Yesus awagamun Luk mar tonta 3:2 - God ago maror muturta agamukan

² Sa Isrel gimuganib mat anan Anaz haqayta na amam Kayafas inaq in tamaz mataw danmebta iyim os yaqay. Ossa kam nabmo Sekaraya atatin Jon gwahtiqim saw araq amatawun haiqtab ossa God ago gamuk in anadib tugwahtim.

Yesus awagamun Luk mar tonta 3:2 Iomraidhean Croise

Matyu 11:7

Ari Jon ago disaipel muleqim tilehsa Yesus in on mataw biyahta nab turiyta na Jon anan gibilenim bilam, Kwaziqmo ne nog diq ahol waqnan saw amatawun haiqtab lehiy? ham. Ne mat araq bilaqne tuqir tim retsa ahol wolad ahulan iysa ne ahol waqnan lehiy ye? ham. Teq ne nog diq ahol waqnan saw nab lehiy? ham. Ne mat araq tubusan dimunta muturta welim tursa ahol waqnan lehiy ye? ham. Mataw tubusan dimunta muturta welayta na in king gigo bit aseseqtab osayta ham.

Matyu 26:3

Ari kam nab mataw tamaz emayta gigo aseseqta na giyogniz Juda gigo mataw marorta na nenaq in tamaz mat danmebta anan Kayafas haqayta na ago bitab humab tuwoliy.

Yesus awagamun Mak mar tonta 1:2

Teq wagam ka alulin in kwaziqmo God ago nantut Aisaya gamuk mar tonta nazaqmo tugwahtimta. Gamuk na bilam, Ahol waqiy ham. Ya teq mat araq emid in yaqgo gamuk ad danmeb lehdaq ham. Leheq in ninmen dan tuwastitaydaq ham. Malakay 3.1

Yesus awagamun Luk mar tonta 1:80

Ari amun na ayah tiqiyim in anad teq ahol bunmo zilimim in ago zaway inaq tiqiy. Iyim in lehim saw amatawun haiqtab osad in Isrel gimeb ulalab gwahtiqdaqta na akaman amen tiqemyaq.

Yesus awagamun Jon mar tonta 1:23

Haqan Jon bilam, Mat aqez saw amatawun haiqtab lileyim bilaqaq, Ne Iyahta ayon dan wastitayiy haqaqta na yaqmo kawa ham. Aisaya 40.3 Kwaziqmo God ago nantut Aisaya bilamta nazaq ham.

Yesus awagamun Jon mar tonta 18:24

Anmo Anaz in Yesus aben aqamun inaqmo eman tamaz mat danmebta Kayafas ago hib tilah.

Aposel 4:6

Humab wolim ossa tamaz mat danmebta anan Anaz haqayta na teq Kayafas teq Jon teq Aleksanda teq tamaz mat danmebta na asenlul matmatta bunmo in humab nab osiymo.