Yesus awagamun Luk mar tonta 1:1 - God ago maror muturta agamukan

^1-2 Mat ayah Tiyofilus, mebmebmo God in ago on mataw gimen daq aseseqta eman i gilikmanib gwahtiqsa mataw asor in gimeb ahol waq bugim teq awagamun bilaq yaqayta. Bilaqad in wagam na akabiyan emad luwad le in i on mataw abeb gwahtiwta i gigo hib wagam na tibilaqiymo. Bilaqsa mataw ta asor kabemmo in wagam anamreniz na giqez muzinim nagah na awagamun mar ton waqiyta.

Yesus awagamun Luk mar tonta 1:1 Iomraidhean Croise

Yesus awagamun Mak mar tonta 16:20

Os woqim ossa in ago disaipel og saw bunmo lehad in Yesus awagamun dimunta na on mataw gibileneq gibileneq tileh yaqay. In nazaq emad luwsa Iyahta in nenaq kabiy tiqemyaqmo. Sa disaipel Yesus awagamun bilaqsa God inmo daq azawayin inaqta emsa on mataw ahol waqad bilaq yaqay, Wagam na in hel diqtaqmo haq yaqay.

Yesus awagamun Jon mar tonta 20:31

Ya Yesus awagamun asormo kawa ya tumar tonta ka ne ahol waqad ne Yesus anan Krais haqad teq ne in anan God atatin tihaq daqaymo haqad ya gamuk ka mar tonta. Ne Yesus abin nazaq diqta anan helmo haqeq teq ne kayeqmo kuluwa-kuluwmo tuqos daqay.

Sansandek Pol mar tonan uliq Rom-ub lahta 14:5

Mat araq kam ulum kemim in kam asor anadin emad udinaqta. Sa mat araq bilaqaq, Kam bunmo in araqibmo haqaqta. Nazaq iyan ne amulik-mulikmo ginad emad ne naga daqin diq em daqayta na ago ne ginad amulikmo gigemab ussamo ne daq nazaq emiy.

Sansandek Pol mar tonan uliq Rom-ub lahta 4:21

Nazaq iyan in anad emyaq, God hel diqmo bilamta nazaqmo in tiqemdaq haqyaq.

Kolosi 2:2

Ya inad God ago on mataw na bunmo gigem zaway iysa in an anan ginad bilaqsa osad in mataw en amulikmo iyeq osiy haqaiq. Teq in ginad helmo haqayta na ayahmo diq iysa in ginad em hasiy haqaiq. Ginad em haseq God ago gamuk helta ulilemim usta na ago in hurit kemiy haqaiq. Teq gamuk ulilemim usta na alulin Krais-mo.

Kolosi 4:12

Teq negmo gigo mat anan Epafras haqayta na in ne gimen zeq dimun eman nawa lehaqmo. Mat na in Krais Yesus ago kabibiy matta teq in aholtuw diq bulad ne gimen God tutimmo bulonaqta. In anad God ne gilumsihsa ne gihol ginad bunmo zilimsa ne God anan helmo diq haqad giwaz meqniyeq tur daqay haqad in ne gimen God bulonaqta.

1 Timoti 3:16

Helmo on mataw God asenlul iyim in anad muzinad ago daq dimdimunta emayta na ago asuleqin in nagah ayah diqta. Gamuk na alulin ulilemim usan God eman ulal iyta. Na in kazaq. In mataw ogibta gisan waqim on mataw gimeb gwahtim. Teq God ago Bugaw Dimunta ago zaway amalib in ahol alulin diqta na ulal iy. Sa angelo in ahol waqiy. Teq mataw in ahol awagamun a luwad on mataw en bunmo gibileniy. Gibilensa on mataw og saw bunmo in anan helmo haqiy. Teq God in waqim ad Heven-ib gwalehan in abin ayah diqmo iy.

2 Timoti 4:17

Ari ya hazizirib tursa Iyahtaqmo ibiy muzad zaway yagyaq, ya in ago gamuk dimunta bilaq sireqsa on mataw en ta asor Juda a haiqta na tuhurit daqay haqad. In nazaq ilumsihim in laiyon ateb iwaqan ya afaqan araq a hi way.

Hibru 10:22

Yesus inmo ahol anedan i gigemab hures lamad in i gunun itiyonim ginad meqniyaqta na suholan tihiqiy bug. In yuw dimunta amalib i gihuz igan i gisan abusirinan haiq tiqiy. Nazaq iyan i ginad helta usaqta na ago i zaway diq iyad i gigem God ameb titnonimmo ussa i God agerab loquq.

Hibru 6:11

Teq i ginad ayahmo ne bunmo gigo hib usaqta na in kazaq. Ne amulik-mulikmo nazaqmo God ago kabiy atoranmo emad os tutiy haqauq. Ne nazaq emad teq ne ginadnad emad “God teq i gilumsiheq ta giwaqdaq o haiq?” haqad ne ginad kabemmo nazaq a hi usdaq. Ad ne ginad amulikmo God amomo ago hib ussa le in ne giyon kam anan bilamta nabmo teq in ne tigidimun tondaq.