Matyu 4:4 - God ago maror muturta agamukan

⁴ Haqan Yesus amenin emim bilam, God ago marib gamuk araq kazaq bilam ham. Bret amomo in mat eman kayeqmo a hi osaqta haqad in bilam ham. Mat God aqezab gamuk gwahtiqaqta na bunmo huritim muzinad teq in kayeqmo osaqta haqad in bilam ham. Lo 8.3

Matyu 4:4 Iomraidhean Croise

Matyu 15:11

Nagah bunmo mataw wazim giteb eman lehaqta na in mataw gihol eman God ameb anumlan a hi iyaqta ham. Haiq ham. Nagah mat aduganib usim bo aqezab gwahtiqaqta naqmo in mat ahol eman God ameb anumlan inaq iyaqta ham.

Matyu 4:10

Haqan Yesus bulon, Satan ni tuk ham. God ago marib gamuk kazaq bilam ham. Iyahta in ningo God haqad in bilam ham. Ni in amomo abin iluwad ago kabiy emdaq haqad in bilam ham. Lo 6.13

Matyu 4:7

Haqan Yesus bilam, Teq God ago marib gamuk ta araq kazaq usaqmo ham. Na in bilam, Iyahta in ningo God haqad in bilam ham. Nazaq iyan ni girerey emad in hi ulum waq haqad in bilam ham. Lo 6.16

Yesus awagamun Mak mar tonta 7:20

Haqad in bilam, Nagah mat aduganib usaqta naqmo bo asanib gwahtiqim in mat na ahol eman God ameb anumlan inaq iyaqta ham.

Yesus awagamun Luk mar tonta 4:12

Haqan Yesus amenin emim bulon, Teq God ago marib gamuk araq kazaq bilammo ham. Iyahta in ningo God haqad in bilam ham. Nazaq iyan ni girerey emad in hi ulum waq haqad in bilam ham. Lo 6.16

Yesus awagamun Luk mar tonta 4:4

Haqan Yesus amenin emim bulon, God ago marib gamuk araq kazaq bilam ham. Bret amomo in mat eman kayeqmo a hi osaqta haqad in bilam ham. Lo 8.3

Yesus awagamun Luk mar tonta 4:8

Haqan Yesus amenin emim bulon, God ago marib gamuk araq kazaq bilam ham. Iyahta in ningo God haqad in bilam ham. Ni in amomo abin iluwad ago kabiy emdaq haqad in bilam ham. Lo 6.13

Yesus awagamun Jon mar tonta 15:26

Ari ya imam ago hib leheq teq ya ne giteqsor na emid ne gigo hib tuboldaq ham. Na in God ago Bugaw Dimunta gamuk helta bilaqaqta ham. In Gimam Iyah inaq osaqta ham. In boleq ya mat ezaq diqta na ago ne tigibilendaq ham.

Yesus awagamun Jon mar tonta 6:63

I giwitan in i gisan zaway ugsa i kayeqmo osauqta ham. I gisan in i giwitan ulumsihgo zaway haiqgam ham. Gamuk kawa ya negaiqta ka in ne giwitan ulumsihsa ne kayeqmo osayta ham.

Sansandek Pol mar tonan uliq Rom-ub lahta 15:4

God ago gamuk kwaziqmo mar toniyta na bunmo in i suleq iggo mar toniyta. Mar tonan i gamuk na anadin emad gigem zaway iysa afaqan sorad i gituw a hi hiqiyaqta. Gituw a hi hiqiysa God teq i gidimun tondaq haqad i amen emim osauqta.

Efesus 6:17

Ad God ne gilumsihim tigiwamta na agamukan in bilaqne hat ain-ibta ne gifaqin isiheq us nog iyan. Sa ne Bugaw Dimunta ago baqir wazeq turiy. Baqir na in God ago gamuk naqmo.