Luke 6:27 - To'abaita Scripture NT

²⁷ “Sui ku sore'a famalu'a imole na mulu rongoa ba'elaku, muka liothau 'ana ma'alimae kamalu'a ki, ma muka ade le'a ura imole ki na kera su'alanga'i kamalu'a.

Ṉa Alaofua Falu 1923 1949

²⁷ Ma nau ku soree isamulua, toa na muki roṉoi, Muki liothau ana maalimae kamulua ki, muki ade lea ana toa na kera riki kamulua ka taa,

Luke 6:27 Iomraidhean Croise

Luke 23:34

Jisas ka sore'a, “Maka, manatalube kera, sulia kera dora 'ania taa na kera ilia.” Ma keka thatho 'ana daisi uria maku nia ki.

Luke 6:22

'E le'a famalu'a si manga na imole ki kera lalakwata'i kamalu'a, keka kwalangi kamalu'a, keka ngata labata'i kamalu'a, ma keka su'a 'ani kamalu'a nunufana Kaluwane imole.

Luke 6:35

A'i, muka liothau 'ana ma'alimae kamalu'a ki, ma muka ade le'a fada, ma muka fale doo ma a'i musi ma'asia la'u keki du'ua. Mada sa muka ade 'una 'eri, na kwaiaraa kamalu'a kai ba'ita, ma muki abula mala maka kamalu'a tha God na 'e 'inoto ka tatha. Sulia nia 'e ade le'a fana imole ta'aa ki ma imole ki na birangada si le'a.

Luke 8:15

Ma mige'e doo ki ne 'asia 'i laa na tha'egano na 'e le'a, 'e 'uria imole ki na ruuru'uda 'e kokota ma ka le'a, si manga na kera rongoa ba'elana tha God keka taingania, ma 'ana suusu'ulaa keka fungu 'ana fo'e doo.”

Luke 8:18

“Adelana bo'o muki manata fiifii 'ana fafurongolaa kamalu'a. Tei na kera too 'ana tei doo ki, keki fale la'u fada. Sui tei kera na a'i kesi too 'ana ta si doo, si doo kera sosa 'ada kera too mena 'ania, keki ngalia fasida.”

Luke 8:8

Ma tei mige'e doo ki, keka 'asia la'u bo'o 'i laa na tha'egano le'a, ma keka bulao, ma keka fungu 'ana fo'edoo na 'e 'oro 'asia na'a.” Ma si manga na tha Jisas ba'e 'una 'eri ka sui, nia ka 'ai ka 'una 'eri, “Mada sa ta imole ka too 'ana alinga ura rongolaa, 'oki rongo mai.”