Matyu 10:2 - God ago maror muturta agamukan

^2-4 Teq Aposel 12 na ginan kazaq: Saimon, in anan araq Pita haqayta teq Saimon amikqan Andru teq Sebediy atatniz giger Jems ama Jon inaq teq Filip teq Bartolomyu teq Tomas teq Matyu mat takis waqyaqta na teq Alfiyus atatin Jems teq Tadiyus teq Saimon mat Rom nenaq bab emyaqta amatin na teq Judas uliq Kariyot-ibta na. Mat naqmo in Yesus waqim bab gibenab amta.

Matyu 10:2 Iomraidhean Croise

Matyu 17:1

Ari abeb kam 6 nazaq tihiqiyan Yesus in Pita teq Jems ama Jon inaq giwaqim nenaq garah araq sisaqta abigmanib tugwalehiy. Gwalehim in nab giholbinmo tuqosiy.

Matyu 20:20

Ari kam nab Sebediy atatniz giger Jems ama Jon inaq in ginen inaq Yesus ago hib tuboliy. Bolim in ginen Yesus anognib abakbakan ulum laquwim turad in Yesus ago hib nagah araq waqgo haqad tisusumun ug.

Matyu 26:37

Haqadmo in Pita teq Sebediy atatniz giger na giwaqim nenaq tilah. Lehad in ahol afaqan iysa ahol meqin diq tiloyinyaq.

Matyu 4:18

Ari Yesus yuw-kurorqan Galiliy aqurumun muzim lehad luwim in maqbab gigermo dob hunegim nabiq waqad luwsa tigibiy. Araq na anan Saimon. In anan araq Pita haqayta. Teq in amikqan anan Andru. In giger kabiy naqmo em yaqayta amatawun.

Matyu 4:21

Lehad luwim Yesus maqbab gigermo a ta gibiy. Mataw na in Sebediy atatniz Jems ama Jon inaq. In gimam inaq muyib dob wastitayad ossa Yesus giger na tigililewunmo.

Yesus awagamun Mak mar tonta 1:29

Ari Yesus bit na hulosim in Jems ama Jon inaq giwaqim nenaq Saimon ama Andru inaq gigo bitab tilehiy.

Yesus awagamun Mak mar tonta 13:3

Haqad in tilehiy. Lehim Yesus garah anan Oliv haqayta nab osad teq in ame lehim Tempel na ahol waqad osyaq. Ossa Pita, Jems, Jon teq Andru nazaqmo in agerab tuboliy. Bolim in tisusumun ugiy,

Yesus awagamun Mak mar tonta 6:30

Ari Yesus ago mataw in giqeman uliq-uliqgo lehiyta na muleqim ta bolim Yesus agerab humab tuwoliy. Humab wolim in lehim kabiy emiyta na teq gamuk bunmo in mataw gibileniyta na awagamun in Yesus tubuloniy.

Yesus awagamun Luk mar tonta 11:49

God anad awaz meqin diqta iyim iyan in ne gilum kemimmo ginan kazaq bilam ham. Ya Aposel asor teq yaqgo nantut asor giqemid in yaqgo on mataw gigo hib leh daqay haqad in bilam ham. Lehid teq yaqgo on mataw na in gibaymuzad asor in ginol em daqay haqad in bilam ham.

Yesus awagamun Luk mar tonta 22:14

Ari imisor didaq neqgo akaman tiqiyan Yesus ago disaipel nenaq humab wolim banab osad didaq tineq yaqay.

Yesus awagamun Luk mar tonta 22:8

Nazaq iyan Yesus in Pita ayow Jon inaq giqeman lehsa in gibilan. Ne leheq i Pasova adidaqan neqamta na abanan wastitayid teq i leheq nequq ham.

Yesus awagamun Luk mar tonta 9:10

Ari Yesus ago disaipel kabiy emad luwiyta na muleqim Yesus ago hib tuboliy. Bolim in kabiy bunmo emiyta na awagamun tubuloniy. Bulonim tihiqiyan Yesus in giwaqim nenaq in gimomo uliq anan Betsaida haqayta nab tilehiy.

Yesus awagamun Jon mar tonta 12:22

Haqan Filip le Andru bulonim teq in giger le Yesus tubuloniy.

Yesus awagamun Jon mar tonta 13:23

Sa Yesus ago disaipel araq in anan anad diq bilaqaqta na in banab ahol wol emim Yesus anognib us.

Yesus awagamun Jon mar tonta 20:2

Ahol waqad in sibim le Saimon Pita teq disaipel araq Yesus in anan anad diq bilaqaqta na gibilenim bilam, Iyahta nabag hodhodab tuwaqiy ham. Waqim in a le edob emiyta na i a hi hurit ham.

Yesus awagamun Jon mar tonta 21:2

Kam araqab Yesus ago disaipel asor humab wolim osiy. Mataw na ginan kazaq: Saimon Pita teq Tomas anan araq Didimus haqayta na teq Nataniyel uliq Kana saw Galiliy-ibta na teq Sebediy atatniz giger na teq disaipel ta asor gigermo in bunmo araqibmo osiy.

Yesus awagamun Jon mar tonta 21:20

Ari Pita ahol buliyim disaipel Yesus in anan anad bilaqaqta na gimuzim nenaq lehsa in ahol tuwam. Mat naqmo kwaziqmo Yesus ago disaipel nenaq didaq neqad in banab ahol wol emim Yesus anognib us nog iyad in afaqin Yesus abanib emim bulon, Iyahta ham nog niwaqeq bab gibenab niqemdaq? hamta na amatin.

Yesus awagamun Jon mar tonta 21:24

Ari disaipel naqmo in daq nagan bunmo amebmo ahol waqim in awagamun mar tonta. An i mat na ago tuhurit. In a hi katiyad gamuk heltaqmo mar tonta.

Yesus awagamun Jon mar tonta 6:67

Nazaq iyan Yesus in ago disaipel 12 na gibilan, Ne inaqmo ya ihuloseq leh daqaymo ye? ham.

Yesus awagamun Jon mar tonta 6:70

Haqan Yesus nan na amenin emim gibilan, Yaqmo ne mataw 12 na iholyon gilumim giwayta ham. Ta teq ne gilikmanib araq in bilaqne Satan nog osaq ham.

Yesus awagamun Jon mar tonta 6:71

Na in Saimon uliq Kariyot-ibta atatin Judas ayon gamuk na bilam. Mat na in disaipel 12 na gigo araqta. Teq abeb in Yesus waqeq bab gibenab emdaqta na ago Yesus in anan nazaq bilamta.

Yesus awagamun Jon mar tonta 6:8

Haqsa Yesus ago disaipel ta araq Saimon Pita amikqan Andru in era Yesus tubulon, Amun araq ago bali bret abaynaginmo teq nabiq gigermo inaq kawa osaq ham. Teq didaq asitmo na in on mataw kuluwmo kozaq ko inaq a hi iydaq ham.

Aposel 1:13

In garah na hulosim le uliq Jerusalem-ub gwahtiqim bit in os yaqayta nab tilehiy. Lehim in bit na adugan ulilib osayta nab gwalehim tuqosiy. Mataw na ginan kazaq: Pita, Jon, Jems, Andru, Filip, Tomas, Bartolomyu, Matyu, teq Alfiyus atatin Jems teq Saimon mat Rom nenaq bab emyaqta amatin na teq Jems ta araq atatin Judas.

Aposel 1:26

Haqad in God inaq gamuk nazaq bilaqim tihiqiyan in gig amikmikta giwaqim mataw giger na ginan mar tonim teq hunegiy. Hunegan Matiyas-mo anan tugwahtim. Gwahtiqan in Matiyas waqim Aposel 11 na nenaq tigiwastoniy.

Aposel 12:2

Ad in Jon abab Jems wazim baqirib wol eman tumom.

Aposel 3:1

Ari kam ta araqab 3 kilok imisor Juda mataw God inaq gamuk emayta akamnib nab Pita ayow Jon inaq Tempel-ib tilehiy.

1 Korin 15:7

An teq in Jems ameb gwahtiqim teq in Aposel bunmo gimeb gwahtimmo.

Efesus 4:11

Teq in ago on mataw naw amo amo kazaq nagta. Mataw asor in Aposel akabiyan nag. Sa asor in God ago nantut akabiyan nag. Sa asor in uliq-uliqgo luwad Yesus awagamun dimunta on mataw gibilengo akabiyan nag. Sa asor in God ago sipsip giwamuzgo akabiyan negad in mataw asor God ago gamuk asuleqin bilaqgo akabiyan nag.

Hibru 3:1

Ya imaqbaban tawon diqta, God ulilib osad ne gililewunan ne inaqmo in ago on matawta tiqiyiy. Ne Yesus-mo anadin emiy. God in eman in i gimen gamuk helta a bolta teq in i gigo tamaz mat danmebta iyim osaqta. Ossa i in abin nazaq diqmo on mataw gibilenauqta.

1 Pita 1:1

Yaqmo Pita, ya Yesus Krais ago Aposel araq. Ne Yesus ago on mataw saw Pontus teq saw Galesiya teq saw Kapadosiya teq saw Esiya teq saw Bitiniya gigo og saw haresmo begbeg nog iyim osayta na gimen sansandek ka ya mar tonim eman ne gigo hib lehaq. Kwaziqmo diq ne a hi gwahtiqsamo i Gimam God in ne gigo tuhuritim in aholyon ne gitowun tiqamta. Gitowun emim abeb in ne giwaqim ago Bugaw Dimunta negan ne in ago on mataw tawonta tiqiyiy. God in Yesus anedan ne giholib hures laman ne gibusirinan tihiqiyan ne Yesus Krais ago gamuk huritad muzinayta. God agem dimunta negad ne gigem eman kute nemaqta na in ne gigo hib ayahmo diq gwahtiqan.

2 Pita 1:1

Yaqmo Saimon Pita, ya Yesus Krais ago kabibiy matta teq ya in ago Aposel-mo. Yesus Krais-mo in i gigo God iyim in i gilumsihim giwamta. In daq titnonta emim in ago suleq i Aposel igta naqmo in ne nagtamo. Negan i ginad helta usaqta nazaq nogmo ne ginad ussa iyan ya ne gimen sansandek ka mar tonim eman leh negaq.

2 Jon 1:1

Ari Yesus ago on matawta gigo mat danmebta araq yaqmo kawa. Aw ayah, God ni nilum kemim aholyon tiniwamta. Ya ni teq ningo onmin nenaq gimen sansandek ka mar tonim eman ne gigo hib lehaq. Ya helmo ne gibilenaiq. Ya ne ginan inad diq bilaqaqta. Teq ya imomo haiq. On mataw God ago gamuk helta huritayta na bunmo in ne ginan ginad bilaqaqmo.

3 Jon 1:1

Ari Yesus ago on matawta gigo mat danmebta araq yaqmo kawa. Gayus, ya ninmen sansandek ka mar tonim eman ningo hib lehaq. Ya helmo nibilenaiq, Ya ni ninan inad diq bilaqaqta.

Revelesen 1:1

Gamuk ka kwaziqmo ulilemim ussa Yesus Krais eman ulalab gwahtimta. Gwahtiqan God in Yesus-mo atowun emim gamuk ka ugta. In anad Yesus gamuk ka waqeq ago kabibiy mataw gibilensa in nagah hidmo gwahtiqdaqta na ago tuhurit daqay haqad. An Yesus in ago angelo araq eman ago kabibiy mat Jon ago hib lehim gamuk ka bulonta.

Revelesen 1:9

Ya ne gimaqbab Jon. Ya nenaq i araqibmo Yesus muzad afaqan sorauqta. Ad Yesus ne giqeman ne God ago maror aduganib osayta nazaqmo in ya iqeman ya ne nenaq God ago maror aduganib tuqosaiqtamo. Teq in ne zaway negsa ne afaqan sorad gituw a hi hiqiyaqta nazaqmo in ya ilumsihsa ya afaqan sorad ituw a hi hiqiyaqtamo. Ya God ago gamuk anan helmo haqad Yesus abin ulalabmo bilaqaiqta na ago mataw ya iwazim nud anan Patmos haqayta kab iqemiy.

Revelesen 18:20

Haqad mat na a ta bilam, Heven-ib angelo bunmo ham, ne ginad dimniyan ham. Teq God ago nantut teq in ago Aposel teq in ago on mataw tawonta na bunmo ham ne nagah muran uliq nab gwahtimta na ago ne ginad dimniyanmo ham. Uliq ayahta na in ago daq meqinta amalib ne gimeqin tonan muran God in uliq na ago daq meqinta na amenin tuqug bug ham.

Revelesen 22:8

Ari yaqmo Jon, ya gamuk ka huritta teq ya nagah ka bunmo ahol wayta. Ya nagah ka agamukan tuhuritim teq ya imeb nagah ka ahol tuwaqimmo ya God ago angelo na anognib ibakbakan ulum laquwim turad in ayon lotu tiqemdaiq hay.