki fare inoto ani nia toto si sui. Emeni.

I. Korinitha 8:6

Sui ifakulua tee God boo, ṉa Maka, ne futaṉai nia si do ki sui bana, ma ni kulu kuka to ifana; ma tee Lord boo, na tha Jesus Christ, na si do ki sui bana ka ita mai ani nia, ma ni kulu ita lau bomai ani nia.

Efesasi 3:9

Ma kwai fatai nia isana wane ki sui bana si do na kera takofale nau ania ne toto thaufuni ita asi maṉa nai nao ki ka fula asi maṉa eri ni atha God ne thauwai nia si do ki sui bana atha Jesus Christ;

Hibaru ki 1:10

Ma, Ni oe, tha Lord, ana thafali la mai o boa fanua nei iano, Ma thalo lo ki o ra ana ro aba oe ki ania:

Hibaru ki 1:2

E ṉata isakulua ana susui lana fa boṉi eki ana Kaluwane nia, ne alua kai inamaruki ani nia asi do ki sui bana, nia ne thauwai nia lau boo fanua baita alilia eki ani nia;

Hibaru ki 11:3

Ana fitooa kulu thaitoomana i manatakulua na kera thauwai nia fanua baita alilia eki sulia bae lana tha God, adedea si do na kera rikia kesi thauwai nia asi do eki ne to fatai.

Hibaru ki 3:4

Uria na biu eki sui, ta do si ei, ana wane ne kasia; ma nia ne thauwai nia si do ki sui bana na tha God.

II. Pita 3:5

Sulaania kera lalakwee onotoona si do eri, na thalo lo ki e to mai dini u mai inao, ma fanua nei iano na kera thauwai nia ka to boo i thara ma i la kafo, sulia bae lana tha God;

I. Jone 1:1

Si do ne to bana ita ana thafali la mai, si do na mili roṉoa, si do na mili rikia ana maamilia, si do na mili lio sulaania, ma ro aba kamilia ki e suana, sulia ṉa Baea ana marukia

Si do na kera fatai nia 10:6

Ma ka othi ani nia na ka toto si sui, ne thauwai nia ṉa thalo ma si do nai thalo ki, ma fanua nei iano ma si do nai fanua nei iano ki, ma amali ma si do nai amali ki, na kesi totoo lau fafia:

Si do na kera fatai nia 14:7

Ma nia ṉata baita ka sorea, Muki mau atha God, ma muki fare inoto ani nia; uria si kadee maṉa ana kotu baita nia e fula naa: ma muki faabaita nia ne thauwai nia ṉa thalo ma fanua nei iano ma ṉa amali ma ruka‐mauri ki.

Si do na kera fatai nia 21:6

Ma nia ka soree isaku, Si baea eki e mamana naa. Nau ṉa Alafa ma ṉa Omega, ṉa thafali la ma ṉa susui la. Nau kwai tona falea ana ruka‐mauri asi kafo ana marukia ifana wane lione lalaṉa.

Si do na kera fatai nia 22:13

Nau ṉa Alafa ma ṉa Omega, totonao ma iisi, ṉa thafali la ma ṉa susui la.

Si do na kera fatai nia 3:14

Ma oki keda isana angel ana figua nai Laodisia; Si do eki ṉa Emeni e sorea, nia ne fitoo ma mamana ana faamamane lana si do ne thaitoomana, nia na si do na tha God e thauwanidaki sui bana ita mai ani nia:

Si do na kera fatai nia 4:11

Lord, o farana ṉali lana inotoa ma fare baita la ma sukwaia: sulaania o thauwai nia si do ki sui bana, ma uria no thathamia kai fula, ka fula, ma keka thauwai nia.