Luke 5:1 - To'abaita Scripture NT

¹ Te'e fa thato, tha Jisas 'e takwe ka to'odoo ninimana 'amali 'eri 'i Galili, ma imole 'oro ki keka beresi nia fasi keki rongoa ba'elana tha God.

Ṉa Alaofua Falu 1923 1949

¹ Ma lalae mai, si maṉa na toa eki keka beresi nia fasi keki roṉoa bae lana tha God, nia kai takwe sula amali i Genesarete;

Luke 5:1 Iomraidhean Croise

Luke 12:1

'Ana si manga 'eri la'u bo'o, te'e ofufua 'ana malulu'i wane kera figu mai, adedea keka urida kwailiu na'a. Ma tha Jisas ka thafali ba'e tooto'ona'o 'una 'eri ura disaebol nia ki, “Muka fiia na iisi 'aina Farasi ki na abulalaa 'ana kwaiilifa'ilaa sulia kokotolaa.

Luke 5:2

Ma nia ka rikia roo baru na wane ni dee ki kera 'akwasia ka too bana 'i malitakwa, ma keka ta'ufia ada na furai kera ki.

Luke 8:22

Te'e fa bongi, tha Jisas bia na disaepol nia ki, kera ta'e 'i laa te'e baru, sui nia ka ba'e 'una 'eri 'i sada, “Kulu lae fasi ura bali 'amali lakoo.” Ma keka abula keka lae.

Luke 8:23

Ma si manga kera lae na'a, tha Jisas ka biinga 'ana. Ma kuburu ba'ita ka to'o, ma luulua ki keka kwa'e na mai laa na baru 'eri, maka adea baru 'eri karangia kai thuthu bona'a.

Luke 8:33

Ma keka thaka mai maa fasia wane baa, ma keka kothofia na'a kare'e botho 'eki te'efau. Ma botho 'eki te'efau keka fita na'a sulia ilifau 'eri ma keka igiliu te'efau ura laa na amali, ma keka lola, ma keka mae te'efau.

Luke 8:45

Tha Jisas 'e soeto'oda ka 'una 'eri, “Tei na sua nau kau?” Ma konia 'eri laula'u keka tofe. Tha Pita ka ba'e 'una 'eri, “Wane 'inoto 'ae, imole 'oro ki na kera beresi 'oe ne'e.”