Sansandek Pol mar tonan uliq Rom-ub lahta 1:1 - God ago maror muturta agamukan

¹ Yaqmo Pol, ya Krais Yesus ago kabibiy mat araq. Inmo ililewunan ya Aposel gwahtiyta. Teq in on mataw gimen dante amta agamukan dimunta na ya bilaqdaiq haqad in ya itowun eman ya God ago gamuk naqmo bilaqgo iyim osaiqta.

Sansandek Pol mar tonan uliq Rom-ub lahta 1:1 Iomraidhean Croise

Yesus awagamun Mak mar tonta 1:14

Ari mataw in Jon wazim bit giqirquran osaytab eman ossa teq abeb Yesus saw Galiliy-ib gwahtiqim God ago gamuk dimunta on mataw tigibilenyaq.

Yesus awagamun Jon mar tonta 12:26

Mat aw nog yaqgo kabiy emnan ginad bilaqaqta na in ya imuzeq tubol daqay ham. Ad uliq ya osaiqta nab in tuqos daqaymo ham. Osad in yaqmen kabiy emsa Gimam Iyah in gibin tiqiluwdaq ham.

Yesus awagamun Jon mar tonta 15:15

Kabibiy mat ago ayahta daq emsa in daq na alulin a hi hurit kemaqta ham. Teq ne nazaq a haiq ham. Ya imam ago hib gamuk bunmo huritta na ya ne tigibilen bug ham. Nazaq iyan ya ne ginan yaqgo kabibiy mataw nazaq a ta hi bilaqdaiq ham. Muran ya ne ginan ya iyognizmo diq tibilaqaiq ham.

Yesus awagamun Jon mar tonta 15:20

Teq on mataw God gileh ugayta na in ya ibaymuzad imeqin toneq in ne gibaymuzad gimeqin ton daqaymo ham. Ari on mataw yaqgo gamuk huriteq in ne gigo gamuk tuhurit daqaymo ham. Nazaq iyan ya mebmebmo ne gibilenim bilay, Kabibiy mat in ago ayahta a hi itiyondaq hayta na ne anadin emiy ham.

Aposel 13:9

In nazaq emsa Sol, in anan araq Pol haqayta na, in God ago Bugaw Dimunta ago zaway aholib ayah diqmo loyinad in Elimas ahol waninunadmo tubulon, Satan atatin ham ni daq dimunta ababun ham. Daq katiyta bunmo teq daq meqinta bunmo ni niholib oy soqotim giqusaqta ham. Tutimmo ni Iyahta ago dan titnonta na eman kok tonaq ham. Teq ni daq na a hi hulosdaq e? ham.

Aposel 20:24

Teq ya ihol eman danmeb a hi iyaq ham. Ya moqnan a hi rabaiqta ham. Haiq ham. Ya dan muzaiqta naqmo ya tumuzdaiq ham. Ya inad amulikmo usaqta na ya Iyahta Yesus kabiy yagta na tiqem bugnan haqaiq ham. Teq yaqgo kabiy na ya God agem dimunta on mataw negim in gimen dante amta naqmo ago ya bilaqad luwaiqta ham.

Aposel 21:40

An bab mat danmebta na dimunmo haqan Pol nab kaban afaqinib turad in aben wazan eraqan on mataw giqez tihiqiyiy. Giqez hiqiyan in Hibru nanib gibilenim kazaq bilam,

Aposel 22:21

Haqan in kazaq ya ibilan ham. Ni leh haqad in bilam ham. Ya niqemid ni on mataw en ta asor Juda a haiqta nagan uliq pesantab osayta na gigo hib tilehdaq haqad in bilam ham.

Aposel 22:7

Sa ya ogib woqim usad mat araq aqez kazaq ibilensa ya hurit ham. Sol, Sol ham nagaqgo ni ya imeqin tonaq? haqad in bilam ham.

Aposel 26:1

An Agripa in Pol bulon, Ari ham. I ban tinigauq ham. Ni ningo nan bilaq ham. Haqan Pol aben wazan eraqan in ago bab gigo gamuk amenin emim bilam,

Aposel 26:14

Oysa i bunmo ogib woqim tuqus ham. Sa mat araq aqez Hibru nanib kazaq ibilensa ya hurit ham. Sol, Sol ham nagaqgo ni ya imeqin tonaq? haqad in bilam ham. Ni ay ame inaqta na nisenab bay ronad ni ninmo nihol santitiy ugaqta haqad in bilam ham.

Aposel 27:23

Ya God ago matta iyim ya in ago kabiy emaiqta ham. Inmo ago angelo araq irimo taromab ya igerab gwahtiqim turad kazaq ibilan ham. Pol ham ni hi rab haqad in bilam ham. Ni leheq Sisa anognib titurdaq haqad in bilam ham. Ad ni hurit ham. Mataw bunmo ni nenaq muyib osayta na ham God tinigan kamis gineqid a hi moq daqay haqad in ya ibilan ham.

Aposel 9:15

Haqan haiq. Iyahta kazaq bulon, Ni leh ham. Ya mat na ulumim waqan in yaqgo kabibiy mat tiqiy ham. In leheq on mataw en ta asor Juda a haiqta nagan teq maror aseseqta teq Isrel on mataw inaqmo gigo hib in ya inan tigibilendaq ham.

Sansandek Pol mar tonan uliq Rom-ub lahta 1:16

Yesus awagamun dimunta naqmo in God ago zaway awaz meqinta in amalib on mataw gilumsihim giwaqim ban dimuntab giqemaqta. Nazaq iyan ya Yesus awagamun dimunta na bilaqad imebay a hi woqaqta. Wagam na Juda on mataw gimen danmeb gwahtiqim teq in ta on mataw en ta asor Juda a haiqta nagan inaqmo gimen gwahtimtamo.

Sansandek Pol mar tonan uliq Rom-ub lahta 1:5

Teq ya Yesus Krais anan helmo haqan God agem dimunta yagad Aposel akabiyan ya ibenab amta. In anad ya kabiy na emsa on mataw en bunmo gilikmanib kabemmo God anad muzinad Yesus anan helmo haqsa Yesus abin ayahmo diq iydaq haqad in ya iwaqim kabiy nab iqamta.

Sansandek Pol mar tonan uliq Rom-ub lahta 1:9

Ya God ago kabibiy mat iyim ya in atatin Yesus awagamun dimunta akabiyan emad ya kabiy na ihol bunmo ugaiqta. God ya ibiysa ya helmo bilaqaiq. Tutimmo ya ne ginadin emad ne gimen God bulonaiqta. Bulonad sirisirimo ya susumun ugaiq, Ni ninad bilaqid teq ni yaqyon dan wastitayid ya Rom gigo hib lehiq haqaiq.

Sansandek Pol mar tonan uliq Rom-ub lahta 11:13

Ari muran ya ne on mataw Juda a haiqta na tigibilennan. God ya iqeman ya on mataw en ta asor Juda a haiqta nagan gigo Aposel iyta. Iyim in kabiy ya ibenab amta na abin ya tutimmo iluwaiqta.

Sansandek Pol mar tonan uliq Rom-ub lahta 15:16

In ya itowun eman ya Krais Yesus ago kabibiy mat iyim ya on mataw en ta asor Juda a haiqta nagan gilikmanib in ago kabiy emaiqta. Kabiy emad ya on mataw en amo amo na gigo mat tamaz emaqta nog iyim ya in gigo hib God i gimen dante amta agamukan dimunta na gibilenaiqta. Gibilensa Bugaw Dimunta in on mataw na asor giqemid in God ago on mataw tawon diqta iyid teq ya in giwaqeq tamaz nog God ugid in gibiyad anad tidimniydaq haqad ya kabiy emaiqta.

Sansandek Pol mar tonan uliq Rom-ub lahta 15:29

Ad ya inad emaiq, Ya ne gigo hib gwahtiqdaiqta nab Krais anad dimunta i gimalib tuwoq bugdaq haqaiq.

Sansandek Pol mar tonan uliq Rom-ub lahta 16:18

Mataw nazaq emayta na in i gigo Iyahta Krais ago kabibiy mataw a haiqta. Haiqgam. Mataw na in giholmo anad ago kabibiy matawta iyim osayta. Osad in gamuk ahurit dimunta haresmo bilaqad in gigo soysoy amalib on mataw ginad sosilta na kat negad gihureqayta.

Sansandek Pol mar tonan uliq Rom-ub lahta 16:25

Ari i God abin iluwuq. Ne yaqgo gamuk dimunta Yesus Krais awagamun ya bilaqaiqta na anan helmo haqsa teq God ne giqemid ne gamuk na amalib zaway iyeq titur daqay. Gamuk na in God ago anad ulilemabta agamukan naqmo. Teq gamuk na ulilemim kam sisaq diqmo usta.

1 Korin 1:1

Ari yaqmo Pol, God-mo anad bilaqan in ya ililewunan ya Krais Yesus ago Aposel iyta. Ya imaqbab Sostenes inaq i giger sansandek ka mar tonim ne God ago on mataw uliq Korin-ib Yesus ago nan huritad osayta na gimen eman leh negaq. God ne giwaqid ne in ago on mataw tawonta iyeq os daqay haqad in ne gililewunta. Gililewunan ne Krais Yesus ago hib soqotim osad God ameb ne tawon diq iyim osayta. Teq ne gimomo a haiq. Og saw bunmo on mataw i gigo Iyahta Yesus Krais in gilumsihgo lilewunayta na bunmo in ne nenaqmo God amomo ago diqta iyim osayta. Na ezaqgo Yesus in on mataw en ta asor na gigo Iyahta iyim osad in i gigo Iyahta iyim osaqtamo.

1 Korin 9:1

Ne ya inan ginad ezaq emay? Ya samanmo inadib a hi luwaiqta ye? Ya Aposel a haiqta ye? Ya i gigo Iyahta Yesus ahol a hi wayta ye? Iyahta ago kabiy ya emaiqta na ne giholib anon a hi amta ye?

2 Korin 1:1

Ari yaqmo Pol. God-mo anad bilaqan ya Krais Yesus ago Aposel iyta. Ya imaqbab Timoti inaq i sansandek ka ne God ago on mataw Yesus ago nan huritad uliq Korin-ib osayta na teq saw Akaya-ib God ago on mataw tawonta na bunmo gimen sansandek ka i mar tonim eman leh negaq.

2 Korin 11:5

Ne gilikmanib mataw asor in gimo gihol anan bilaqay, I Aposel bunmo giquriyamim danmebmo diq osauq haqayta. Teq ne huritiy. Ya mataw na gihaqenib a hi osaiqta.

2 Korin 11:7

Ne ginad emiy. Ya God ago gamuk dimunta na ne gigo hib a lehim gibilenad ya anawun araq anan a hi bilayta. Teq ya ne gibin wazan eraqsa ya ihol wazan womta na ya daq meqinta em e?

2 Korin 12:11

Ya mat agadanta gamuk bilaq nog tiqiy. Teq negmo ya igem wizan ya gamuk nawa na tibilayta. Negmo ya ibin dimunta na bilaq nagiyta. Teq ne a hi bilaqan iyan yaqmo ihol abin tibilay. Helmo ya mat ibin haiqta teq ya mataw nawa ne ginan Aposel danmeb diqta haqayta na gihaqenibta a haiq.

2 Korin 2:12

Ari ya Krais awagamun dimunta bilaqnan haqad uliq Trowas-ib le tugwahtiqan Iyahta yaqmen dan hasan ya gamuk bilaqgo adanteqin inaq tiqiyta.

2 Korin 4:5

Mataw i gibin iluwad gimuzingo aqad i a hi gibilenauqta. Haiqgam. I bilaqauq, Yesus Krais-mo in i bunmo gigo Iyahta haqauq. Ad Yesus-mo i giqeman i ne gigo kabibiy mataw iyim osauqta haqauq.

Galesiya 1:1

Yaqmo Pol, ya Aposel araq. Teq mat diq araq ya itowun eman ya Aposel gwahtiqim a hi luwaiq. Haiqgam. God Yesus Krais hodhodab wazan eraqim in Amam inaq kabiy na yagiyta.

Efesus 1:1

Ari yaqmo Pol. God-mo anad bilaqan ya Krais Yesus ago Aposel iyta. Ya sansandek ka God ago on mataw tawonta uliq Efesus-ib Krais Yesus ago nan huritad muzinayta na gimen mar tonim eman leh negaq.

Efesus 1:13

Ari ne on mataw Juda a haiqta na, ne inaqmo Yesus awagamun dimunta na tuhuritiymo. Ne God ago gamuk helta na huritim ginad emiy, God i inaqmo tigiwaqdaq haqad ne Krais anan helmo tihaqiy. Haqad ne Krais inaq soqotim ossa God in ago Bugaw Dimunta ne tinag, in ago on mataw bunmo negnan hel diqmo bilamta nazaq. Negan ne ginad emay, Helmo, i God ago on matawmo diq tiqiyim osauqta haqay.

Efesus 4:11

Teq in ago on mataw naw amo amo kazaq nagta. Mataw asor in Aposel akabiyan nag. Sa asor in God ago nantut akabiyan nag. Sa asor in uliq-uliqgo luwad Yesus awagamun dimunta on mataw gibilengo akabiyan nag. Sa asor in God ago sipsip giwamuzgo akabiyan negad in mataw asor God ago gamuk asuleqin bilaqgo akabiyan nag.

Filipay 1:1

Yaqmo Pol ya iyow Timoti inaq i giger Krais Yesus ago kabibiy matawta iyim i sansandek ka mar tonim eman uliq Filipay-ib God ago on mataw tawonta Krais Yesus inaq soqotim osayta na teq in gigo mataw danmebta na teq in gigo kabibiy matawta nagan bunmo gigo hib lehaq.

Filipay 2:11

Ad in bunmo bilaq daqay, Yesus Krais in Iyahta haq daqay. Haqsa Amam God abin ulilibmo diq gwale tuqusdaq.

Kolosi 1:1

Ari yaqmo Pol. God-mo anad bilaqan ya Krais Yesus ago Aposel iyta. Ya imaqbab Timoti inaq i giger sansandek ka God ago on mataw tawonta uliq Kolosi-ib osayta na ne gimen mar tonan lehaq. I bunmo araqibmo Krais aholib soqotim inaq osad iyan ne i gimaqbabmo diq iyim osayta. Osad ne Krais ago gamuk muzinad gituw a hi hiqiyayta. I Gimam God agem dimunta negad in ne gigem emid midemeqmo usan.

Kolosi 1:25

God ya itowun emim kabiy yagan ya Krais ago on mataw gigo kabibiy mat iyim osaiqta. Ossa in anad ya ne inaqmo gilumsihdaiq haqad in kabiy na ya ibenab eman ya in ago gamuk bunmo ne gibilenaiqta.

1 Tesalonaika 2:2

Teq i ne gigo hib le a hi gwahtiqadmo i uliq Filipay-ib osad afaqan ayahta sorta na ago ne tuhuritiymo. Mataw uliq nabta na in i gibilawunad teq in i gimeqin diq ton yaqay. Ta teq i gigo God in i gigem ulumsih naqmo hiqiysa i bab girabunad gihol a hi hureq has. Haiq. I giwaz diq meqniyim ne gigo hib tileh. Lehan ne gigo uliqab mataw asor nazaqmo i gibaymuzsa i na ago a hi bilaqad God i gimen dante amta agamukan dimunta na i ne tigibilenmo.

1 Tesalonaika 2:8

I ne ginan ginad diq bilaqaqta. Nazaq iyan i Yesus awagamun dimunta God igta na i gimomo giholyon a hi wazad i ne gibilenan ne hurit toniymo. Teq i gamuk amomo ago hib a hi gilumsihta. Haiqgam. I God ago gamuk negad i ne gimen gihol nog hulosmo. Na ezaqgo i ne giloyinsa ne i giqutil anabun asormo diq iyiyta na ago.

1 Tesalonaika 2:9

I gimaqbaban, i giholtuw bulad kabiy ayahmo ne gilikmanib emta na ne ahol tuwaqiy. I zeqab taromab inaqmo kabiy emyauqta. I ne gimen kabiy emad teq i igmo giholyon kabiy emyauqtamo. Luweq i Yesus awagamun dimunta God igta na gibilensa ne didaq nagah igad ne gihol husisiqdaq haqad. I afaqan nazaq negnan hulosyauq.

1 Timoti 1:1

Yaqmo Pol, ya Krais Yesus ago Aposel araq. God I Gilumsihim Giwaqaqta na teq in atatin Krais Yesus i amen emim osauqta na inaq in ya inan bilaqan ya Aposel iyta.

1 Timoti 2:7

Ulal iyan ya nagah na agamukan waqeq a le og saw haresmo bilaqdaiq haqad God ya itowun eman ya Aposel iyta. (Hel diqmo ya bilaqaiq. Ya a hi katiyaiq.) Ya Aposel tiqiyim ya on mataw en ta asor Juda a haiqta nagan suleq negsa in Krais anan helmo haqad in God ago gamuk helta anan ginad tiqem hasay.

2 Timoti 1:11

Ya Yesus awagamun dimunta naqmo waqeq a le og saw haresmo bilaqdaiq haqad God ya itowun eman ya in ago Aposel iyta. Iyim ya in ago gamuk na asuleqin on mataw negad luwaiqta.

Taitus 1:1

Yaqmo Pol, ya God ago kabibiy mat teq ya Yesus Krais ago Aposel-mo. Ya God ago on mataw in gilumim aholyon giwamta na gilumsihsa in gigo ginad helta na awaz timeqniydaq haqad in ya iqeman ya in ago kabiy ka emaiqta. Teq ya God ago gamuk helta na on mataw gibilensa in ginad em hasad God ago daq dimdimunta naqmo emad os daqay haqad in kabiy kab ya iqamta.

Hibru 5:4

Tamaz mat danmebta na abin ayah diqta. Mat araq in kabiy na anadibmo ahol a hi ugdaqta. God-mo mat lilewunan in kabiy na waqaqta. Kwaziqmo in Aron lilewunta nazaqmo.

Hibru 7:26

Tamaz mat danmebta nawa ya anan teko tibilayta naqmo in i tigilumsihdaqta. In tawon diqta iyim in aholib daq araq in ananin waqdaqta haiqgam. In ahol abusirinan haiqta teq in mataw daq meqinta emayta na gigo hib pesanmo luwaqta. Nazaq iyan in kait uriyamim gwalehim God ago saw aduganibmo diq ban tuwaqim osaqta.

Jems 1:1

Yaqmo Jems. Ya God teq Iyahta Yesus Krais inaq gigo kabibiy matta. Ne gem Isrel on mataw gidauhan 12 nazaq og saw haresmo le osayta na gimen sansandek ka ya mar tonim eman leh negaq. Zeq dimun ne bunmo.

1 Pita 4:17

Ari muran God in mataw gigo daq gilum kemdaqta akaman na tubol. Bolan in hazizir na alulin emad danmeb inmo ago on matawta gigo daq ulum kemeq amenin tinegdaq. Negeq hulosad in mataw God ago gamuk dimunta gileh ugad a hi huritayta na gigo hib hazizir na emid tihiqiydaq. Ari God danmeb inmo ago on mataw gilum kemeq faq negsa teq ta mataw nan othasayta na in ezaq diq gihol loyin daqay?

2 Pita 1:1

Yaqmo Saimon Pita, ya Yesus Krais ago kabibiy matta teq ya in ago Aposel-mo. Yesus Krais-mo in i gigo God iyim in i gilumsihim giwamta. In daq titnonta emim in ago suleq i Aposel igta naqmo in ne nagtamo. Negan i ginad helta usaqta nazaq nogmo ne ginad ussa iyan ya ne gimen sansandek ka mar tonim eman leh negaq.

Jud 1:1

Yaqmo Jud ya Yesus Krais ago kabibiy mat araq. Ad ya mat anan Jems haqayta na amikqanmo. Ne mataw God ago liley huritim muzinayta na gimen ya sansandek ka mar tonim eman nawa leh negaq. I Gimam God ne ginan anad bilaqaqta. Sa Yesus Krais ne giwamuzsa ne dimunmo osayta.

Revelesen 1:1

Gamuk ka kwaziqmo ulilemim ussa Yesus Krais eman ulalab gwahtimta. Gwahtiqan God in Yesus-mo atowun emim gamuk ka ugta. In anad Yesus gamuk ka waqeq ago kabibiy mataw gibilensa in nagah hidmo gwahtiqdaqta na ago tuhurit daqay haqad. An Yesus in ago angelo araq eman ago kabibiy mat Jon ago hib lehim gamuk ka bulonta.

Revelesen 22:6

Ari God ago angelo na ibilenim bilam, Gamuk ka hel diqtaqmo ham. God bilamta nazaqmo diq in tugwahtiqdaq ham. Na ezaqgo Iyahta God inmo anad nantut negsa in ago gamuk bilaqayta ham. Ad in ago kabibiy mataw nagah teq hidmo gwahtiqdaqta na giqisihungo haqad in ago angelo eman kawaqmo tubol ham.

Revelesen 22:9

Sa angelo na ibilan, Sey! ham. Ni nazaq hi ton ham. Ni nimaqbaban God ago nantut nagan teq on mataw bunmo gamuk buk kab ussa muzinayta na in God ago kabibiy emayta ham. An nazaq nogmo ya in ago kabiy emaiqtamo ham. Ni God amomo ayon lotu em ham.