Luke 9:7 - To'abaita Scripture NT

⁷ Ma 'ana si manga 'eri la'u bo'o, tha Herod Antipas na wane 'inoto 'i Galili, 'e rongoa u'unua sulia doo ki na tha Jisas 'e ilia. Ma manatana ka isifuufuli, sulia tei imole ki kera sore'a tha Jon Thababtis na 'e maruki la'u mai,

Ṉa Alaofua Falu 1923 1949

⁷ Ma tha Heroda ṉa kiṉa e roṉoa si do eki sui bana na nia e ilia: ma manatana ka nai rua, uria tei toa kera sorea na tha Jone e tatae faisia toa mae ki;

Luke 9:7 Iomraidhean Croise

Luke 13:31

Si manga 'eri la'u bo'o tei Farasi ki, kera lae mai sana tha Jisas ma keka sore'a 'i sana, “lae fasi kula ne'e, 'oko lae 'amu'a ta kula 'ee'eta sulia tha Herod 'e thathami thaungi 'oe.”

Luke 21:25

Ma maamalafoa 'ee'eta ki kai fuli 'ana thato, madami ma buubulu loo ki. Ma fafo fanua nai iano, ma 'ana kula ki keki isifuufuli ma keka ma'u 'ana kuruulana ma sulatata'elana 'amali.

Luke 23:7

Si manga na nia 'e thaito'omana Jisas 'e nii faara na suukwa'ia tha Herod, nia ka falea keki ngalia tha Jisas sana tha Herod, sulia nia 'e nii la'u bo'o 'i Jerusalem 'ana si manga 'eri.

Luke 3:1

'Ana taafulu ma limafa ngali na tha Taebirias 'e Sisa, tha Pontias Paelat ka 'inoto faafia Jiudia, ma tha Herod ka 'inoto faafia 'i Galili, ma tha Filip na do'orana ka 'inoto faafia 'i 'Iturea bia 'i Trakonaetis, ma tha Lisanias ka 'inoto faafia 'i Abilin.

Luke 9:19

Kera lu'ua keka 'una 'eri, “Tei wane kera sore'a 'ada 'oe tha Jon Thababtis, tei to'a sore'a 'ada 'oe tha Ilaeja sui tei wane ki la'u keka sore'a 'ada ta wane 'ana profet baa ki 'i na'o mai na 'e maruki la'u mai.”