Luka 16:15 - Vame

¹⁵ Yesu dzəktəna, wa: «Kwene kwa gɨl ŋa kwan ba ka kwa ɗa jire apə aray ɗaha hay‑a, amá Askwaf ga, səna a igə a bembec hay kwan de. Aɗaba igə ɗaha hay ɗa ceciya apə iduwuna ka saŋa, a ma s'Askwaf de ba ka itsatsəɗiya ba.»

Luka 16:15 Iomraidhean Croise

Luka 10:29

Amá wuran sahan gus gəɗilka ŋa ene ɗu jire, dzakəna a Yesu, wa: «Wiya wuran ɗu gə ma caca sahan?»

Luka 11:39

Mezlene Ɗuduwuna dzakəna, wa: «Kwa Farisa hay ga, kwa bunpəna dəɓa kwap hay kwan atə i ɓahan hay kwan, amá i tənday‑a ga, kwa ruhwaka al akar atə i zlasaw tsəre.

Luka 18:11

Humas Farisa saŋa slabakakude, takənmandar‑a a gə maduwa a bembec ene de, wa: “Askwaf hwa, əŋ sləkəɗək me aɗaba ma gərgəra atə ɗa s'iŋgeɗe gə wutan akar hay, sləra tan ba gə ɓutsam tsəre, atə gwardzire saŋa, adəɓa kini ma gərgəra atə ɗu maməsl hadama gə na wuran saŋa.

Luka 18:14

Yesu, wa: «Na əŋ dzakuna: A aŋəde ɗa huke ala adaw saŋa, ba dagwa sahan aŋa Askwaf gəkəlka ɗu jire, aŋade a humas Farisa. Aɗaba ɗu gə abə pakənŋakude a ŋa ene ga, à ɗá kaɓənka, amá ɗu gə abə kaɓika ŋa ene ga, à ɗá panŋakude.»

Luka 18:21

Dagwa ane, wa: «Ahan ba cecena əŋ kutika ba kwa ada kine ka.»

Luka 18:9

Wuran ane dzəktəna araja saŋa adəɓa a ɗa gə ɗa cece ŋa tan wa ma ɗa jire, ɗa nenik ɗa s'iŋgeɗe saŋa, wa:

Luka 20:20

Mezlene ɗa takənmandar‑a a ɗəgəm Yesu. Ɗa slənəkpan ɗa s'iŋgeɗe, ɗa sahan ɗa gəkəlka ŋa tan ba ka ɗa jire. Ɗa gwasək bərɗika apə me‑a, ta ɗa məkina a guverner gə hakuma a alay de ayina saŋa a nda sheriya ene.

Luka 20:47

Ɗa pe wudəge hay hər hay apə adaw‑a. Ɗa kət maduwa hay tan duna, gəni ɗaha hay ɗá tsatəna. Aɗaba sahan, sheriya duwuna ǎ njɨtan.»