Matyu 23:3 - God ago maror muturta agamukan

³ Nazaq iyan in gamuk bunmo amalib suleq negayta na ne huritad muzmo muziniy ham. Ari in gigo daqmo teq ne hikidik muziniy ham. Na ezaqgo in suleq negayta na in gimo a hikidik muzinayta ham.

Matyu 23:3 Iomraidhean Croise

Matyu 21:30

Sa gimam in atatin ta araq na ago hib tilah ham. Lehim in teko bilamta nazaqmo in ta na tubulonmo ham. Bulonan amun na bilam, Eqe mam ya le kabiy na tiqemdaiq ham. Haqim teq in a hi lah ham.

Matyu 23:4

In gunun kabemmo diq mataw negayta ham. Bilaqne in nagah afaqanta tuq tonim am wazim mataw gibetarib emayta nazaq nog ham. Eman mataw nagah afaqanta na sorad in giholtuw bulad luwayta ham. Luwsa ta mataw aseseqta na in gilumsihgo giben amotin asit lo a hikidik wazayta ham.

Aposel 5:29

Haqan Pita ayogniz Aposel bunmo nenaq in amenin emim bilaqiy, I God-mo aqez muzinamta haqiy. I mataw giqez a hi muzinam haqiy.

Sansandek Pol mar tonan uliq Rom-ub lahta 13:1

Ari ne bunmo gavman gihaqenib osiy. Na ezaqgo God inmo bilaqan gavman bunmo gwahtiqim giqosayta. Osad gavman araq diq in gimo gigo zawayib a hi osayta. Haiqgam. Gavman bunmo gigo zaway God-mo ago hib bolaqta.

2 Timoti 3:5

Teq in mataw kat negad God ago daq akabiyakinmo em daqayta. Ta teq in God ago zaway anan helmo a hi haqad in asit diq a hi loyin daqayta. Nazaq iyan ni mataw naqanta girabunad pesanmo luw.

Taitus 1:16

Mataw naqanta in giqezabmo bilaqay, I God ago tuhurit haqayta. Teq in daqdaq emsa i gibiyad ginad emauq, Mataw ko God gileh ugim osayta haqauq. Mataw na God ago nan othasad in daq araq dimunta emgo biyab a hi iysa God in gibiyad ame a hikidik bilaqaq.