Matyu 1:2 - God ago maror muturta agamukan

² Ari Abraham in Aisak amam. Sa Aisak in Jekob amam. Sa Jekob in Juda amaqbaban nenaq gimam.

Matyu 1:2 Iomraidhean Croise

Matyu 1:1

Ari ka Yesus Krais asesan diqmo ginan. Yesus in Devit asenlulibta. Teq Devit in Abraham asenlulibta.

Matyu 1:3

Sa Juda in Peres ama Sera inaq gimam. Giger na ginen anan Tamar. Sa Peres in Hesron amam. Sa Hesron in Ram amam.

Aposel 7:8

God nazaq bulonim teq in Abraham inaq an adugan wazim bulon, Abraham ham ni nihol abatan asan tuqurotdaq haqad in bilam ham. Na in Abraham inaq an adugan wazta na atowun Isrel mataw bunmo gisanib usdaq haqad in maror na ugta ham. Nazaq iyan abeb Abraham ago amun Aisak gwahtiqim in ago kam 8 nazaq tiqiyan Abraham in asan tuqurot ham. An abeb Aisak in Jekob amam iyim in nazaqmo ton ham. An Jekob in i gisesan 12 na gimam iyim in atatniz na gigo hib daq nazaq amtamo ham.

Hibru 11:11

Teq Abraham God anan helmo haqsa in awe amun uggo azawayin aholib tubol. In awe Sara aw nignigta. Teq in awe amun ugdaqta akaman tekomo tuhulosta. Teq in anad emyaq, God amun yagnan hel diqmo bilamta nazaqmo in tiqemdaq haqyaq.

Hibru 7:14

Na in kazaq. I gigo Iyahta in Isrel gises Juda-mo asenlulib gwahtimta. Na i bunmo tuhuritta. Teq gem Juda matawta na in tamaz akabiyan em daqay haqad Moses in gimen gamuk araq nazaq a hi bilamta.

Revelesen 7:5

Juda ago gemub on mataw 12,000 nazaq tow waqiy. Sa Ruben ago gemub on mataw 12,000 nazaq tow waqiy. Sa Gat ago gemub on mataw 12,000 nazaq tow waqiy.