Sansandek Pol mar tonan uliq Rom-ub lahta 3:3 - God ago maror muturta agamukan

³ Helmo Juda asor gamuk na anan helmo a hi haqayta. Teq i ezaq haqam? Juda mataw na God ago gamuk a hi muzinsa God in ago gamuk na a hi muzindaqmo haqam e?

Sansandek Pol mar tonan uliq Rom-ub lahta 3:3 Iomraidhean Croise

Matyu 24:35

Kait og inaq teq tihiqiydaqta ham. Ari yaqgo gamuk ka a hi hiqiydaq ham.

Yesus awagamun Jon mar tonta 1:16

Teq mat nawa Jon anan bilamta na in agem dimunta igad gamuk helta gibilenaqta na aholib ame gwalad usim wazbalim i gimalib woqaqta. Woqsa in aholib daq dimdimunta usaqta na amalib in i bunmo tigidimun tonaq. Gidimun tonsa i daq dimdimunta na loyinsa in nagah mebmebmo God igta na uriyam bugaq.

Sansandek Pol mar tonan uliq Rom-ub lahta 10:16

Ta teq Isrel on mataw in Yesus awagamun dimunta na tuhuritiyta teq in gigo asor kabemmo wagam na a hi muzinayta. In gamuk Aisaya bilamta nazaq diq emayta. Gamuk na bilam, Iyahta ham, i ningo gamuk bilaqsa mat araq diq anan helmo a hi haqaqta ham. Aisaya 53.1

Sansandek Pol mar tonan uliq Rom-ub lahta 11:29

Na ezaqgo God in on mataw gidimun tonnan haqad gitowun emeq teq in anad na in gigo hib nazaqmo tuqus tutdaq. Us tutsa in anad buliyad anad ta araq muturta a hi em negdaq.

Sansandek Pol mar tonan uliq Rom-ub lahta 9:6

Tutimmo ya isenlul na Krais gileh ugsa ya in ginan inad diq meqniyaqta. Teq ya inad emaiq, God Isrel on mataw gidimun tonnan bilamta agamukan na le saman diq a hi iyaqta haqaiq. Na ezaqgo Isrel bunmo in God ago on matawta iyim a hi osayta.

2 Korin 3:18

Bugaw Dimunta nazaq emsa i bunmo ginobun samanmo tubusan haiqmo usad Iyahta ahol anuwanib oyaqta, bilaqne mataw i gibiyad in Iyahta anobun galas-ib ahol waq nog iyayta. Iyahta inmo Bugaw. Teq in nazaq i gihol buliysa i giwaqan bilaqne in awaqan nog iysa i gihol abin na inaqmo buliyad dimun diq tiqiyaqmo.

2 Tesalonaika 1:3

I gimaqbaban, tutimmo i ne ginan God esey ugad daq na i a hi hulosamta. I nazaq emamta na in dimun diq. Na ezaqgo ne ginad helmo haqayta na in awaz timeqniyaq. Ad ne bunmo an anan ginad bilaqsa ossa ne gigo daq na ne gilikmanib ayah tiqiyaqmo.

2 Timoti 2:13

Teq i ginad buliyeq i gigo gamuk helta in bulonta na i a ta hi muzinsa in i gigo hib daq nazaq a hi emdaq. Inmo gamuk helta i gibilanta na tumuzin tutdaq. Na ezaqgo inmo ago gamuk in bilamta na in a hikidik hulosdaq.

Hibru 4:2

I God ago gamuk dimunta tuwawta. Teq kwaziqmo Isrel in God ago gamuk dimunta tuwaqiytamo. Ta teq in gamuk na huritim anan helmo a hi haqan gamuk na a hi gilumsih.